Exodo 30:7 - Chol: I T’an Dios

^7-8 Ti jujump'ejl sʌc'ajel che' mi' sujcun jini lámpara Aarón, mi caj i pul pom mu' bʌ i yʌc' i yuts'il ya' ti pulʌntib, yic'ot ti ic'ajel ja'el che' woli' tsuc' jini lámpara. Jiñʌch yom bʌ mi la' mel ti pejtelel ora tic tojlel, jatet yic'ot la' walobilob, che'en lac Yum.

Chol de Tumbalá Bible

^7-8 Ti jujump'ejl sʌc'ajel che' mi' sujcun jini lámpara Aarón, mi caj i pul pom mu' bʌ i yʌc' i yuts'il ya' ti pulʌntib, yic'ot ti ic'ajel ja'el che' woli' tsuc' jini lámpara. Jiñʌch yom bʌ mi la' mel ti pejtelel ora tic tojlel, jatet yic'ot la' walobilob, che'en lac Yum.

Jiñi Tsiji' bʌ Wen T'añ cha'añ Estudio

⁷ Che' ti jujump'ejl sʌc'ajel che' ba' ora Aarón mi' sujcun jiñi lámpara, mi caj i pul pom mu' bʌ i yʌc' i yujts'il ya' ti pulʌntib.

Exodo 30:7 Iomraidhean Croise

1 Cronicas 23:13

Amram jiñʌch i tat Aarón yic'ot Moisés. Jini Aarón temel yic'ot i yalobilob tsa' wa'chocontiyob ti ch'ujul bʌ i ye'tel cha'an mi' yʌq'ueñob i majtan tac lac Yum, cha'an mi' melob i ye'tel, yic'ot cha'an mi' subeñob wocolix i yʌlʌ lac Yum c'ʌlʌl ti pejtelel ora.

2 Cronicas 2:3

Salomón tsi' chocbe majlel t'an jini rey Hiram ya' ti Tiro. Tsi' sube: Coltañon che' bajche' tsa' colta c tat David che' bʌ tsa' chocbe tilel ch'ujte' cha'an i melol i yotot.

2 Cronicas 2:4

Joñon mi caj c wa'chocoben i Templo lac Yum Dios, mu' bʌ caj cʌq'uen lac Yum cha'an mi mejlel cʌq'uen lojon i majtan ti sʌc'ajel, yic'ot ti ic'ajel, yic'ot ti' yorajlel c'aj o, yic'ot che' mi' pasel uw, yic'ot ti ñuc tac bʌ i q'uiñilel lac Yum Dios, cha'an mi' pulbentel pom yic'ot tsʌnsʌbil bʌ i majtan xojocña bʌ i yujts'il che' bajche' yom melol ti Israel ti pejtelel ora.

2 Cronicas 29:7

Tsi' ñup'beyob i ti' tac jini Templo. Tsi' yʌpʌyob jini lámpara. Ma'anix woli' pulbeñob pom. Ma'anix woli' tsʌnsʌbeñob i majtan i Dios israelob.

Salmos 141:2

La' letsic jini coración ba' añet che' bajche' i buts'il pom. Yom ma' q'uelon che' mic letsan j c'ʌb i wentajʌch a majtan che' ti ic'ajel.

Exodo 30:34

Lac Yum tsa' to i cha' sube Moisés: Yom ma' ch'ʌm xojocña bʌ perfume, jiñʌch estacte yic'ot pulbil bʌ i pat te' yic'ot xojocña bʌ gálbano yic'ot xojocña bʌ pom ti junlajal bʌ i p'isol.

Exodo 30:6

Yom mi la' wʌc' jini pulʌntib ti' tojel jini joc'ol bʌ pisil mu' bʌ i mʌctan jini Arca ba' mi' lojtel jini lujump'ejl mandar. Jiñʌch ti' tojlel jini Ajñibʌl ba' mi' ñusʌntel mulil am bʌ ti' pam jini Arca ba' mi lac tem taj lac bʌ.

Exodo 40:27

Tsi' pulu ti pulʌntib jini xojocña bʌ pom che' bajche' lac Yum tsi' sube.

Levitico 6:5

Ts'ʌcʌl yom mi' toj yic'ot cha'p'ejl i diezmojlel jini chubʌ'añʌl. La' i cha' sutq'uiben i yum ti jini jach bʌ q'uin che' mi' yʌq'ueñon tsʌnsʌbil bʌ c majtan ya' ti Tabernáculo cha'an i mul.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 7:56

Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

Lucas 1:9

Come i tilel mi' cha'leñob yajcaya che' mi' q'uexob i bʌ jini motomajob. Tsa' ochi ti' wenta Zacarías cha'an mi' yochel ti' Templo lac Yum cha'an mi' pul pom.

Hechos 6:4

Joñon lojon mi caj c chʌn pejcan lojon Dios. Mi caj c chʌn cha'len lojon subt'an, che'ob.

Deuteronomio 33:10

Mi' cʌntesan i p'olbal Jacob bajche' yom melol yic'ot bajche' yom jac'ol a t'an. Mi' yʌq'ueñet a majtan ti pulʌntib cha'an xojocña ma' wubiben i yujts'il jini pulbil bʌ majtañʌl.

1 Samuel 2:28

Joñon tsac yajca a tat Aarón. Tsa cotsa ti motomaj ti' tojlel jini lajchʌnmojt i p'olbal Israel cha'an mi' yʌq'ueñoñob c majtan ti pulʌntib. Tsa cʌq'ue i ch'ʌm pejtelel jini ofrenda i cha'an bʌ israelob.

1 Samuel 3:3

che' maxto yajpemic i lámpara Dios, ya' ñolol ja'el jini ch'iton Samuel ti' Templo lac Yum.