Exodo 32:10 - Chol: I T’an Dios

¹⁰ Wʌle, la' to c pʌsbeñob c mich'ajel. La' quisañob. Mi caj c mel ñuc bʌ c tejclum ti a tojlel, che'en lac Yum Dios.

Chol de Tumbalá Bible

¹⁰ Wʌle, la' to c pʌsbeñob c mich'ajel. La' quisañob. Mi caj c mel ñuc bʌ c tejclum ti a tojlel, che'en lac Yum Dios.

Jiñi Tsiji' bʌ Wen T'añ cha'añ Estudio

¹⁰ Jiñi cha'añ wʌle, la' to c pʌsbeñob c mich'ajel cha'añ mic jisañob; pero ti a tojlel mi caj c mel ñuc bʌ c tejclum.

Exodo 32:10 Iomraidhean Croise

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Salmos 106:23

Dios tsi' sube Moisés mi caj i jisañob. Machic tsi' mʌcta Moisés tsa' laj jiliyob. Pero ya' ti' tojel i wut Dios tsa' wa'le Moisés jini yajcʌbil bʌ i cha'an, cha'an mi' mʌctʌben i mich'ajel.

Exodo 22:24

Mi caj c wen mich'an, mi caj c tsʌnsañetla ti espada. La' wijñam yic'ot la' walobilob mi caj i yochelob ti meba'.

Exodo 32:11

Pero ti wocol t'an Moisés tsi' pejca lac Yum Dios: C Yum, mach yomic ma' pʌs a mich'ajel ti' tojlel a tejclum tsa' bʌ a loc'sa ti' lumal Egipto ti a p'ʌtʌlel.

Exodo 32:19

Pero che' tsa' c'oti ya' ba' tempʌbilob, tsi' q'uele ya'an alʌ tat wacax. Woli' soñiñob. Tsa' mich'a Moisés. Ya' ti yebal jini wits tsi' choco jini cha'q'uejl xajlel am bʌ ti' c'ʌb. Tsi' top'o.

Exodo 33:3

Mi caj c pʌyetla ochel ti jini lum ba' yujil colel pejtelel pʌc'ʌbʌl, pero joñon ma'anic mi caj c tem letsel la' wic'ot, come wen tsʌtsob jax i pusic'al jini israelob, ame mic junyajlel jisañetla ya' ti bij, che'en.

Jeremias 11:14

Jini cha'an, Jeremías, mach ma' tajob ti oración ili winicob x'ixicob, come ma'anic mi caj cubiñob che' mi' pejcañoñob ti' yorajlel wocol.

Jeremias 14:11

Lac Yum tsi' subeyon: Mach a tajob ti oración ili winicob x'ixicob. Mach a c'ajtibeñon cha'an mij coltañob.

Jeremias 15:1

Lac Yum tsi' subeyon: Mach uts'atic mi caj c pʌs c bʌ ti' tojlel ili winicob. Muq'uic i xin otsañob i bʌ Moisés yic'ot Samuel cha'an mi' c'ajtibeñoñob wocol t'an, ma'anic mic jac'beñob. Chocoyob loq'uel tic tojlel. Subeñob majlel.

Jeremias 7:16

Jixcu jatet, mach ma' taj ti oración ili winicob. Mach ma' wuc'tañob. Mach ma' xin otsan a bʌ cha'an ma' c'ajtibeñon i coltʌntel, come ma'anic mi caj c jac'.

Ezequiel 20:13

Pero ya' ti colem bʌ i tiquiñal pañimil jini israelob tsa' caji i chañ'esañob i bʌ. Ma'anic tsi' jac'beyoñob c t'an tsa' bʌ j cʌntesayob anquese cuxul mi' yajñel majqui jach mi' jac'. Tsi' meleyob e'tel che' ti' yorajlel c'aj o. Jini cha'an tsac ña'ta c jisañob ya' ti colem bʌ i tiquiñal pañimil.

Numeros 14:12

Jini cha'an mi caj c jisañob ti c'amʌjel tac. Mi caj c chilbeñob i lum. Pero mi caj c wa'chocoñet ti' tojlel yaño' bʌ utso' bʌ i pusic'al. Mi caj c p'ojlesañet cha'an mi' tilel yambʌ tejclum ñumen cabʌl bʌ che' bajche' iliyi, che'en lac Yum.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Deuteronomio 9:14

Tʌts'ʌ a bʌ cha'an mic jisañob. La' jilicob i c'aba' ila ti pañimil. Joñon mi caj c p'olet. Mi caj c tech ti a tojlel yaño' bʌ winicob x'ixicob, ñumen oñob, ñumen p'ʌtʌlob ja'el, che'en lac Yum.

Deuteronomio 9:19

Joñon tsac bʌc'ña jini tsʌts bʌ i mich'ajel lac Yum. Cujil yomix i jisañetla, pero junyajl to tsi' cha' ubibeyon c t'an ti jini q'uin.

Santiago 5:16

Subu la' bʌ che' an la' mul ti' tojlel la' pi'ʌlob. Taja la' bʌ ti oración cha'an mi la' lajmesʌntel. An cabʌl i c'ʌjñibal i yoración jini tojo' bʌ. Cabʌlʌch i p'ʌtʌlel.