Exodo 32:1 - Chol: I T’an Dios

¹ Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Chol de Tumbalá Bible

¹ Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Jiñi Tsiji' bʌ Wen T'añ cha'añ Estudio

¹ Che' bʌ tsi' q'ueleyob jiñi israelob cha'añ ma'añic tsiquil woli' se'b ju'bel tilel Moisés ya' ti wits, tsa' tiliyob ba'añ Aarón, tsi' su'beyob: —Ch'ojyen, com lojon ma' melbeñon lojon c dios tac, mu' bʌ i majlel ti ñaxan tic tojlel lojon, come Moisés, jiñi wiñic tsa' bʌ i loc'sayonla ti' lumal Egipto, mach la cujilic chuqui tsi' cha'le.

Exodo 32:1 Iomraidhean Croise

Genesis 19:14

Lot tsa' majli i suben i nij'alob tsa' bʌ i c'ajtibeyob i yalobilob cha'an i yijñam: Ora yom mi la' loq'uel wʌ'i, come lac Yum mi caj i jisan ili tejclum, che'en. Pero i nij'alob tsi' lon ña'tayob sojquem i jol.

Genesis 21:26

Abimelec tsi' yʌlʌ: Mach cujilic majqui tsi' cha'le bajche' jini. Ma'anic tsa' subeyon che' bʌ tsa' ujti. Cojax to woli cubin wʌle, che'en.

Genesis 39:8

José ma'anic tsi' jac'be. Tsi' sube i yijñam i yum: Awilan, mach yujilic c yum chuqui an quic'ot ti' yotot. Tsa'ix i yʌc'ʌ pejtelel i chubʌ'an tic wenta.

Genesis 44:15

José tsi' subeyob: ¿Chucoch tsa' la' xujch'ibeyon c taza? ¿Mach ba la' wujilic mi mejlel c ña'tan mucul tac bʌ come cabʌlʌch c pusic'al? che'en.

Genesis 44:4

Che' bʌ tsa' loq'uiyob ti tejclum, che' bʌ max to ñajtic añob, José tsi' sube xcʌnta otot i cha'an: Cucux. Tsajcan majlel jini winicob. Che' bʌ tsa'ix a tajayob, yom ma' subeñob: “¿Chucoch tsa' la' q'uextʌbeyon cutslel ti jontolil? ¿Chucoch tsa' la' xujch'ibeyon c taza melbil bʌ ti plata?

Salmos 106:19

Tsi' meleyob alʌ tat wacax ya' ti Horeb. Tsi' ch'ujutesayob jini dioste' melbil bʌ ti c'ʌnc'ʌn taq'uin.

Exodo 13:21

Che' ti q'uiñil lac Yum tsa' majli ti ñaxan ti wa'al bʌ tocal cha'an mi' pʌyob majlel. Ti ac'ʌlel tsi' pʌyʌyob majlel ti wa'al bʌ c'ajc cha'an mi' pʌsbeñob i sʌclel. Che' jini tsa' mejliyob ti xʌmbal ti q'uiñil ti ac'ʌlel.

Exodo 14:11

Tsi' subeyob Moisés: ¿Chucoch tsa' pʌyʌyon lojon tilel ti chʌmel ilayi ti colem bʌ i tiquiñal lum? ¿Mach ba anic muconibʌl ti Egipto? ¿Chucoch tsa' pʌyʌyon lojon loq'uel ti Egipto?

Exodo 16:3

Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Exodo 20:23

Mach la' mel la' dios tac mi ti plata mi ti oro.

Exodo 24:12

Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Exodo 24:18

Moisés tsa' ochi ti mal tocal che' bʌ tsa' letsi majlel ti wits. Tsa' cʌle ti wits cha'c'al q'uin cha'c'al ac'ʌlel.

Exodo 32:11

Pero ti wocol t'an Moisés tsi' pejca lac Yum Dios: C Yum, mach yomic ma' pʌs a mich'ajel ti' tojlel a tejclum tsa' bʌ a loc'sa ti' lumal Egipto ti a p'ʌtʌlel.

Exodo 32:22

Aarón tsi' jac'ʌ: Mach mich'aquet. Cʌmbil a cha'an ili tejclum, wen jontolob.

Exodo 32:23

Come tsi' subeyoñob: “Melbeñon lojon c dios mu' bʌ i majlel ti ñaxan tic tojlel lojon. Come ili Moisés, jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le”, che'ob.

Exodo 32:7

Lac Yum tsi' sube Moisés: Cucux ti jubel, come a tejclum tsa' bʌ a loc'sa ti' lumal Egipto tsa'ix sojquiyob.

