Exodo 30:1 - Chol: I T’an Dios

¹ Che' ja'el yom ma' mel jump'ejl pulʌntib cha'an ba' ma' pulbeñon pom. Yom melbil ti acaciate'.

Chol de Tumbalá Bible

¹ Che' ja'el yom ma' mel jump'ejl pulʌntib cha'an ba' ma' pulbeñon pom. Yom melbil ti acaciate'.

Jiñi Tsiji' bʌ Wen T'añ cha'añ Estudio

¹ Che' ja'el yom ma' mel jump'ejl pulʌntib ba' ma' pule' pom; yom melbil ti acacia te'.

Exodo 30:1 Iomraidhean Croise

1 Reyob 6:20

Lujump'ejl metro i tamlel jini C'ax Ch'ujul bʌ Ajñibʌl, lujump'ejl metro i xujc, lujump'ejl metro i chanlel. Laj tep'bil ti oro, che' ja'el tep'bil ti oro jini pulʌntib melbil bʌ ti ch'ujte'.

1 Reyob 7:48

Pejtel jini e'tijibʌl tsa' bʌ i c'ʌñʌyob ti Templo melbil tac ti puro oro. Tep'bil ti puro oro i pulʌntib pom yic'ot jini mesa ba' mi' pʌsbentel waj lac Yum.

1 Cronicas 28:18

Che' ja'el tsi' p'isbe i yalel jini oro cha'an mi' mejlel jini pulʌntib ba' mi' pulel pom, yic'ot i yejtal ángelob sʌts'ʌlo' bʌ i wich' mu' bʌ i mosob jini Arca ba' lotol i trato lac Yum.

1 Cronicas 6:49

Cojach Aarón yic'ot i p'olbalob tsa' ochiyob ti motomajob. An ti' wenta cha'an mi' tsʌnsañob alʌc'ʌl tac cha'an mi' pulbeñob i majtan tac Dios. Tsi' pulbeyob pom ja'el. An ti' wenta ja'el pejtelel jini e'tel am bʌ ti Ch'ujul bʌ Ajñibʌl, yic'ot pejtelel jini e'tel cha'an jini q'uin che' mi' ñusʌbentelob i mul israelob. Tsi' meleyob ti pejtelel che' bajche' tsi' yʌc'ʌ mandar Moisés i winic Dios.

2 Cronicas 26:16

Pero che' cabʌlix i p'ʌtʌlel, tsa' caji i chañ'esan i bʌ. Cabʌl tsi' taja i sajtemal, come tsi' ñusʌbe i t'an lac Yum Dios. Tsa' ochi ti' yotot lac Yum cha'an mi' pulben pom ya' ti pulʌntib.

Exodo 30:10

Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Exodo 30:2

Yom i tamlel ojlil metro ti jujunwejl. Yom jump'ejl metro i chanlel. Jini i xulub ya' jach tem loq'uem yom ti jini pulʌntib.

Exodo 31:8

yic'ot jini mesa, yic'ot pejtelel chuqui tac mi' c'ʌjñel, yic'ot i ts'ʌjbib c'ajc melbil bʌ ti oro, yic'ot pejtelel jini mu' bʌ i c'ʌjñel, yic'ot i pulʌntib pom.

Exodo 40:5

Yom ma' wʌc' jini pulʌntib melbil bʌ ti oro cha'an jini pom ti' tojel jini Arca. Yom ma' joc'chocon jini pisil ba' mi' yochelob ti Tabernáculo.

Ezequiel 41:22

An jump'ejl metro i xujc, ti' chʌnxujclel. Ojlil i cha'p'ejl metro i chanlel. Melbil ti te' i buchlib yic'ot i xujc. Tsi' subeyon: Jiñʌch i mesa lac Yum, che'en.

Levitico 4:18

Yom ja'el mi' ch'ʌm jini ch'ich' cha'an mi' bombembeñon i xulub jini pulʌntib am bʌ tic tojlel ti Tabernáculo. Jini i colobal jini ch'ich' la' i bec' ya' ti' yebal jini pulʌntib ya' ti' ti' jini Tabernáculo.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Numeros 4:11

Mi caj i c'ʌñob yʌjyʌx bʌ pisil cha'an mi' mosob jini pulʌntib melbil bʌ ti oro. Wi'ilix mi' mosob ti' pʌchʌlel chivo. Che' jini mi caj i yotsʌbeñob i te'el cha'an mi' ch'ʌmob majlel.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.

Apocalipsis 8:3

Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.