Exodo 30:10 - Chol: I T’an Dios

¹⁰ Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Chol de Tumbalá Bible

¹⁰ Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹⁰ Jiñi Aarón, cojach junyajl ti jump'ejl ja'b mi' caj i yʌc' majtañʌl cha'añ mulil; mi caj i c'ʌmben i ch'ich'el jiñi majtañʌl cha'añ mi' bomben ya' ti xulub jiñi pulʌntib, cha'añ i tojol mulil; cojach junyajl ti jujump'ejl ja'b mi caj i yujtel ti ili pulʌntib cha'añ i ñusʌntel mulil, che'ʌch mi caj i melob la' p'olbalob ti pejtelel ora. C'ax ch'ujul ili pulʌntib ti' tojlel lac Yum.

Exodo 30:10 Iomraidhean Croise

1 Reyob 1:50

Adonías tsi' wen bʌc'ña Salomón. Tsa' majli ti puts'el ti Tabernáculo cha'an mi' chucben i xulub jini pulʌntib.

1 Cronicas 6:49

Cojach Aarón yic'ot i p'olbalob tsa' ochiyob ti motomajob. An ti' wenta cha'an mi' tsʌnsañob alʌc'ʌl tac cha'an mi' pulbeñob i majtan tac Dios. Tsi' pulbeyob pom ja'el. An ti' wenta ja'el pejtelel jini e'tel am bʌ ti Ch'ujul bʌ Ajñibʌl, yic'ot pejtelel jini e'tel cha'an jini q'uin che' mi' ñusʌbentelob i mul israelob. Tsi' meleyob ti pejtelel che' bajche' tsi' yʌc'ʌ mandar Moisés i winic Dios.

Exodo 30:11

Lac Yum tsi' sube Moisés: Che' ma' tsic jini israelob ti jujuntiquil, yom mi' yʌq'ueñoñob tojoñel cha'an ma'anic mi' tilel wocol ti' tojlelob.

Exodo 30:9

Mach yomic mi la' wʌc' ti pulʌntib jini pom mach bʌ anic tsac subeyet. Mach a mul jini pulʌntib ti lʌmʌl bʌ majtañʌl mach bʌ anic tsac subeyet.

Levitico 16:16

Che' bajche' jini mi caj i yʌq'ueñon c majtan cha'an sʌc mij q'uel jini Ch'ujul bʌ Ajñibʌl, come tsa' bib'esʌnti cha'an i mulob israelob. Che'ʌch yom mi' sʌq'uesan ja'el jini Tabernáculo joyol bʌ ti winicob año' bʌ cabʌl i mul.

Levitico 16:18

yom mi' loq'uel majlel ya' ba'an jini pulʌntib tic tojel, cha'an mi' pulbeñon c majtan cha'an sʌc mij q'uel jini pulʌntib. Yom mi' ch'ʌm tilel i ch'ich'el jini alʌ tat wacax yic'ot i ch'ich'el jini chivo. Yom mi' bomben i xulub tac jini pulʌntib.

Levitico 4:18

Yom ja'el mi' ch'ʌm jini ch'ich' cha'an mi' bombembeñon i xulub jini pulʌntib am bʌ tic tojlel ti Tabernáculo. Jini i colobal jini ch'ich' la' i bec' ya' ti' yebal jini pulʌntib ya' ti' ti' jini Tabernáculo.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.

Hebreos 9:25

Junyajl jach tsa' ochi ti panchan cha'an mi' yʌc' i bʌ. Mach che'ic bajche' jini ñuc bʌ motomaj mu' bʌ i yochel ti jujump'ejl jab ti C'ax Ch'ujul bʌ Ajñibʌl yic'ot ch'ich', mach bʌ i ch'ich'elic.

Hebreos 9:7

Pero ti cha'tsajlel i mal, cojach mi' yochel jini ñuc bʌ motomaj junyajl jach ti jump'ejl jab. Wersa mi' ch'ʌm ochel ch'ich' mu' bʌ i yʌc' cha'an i bajñel mul yic'ot i mul winicob x'ixicob che' mach tsajilobic i cha'an.

Apocalipsis 9:13

I wʌcticlel ángel tsi' wusu i trompeta. Tsa cubibe i t'an loq'uem bʌ ti chʌnts'ijt xulub am bʌ ti jini pulʌntib melbil bʌ ti oro ya' ti' tojel Dios.