Exodo 33:3

Mi caj c pʌyetla ochel ti jini lum ba' yujil colel pejtelel pʌc'ʌbʌl, pero joñon ma'anic mi caj c tem letsel la' wic'ot, come wen tsʌtsob jax i pusic'al jini israelob, ame mic junyajlel jisañetla ya' ti bij, che'en.

Ezequiel 20:8

Pero tsi' chañ'esayob i bʌ tic tojlel. Ma'anic tsi' jac'beyoñob c t'an. Ma'anic tsi' chocoyob i dioste' egiptojob, ma'anic tsi' cʌyʌ i ñopob. Jini cha'an tsac ña'ta c jisañob tic mich'ajel che' ya'to añob ti Egipto.

Oseas 12:13

Tsac choco majlel x'alt'an cha'an mi' loc'san i p'olbal Jacob ya' ti Egipto. Tsi' toj'esayob tilel. Tsi' cʌntayob.

Miqueas 6:4

Joñon tsac pʌyʌyet loq'uel ti' lumal Egipto, ya' ba' tsa' la' cha'le majtan e'tel. Joñon tsaj coltayetla. Tsac chocbeyetla tilel Moisés yic'ot Aarón, yic'ot Miriam i yijti'an. Tsi' pʌyʌyetla majlel.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

Mateo 24:43

Ña'tanla jini, tsa'ic i ña'ta i yum otot baqui ora mi' tilel xujch', tsi' chʌcʌ q'uele i yotot cha'an ma'anic mi' toc jamben i yotot xujch'.

Mateo 24:48

Mi tsi' yʌlʌ ti' pusic'al jini jontol bʌ x'e'tel: “Jal to tal c yum”, mi che'en,

Hechos 17:29

I p'olbalonla. Jini cha'an mach yomic mi la cʌl lajalʌch Dios bajche' oro mi plata, mi xajlel mu' bʌ i melob winicob ti' bajñel pusic'al i wenta i yejtal Dios.

Hechos 19:26

La' wujil chuqui woli' mel Pablo, come tsa'ix la' q'uele. Tsa'ix la' wubibe i t'an. Tsa'ix i xic'beyob cabʌl winicob x'ixicob cha'an mi' cʌyob Diana, mach wʌ'ic jach ti Efeso, pero colel i ñumel ti pejtelel Asia ja'el. Mi' yʌl mach diosic jini melbil tac bʌ ti c'ʌbʌl.

Hechos 7:40

Tsi' subeyob Aarón: “Mele lac dios tac cha'an ñaxan mi' majlel ti lac tojlel. Come ma'anic mi lac ña'tan chuqui tsa' tumbenti jini Moisés tsa' bʌ i pʌyʌyonla loq'uel ti Egipto”, che'ob.

Deuteronomio 31:8

Lac Yum mi caj i majlel ñaxan ti a tojlel. Mi caj i yajñel a wic'ot. Ma'anic mi caj i cʌyet. Jini cha'an mach ma' cha'len bʌq'uen, che'en.

Deuteronomio 9:1

Ubinla israelob: Muq'uix cajel la' c'axel ti junwejl Jordán cha'an mi la' chilbeñob i tejclum tac winicob ñumen año' bʌ yic'ot ñumen p'ʌtʌlo' bʌ bajche' jatetla. Joyolob jini tejclum tac ti chan bʌ ts'ajc.

Deuteronomio 9:9

Che' bʌ tsa' letsiyon ti wits cha'an mic ch'ʌm wechel bʌ xajlel ba' ts'ijbubil i trato lac Yum tsa' bʌ i mele ti lac tojlel, tsa' jal'ayon ti wits cha'c'al q'uin yic'ot cha'c'al ac'ʌlel. Ma'anic chuqui tsac wis c'uxu, ma'anic chuqui tsac japʌ.

Josue 7:13

Sʌq'uesan jini israelob. Yom ma' subeñob: “Sʌq'uesan la' bʌ cha'an mi la' tempan la' bʌ ijc'ʌl, come lac Yum i Dios Israel mi' yʌl: Tsa'ix la' xujch'i c cha'an bʌ. Mach mʌjlic la' cha'an ti' tojlel la' contrajob jinto mi la' choc loq'uel jini tic'bil tac bʌ.

2 Pedro 3:4

Mi caj i yʌlob: ¿Bacan tsiquil woli' cha' tilel che' bajche' tsi' yʌlʌ? C'ʌlʌl che' bʌ tsa' chʌmiyob lac ñojte'el c'ʌlʌl wʌle, lajal woli' chʌn ajñel pejtelel chuqui tac an che' bajche' ti' cajibal pañimil, che'ob.