Exodo 32:13 - Chol: I T’an Dios

¹³ Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Chol de Tumbalá Bible

¹³ Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Jiñi Tsiji' bʌ Wen T'añ cha'añ Estudio

¹³ Ña'tan Abraham yic'ot Isaac yic'ot Israel, jiñi a wiñicob, tsa' bʌ a wʌq'ueyob a t'añ che' bʌ tsa' wʌlʌ: “Joñon mi caj c p'ojlesan la' p'olbal, che' bajche' c'amel añ ec' ti panchan yic'ot mi caj cʌq'ueñob la' p'olbal pejtelel ili lum tsa' bʌ c su'beyetla yic'ot mi caj i ch'ʌmob ti' wenta ti pejtelel ora.”

Exodo 32:13 Iomraidhean Croise

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

Genesis 15:5

Lac Yum tsi' pʌyʌ loq'uel Abram ti jumpat. Tsi' yʌlʌ: Q'uele jini panchan. Tsiqui jini ec' mi tsa' mejli a tsic. Che'ʌch mi' caj ti p'ojlel a p'olbal, che'en lac Yum.

Genesis 15:7

Tsi' sube: Joñon a Yumon tsa' bʌ c pʌyʌyet loq'uel ti Ur i cha'an caldeojob cha'an mi cʌq'ueñet a lum cha'an ma' wochel ti' yum, che'en.

Genesis 17:8

Mi caj cʌq'ueñet yic'ot a p'olbal pejtel i lumal Canaán ba' woliyet ti ñumel majlel. La' cha'añʌch ti pejtelel ora, come Dioson, che'en.

Genesis 22:16

Tsi' yʌlʌ: Tij c'aba' tsac wersa ac'ʌ c t'an, cha'an tsa' jac'ʌ chuqui tsac subeyet. Ma'anic tsa' chʌclebeyon a walobil. Tsa' wʌq'ueyon jini cojach bʌ a walobil.

Genesis 22:17

Mi caj c wen aq'ueñet cutslel. Mi caj c wen p'ojlesʌbeñet a p'olbal jinto lajal ti tsicol che' bajche' ec' am bʌ ti panchan, che' bajche' ji' am bʌ ti' ti' colem ñajb. Mi caj i cha'leñob yumʌl ti' tojlel i contrajob.

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 48:16

Jini Angel tsa' bʌ i mʌñʌyon loq'uel ti pejtelel jontolil, la' i yʌq'ueñob i wenlel jini ch'itoñob. La' i ch'ʌmbeñon j c'aba' jini ch'itoñob. La' i ch'ʌmob i c'aba' c ñojte'elob, Abraham yic'ot Isaac. La' p'ojlicob ti pañimil cha'an wen cabʌl mi' majlelob, che'en.

Exodo 13:11

Lac Yum mi caj i pʌyetla ochel ti' lumal cananeojob che' bajche' tsi' subeyetla yic'ot la' tat. Che' mi' yʌq'ueñetla jini lum,

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 33:1

Lac Yum tsi' sube Moisés: Cucu, letsen ilayi, jatet yic'ot ili tejclum tsa' bʌ a loc'sa ti' lumal Egipto. Cucu ba'an jini lum tsa' bʌ c wʌn sube Abraham yic'ot Isaac yic'ot Jacob che' tsac subeyob: “Mi caj cʌq'uen la' p'olbal jini lum”, cho'on.

Levitico 26:42

joñon mi caj c ña'tan jini xuc'ul bʌ t'an tsa' bʌ cʌq'ue Jacob, yic'ot Isaac, yic'ot Abraham. Che' jini muq'uix c cha' c'uxbiñob.

Deuteronomio 1:10

Come lac Yum Dios tsa'ix i wen p'ojlesayetla. Jini cha'an cabʌletixla che' bajche' jini ec' ti panchan.

Deuteronomio 7:8

Pero cha'an jach tsi' c'uxbiyetla lac Yum tsi' yajcayetla cha'an mi' ts'ʌctesan i t'an tsa' bʌ i wʌn subeyob la' ñojte'el. Jini cha'an lac Yum tsi' c'ʌñʌ i p'ʌtʌlel cha'an mi' loc'sañetla baqui woliyetla ti majtan e'tel ti yambʌ ora ti' tojlel jini rey Faraón ti Egipto.

Deuteronomio 9:27

C Yum, ña'tan a winicob Abraham yic'ot Isaac yic'ot Jacob. Mach a q'uelbeñob i tsʌtslel i pusic'al ili winicob mach bʌ anic mi' ñopetob. Yom ma' ñusʌbeñob jini ñuc bʌ i mul tsa' bʌ i meleyob,

Hebreos 6:13

Dios che' bʌ tsi' yʌq'ue Abraham i t'an, tsi' bajñel xuc'choco i t'an. Come ma'anic yambʌ ñuc bʌ bajche' Dios tsa' bʌ mejli i xuc'chocon.