Exodo 30:13 - Chol: I T’an Dios

¹³ Ti jujuntiquil yom mi' yʌc'ob wʌcp'ejl peso cha'an c majtan.

Chol de Tumbalá Bible

¹³ Ti jujuntiquil yom mi' yʌc'ob wʌcp'ejl peso cha'an c majtan.

Jiñi Tsiji' bʌ Wen T'añ cha'añ Estudio

¹³ Jiñi mu' bʌ caj i yʌc'ob jiñi tsa'ix bʌ tsijquiyob, jiñʌch: jo'p'ejl gramo sʌsʌc taq'uiñ che' bajche' mi' c'ʌjñel ya' ti ch'ujul bʌ ajñibʌl. Jiñi jump'ejl siclo jiñʌch junc'al sʌsʌc taq'uiñ. Jiñi lujump'ejl sʌsʌc taq'uiñ jiñʌch i majtañ lac Yum.

Exodo 30:13 Iomraidhean Croise

2 Reyob 12:4

Joás tsa' caji i suben jini motomajob cha'an mi' tempañob ofrenda, cha'an mi' cha' wen mejlel jini Templo. Tsi' yʌlʌ: Yom mi la' tempan jini taq'uin mu' bʌ i yʌc'ob wʌ' ti' Templo lac Yum yic'ot jini taq'uin mu' bʌ i yʌc'ob tilemo' bʌ ti' pusic'al cha'an mi' cha' wen mejlel i Templo Dios ba' wolix i jejmel tac, che'en Joás.

Exodo 30:14

Pejtelel winicob tsicbilix bʌ che' anix junc'al i jabilel c'ʌlʌl che' ñoxix, yom mi' yʌc' i taq'uin cha'an c majtan.

Exodo 38:24

Jini oro tsa' bʌ c'ʌjni cha'an i yotot Dios an i yalel che' bajche' 1,400 kilo.

Ezequiel 45:12

Che' ma' p'is i yalel, yom ma' c'ʌn jini plato bʌ siclo. Jump'ejl siclo lajal bajche' junc'al gera. Ts'ʌcʌl yom ma' p'is jo'p'ejl siclo. Ts'ʌcʌl yom ma' p'is lujump'ejl siclo. Lujump'ejl i yuxc'al (50) siclo lajalʌch yic'ot lujump'ejl mina.

Levitico 27:25

Ti pejtelel chuqui tac ma' ñoptʌben i tojol, uts'at ma' toj ti taq'uin am bʌ i c'ʌjñibal la' cha'an.

Levitico 27:3

Mi an junc'al i jabilel c'ʌlʌl ti uxc'al jini winic, yom mi' yʌc' jo'lujunc'al (300) peso.

Numeros 18:16

Mach mejlic a pʌy jini yʌx alʌlob. Muq'uix a ch'ʌm taq'uin cha'an i q'uexol jini alʌl. Che' bʌ anix jump'ejl uw i cha'an, mux a ch'ʌmben lujump'ejl i cha'c'al peso cha'an i tojol.

Numeros 7:67

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Mateo 17:24

Che' bʌ tsa' c'otiyob ti Capernaum, jini xch'ʌm tojoñelob tsa' tiliyob ba'an Pedro. Tsi' yʌlʌyob: ¿Mach ba anic mi' yʌc' cha'p'ejl dracma tojoñel a Maestro? che'ob.

Mateo 21:12

Jesús tsa' ochi ti Templo. Tsa' caji i choc loq'uel jini woliyo' bʌ ti choñoñel yic'ot mʌñoñel ti Templo. Jesús tsi' ch'a' chocobeyob i mesa tac xq'uex taq'uiñob yic'ot i buchlib tac jini woli bʌ i choñob x'ujcuts.

Mateo 27:24

Pilato tsi' ña'ta ma'anic chuqui tsa' mejli i cha'an, come woli' tejchelob ti cabʌl leto. Jini cha'an tsi' ch'ʌmʌ ja'. Tsi' poco i c'ʌb ti' tojlelob. Tsi' yʌlʌ: Ma'anic c mul joñon cha'an i ch'ich'el jini toj bʌ winic. Anix ti la wenta, che'en.