Exodo 30:25 - Chol: I T’an Dios

²⁵ Yom ma' xʌbulan iliyi cha'an ma' mel jini aceite mu' bʌ i c'ʌjñel cha'an ma' boñob. Xints'ʌcʌl yom i xajb tac che' bajche' mi' melob ts'ac, an tac bʌ ti botica. Jiñʌch ch'ujul bʌ bojnibʌl.

Chol de Tumbalá Bible

²⁵ Yom ma' xʌbulan iliyi cha'an ma' mel jini aceite mu' bʌ i c'ʌjñel cha'an ma' boñob. Xints'ʌcʌl yom i xajb tac che' bajche' mi' melob ts'ac, an tac bʌ ti botica. Jiñʌch ch'ujul bʌ bojñibʌl.

Jiñi Tsiji' bʌ Wen T'añ cha'añ Estudio

²⁵ Yom ma' xʌbulan iliyi cha'añ ma' mel jiñi olivo aceite mu' bʌ i c'ʌjñel cha'añ bojñibʌl, jiñʌch ñumen wen xojocña bʌ i yujts'il, che' bajche' mi chajpañob jiñi mu' bʌ i melob perfume. Jiñʌch olivo aceite ch'ujul bʌ cha'añ bojñibʌl.

Exodo 30:25 Iomraidhean Croise

1 Reyob 1:39

Jini motomaj Sadoc tsi' ch'ʌmʌ jini xulub am bʌ ti Tabernáculo but'ul bʌ ti aceite. Tsi' mulbe i jol Salomón. Tsi' wusuyob trompeta. Pejtelel jini x'ajñelob tsi' yʌlʌyob: Cuxul yom mi' yajñel jini rey Salomón ti pejtelel ora, che'ob.

1 Cronicas 9:30

Yaño' bʌ motomajob tsi' chajpayob jini pom yic'ot jini xojocña bʌ perfume.

Salmos 133:2

Lajalʌch bajche' fino bʌ aceite am bʌ ti' jol Aarón, Ts'ujlaw bʌ mi' jubel ti' tsucti' C'ʌlʌl ti' yebal i bujc.

Salmos 89:20

Tsa'ix c yajca c winic David. Tsa'ix c boño ti ch'ujul bʌ aceite.

Exodo 28:41

Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Exodo 29:21

Yom ma' c'ʌn lamital jini ch'ich' am bʌ ti pulʌntib yic'ot ts'ita' jini aceite mu' bʌ i c'ʌjñel ti Tabernáculo cha'an ma' tsijcañob Aarón yic'ot i yalobilob che' yic'ot i pislelob. Che' jini sʌq'uesʌbilobix mi' cʌytʌl jini Aarón yic'ot i yalobilob. Sʌq'uesʌbilix mi' cʌytʌl i pislel ja'el.

Exodo 29:7

Che' jini yom ma' ch'ʌm jini aceite mu' bʌ i c'ʌjñel tac ya' ti Tabernáculo. Mulben i jol. Boño jini motomaj.

Exodo 30:24

Yom mil quinientos peso i tojol jini casia yic'ot wʌcp'ejl litro jini olivo aceite.

Exodo 30:32

Mach yomic mi' bajñel mucu c'ʌn yambʌ winic jini aceite. Mach yomic ma' mel ja'el jini aceite cha'an mi la' bajñel c'ʌn, come ch'ujulʌch. Yom ma' q'uel ti ch'ujul.

Exodo 30:35

Yom ma' c'ʌn pejtelel iliyi ti' melol jini perfume che' bajche' jini yujil bʌ melol. Otsʌben i yʌts'mil. Wen xajc'ubil yom, sʌc yic'ot ch'ujul ja'el.

Exodo 37:29

Che' ja'el tsi' c'ʌñʌ i ña'tʌbal cha'an mi' chajpan ch'ujul bʌ aceite cha'an bojñibʌl. Tsi' mele uts'at bʌ xojocña bʌ pom ja'el.

Exodo 40:9

Yom ma' ch'ʌm jini aceite cha'an bʌ bojñibʌl. Yom ma' bon jini Tabernáculo yic'ot pejtelel chuqui tac an ya'i. Yom ma' laj sʌq'uesan pejtelel chuqui tac mi' c'ʌjñel cha'an ch'ujul mi' yajñel ti' pejtelel.

Eclesiastes 10:1

Ch'o'ch'oc jini jaj pero mi' yʌc' ti tuw'an jini wen xojocña bʌ perfume che' chʌmenix. Che' ja'el che' ya' wistʌl lac sajtemal mi lac wajlentel cha'an lac pi'ʌlob anquese cabʌl lac pusic'al.

Levitico 8:10

Moisés tsi' ch'ʌmʌ jini olivo aceite. Tsa' caji i bon jini Tabernáculo yic'ot pejtelel ya' bʌ an ti' mal. Che' jini tsa' sʌq'uesʌnti ti' wut Dios. Tsa' cʌle ti' wenta Dios.

Numeros 35:25

Mi tsiquil mach tsajalic i cha'an jini winic che' bʌ tsi' cha'le tsʌnsa, che' jini la' i tic'beñob i yerañob jini tsa' bʌ chʌmi cha'an ma'anix chuqui mi' chʌn tumbeñob. Mi caj i cha' chocob majlel jini winic ya' ti tejclum ba' tsajni ti puts'el. Che' jini ya' yom mi' chumtʌl. Mach mejlic ti poj loq'uel jini winic jinto mi' chʌmel jini ñuc bʌ motomaj, jini wa'chocolbil bʌ yic'ot ch'ujul bʌ aceite.

Hebreos 1:9

Tsa' mula chuqui toj. Tsa' ts'a'le jontolil. Jini cha'an joñon, a Dios, tsa'ix c ñumen aq'ueyet i tijicñʌyel a pusic'al bajche' yaño' bʌ”, che'en.