Exodo 3:8 - Chol: I T’an Dios

⁸ Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Chol de Tumbalá Bible

⁸ Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Jiñi Tsiji' bʌ Wen T'añ cha'añ Estudio

⁸ Tsa'ix ju'biyon tilel cha'añ mic loc'sañob ti jiñi lum cha'añ mic pʌyob ochel ti ñuc bʌ yic'ot ti wen bʌ lum ba'añ ca'bʌl leche yic'ot cha'b. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 3:8 Iomraidhean Croise

Genesis 11:5

Tsa' jubi tilel lac Yum i q'uel jini chan bʌ ts'ajc am bʌ ti tejclum tsa' bʌ i meleyob winicob.

Genesis 11:7

Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum.

Genesis 15:13

Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Genesis 15:14

Pero mi caj c mel jini winicob x'ixicob mu' bʌ i tic'lañob ti jini lum. Ti wi'il mi caj i loq'uelob ti' wenta i yumob yic'ot cabʌl i chubʌ'an.

Genesis 18:21

Mi caj c jubel majlel j q'uel mi isujm tsi' cha'leyob mulil bajche' c'amel woli cubin, come woli ti oñel i mul yubil. Ya'to tsiquil mi isujm, che'en.

Genesis 43:11

Israel tsi' subeyob: Mi che'ʌch yom, melela che' bajche' mic subeñetla. Ch'ʌmʌla majlel ti la' coxtal jini wen uts'at bʌ i wut lum. I majtañʌch jini winic. Ch'ʌmbenla ts'ita' bálsamo, yic'ot ts'ita' chab, yic'ot xojocña bʌ ts'ac, yic'ot i yetsel te', yic'ot mirra, yic'ot c'uxbil bʌ i wut te' ti chajp ti chajp.

Genesis 46:4

Mi caj c majlel a wic'ot ti Egipto. Isujm mi caj c cha' pʌy loq'uel a p'olbal. José mi caj i muts'beñet a wut ba' ora ma' chʌmel, che'en.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

Nehemias 9:8

Tsa' q'uelbe i pusic'al. Xuc'ul ti a wut tsi' ñopoyet. Tsa' wʌq'ue xuc'ul bʌ t'an cha'an muq'uix a wʌq'ueñob jini lum i p'olbal Abraham. Tsa' wʌq'ueyob i lum cananeo, i lum heteo, i lum amorreo, i lum ferezeo, i lum jebuseo, yic'ot i lum gergeseo cha'an ma' ts'ʌctesan jini t'an tsa' bʌ a sube Abraham come tojet.

Salmos 12:5

Lac Yum woli ti t'an: Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an. Jini cha'an mux caj c tech meloñel. Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.

Salmos 12:6

Sʌcʌch i t'an lac Yum. Che' yilal bajche' tsucul taq'uin tsa' bʌ puli wucyajl ti c'ajc.

Salmos 34:8

Ñopola uts'at lac Yum. Ña'tanla, tijicña jini mu' bʌ i taj i coltʌntel ti lac Yum.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 34:11

Lotola mu' bʌ c subeñetla wʌle. Yom mi la' ña'tan mi caj c choc loq'uel ti la' tojlel jini amorreojob, yic'ot cananeojob, heteojob, ferezeojob, yic'ot heveojob, yic'ot jini jebuseojob.

Exodo 5:23

C'ʌlʌl che' bʌ tsa' caji c pejcan Faraón c'ʌlʌl wʌle, ma'anic tsa' coltayob che' bajche' tsa' subeyon, che'en Moisés.

Isaias 36:17

jinto mic tilel c pʌyetla majlel ti jump'ejl lum lajal bʌ bajche' la' lumal, ya' ba' yujil colel trigo yic'ot vino, ba' cabʌl lac waj yic'ot ts'usubil.

Isaias 64:1

Uts'atax muq'uic a jam jini panchan cha'an ma' jubel tilel. Che' jini mux i ñijcan i bʌ jini wits ti bʌq'uen che' ma' t'uchtan.

Jeremias 11:5

Che' jini mi' caj ti ts'ʌctiyel chuqui tsac sube la' tatob che' bʌ tsa cʌq'ueyob jini wen bʌ lum ba' on mi tajtʌl lech yic'ot chab che' bajche' woli la' q'uel wʌle”, che'en lac Yum, i Dios Israel. Tsac jac'be: Isujm bajche' wola' wʌl, c Yum, cho'on tsac sube.

Jeremias 2:7

Pero joñon tsac pʌyʌyetla tilel ti jini wen bʌ lum ba' wen yujil colel pʌc'ʌbʌl cha'an on mi cʌq'ueñet la' c'ux i wut te' yic'ot yambʌ c'uxbil bʌ. Che' bʌ tsa' ochiyetla, tsa' la' bibesa jini lum. Tsa' la' wʌc'ʌ ti ts'a'lentel jini c lum.

Jeremias 32:22

Tsa' wʌq'ueyob ili lum c tatob lojon che' bajche' tsa' wʌn subeyob. Jiñʌch wen bʌ lum on bʌ mi' yʌc' lech yic'ot chab.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Amos 2:10

Joñon tsac pʌyʌyetla loq'uel ti' lumal Egipto. Cha'c'al jab tsac pʌyʌyetla majlel ti jochol bʌ lum cha'an mi la' ch'ʌm i lumal amorreojob.

Numeros 13:18

Yom mi la' wen q'uel jini lum bajche' yilal, yic'ot bajche' yilalob jini winicob ya' bʌ chumulob, mi ch'ejlob, mi mach ch'ejlobic, mi ts'ita'ob, mi cabʌlob.

Numeros 13:19

Q'uelela mi uts'at mi' yʌc' i wut jini lum. Q'uelela mi joyolob ti ts'ajc jini colem tejclum tac yic'ot xchumtʌl tac, mi cabʌlob mi mach cabʌlobic.

Numeros 13:27

Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Juan 3:13

Ma'anic majch tsa' letsi ti panchan, cojach jini tsa' bʌ jubi tilel ti panchan, jiñʌch i Yalobil Winic am bʌ ti panchan.

Juan 6:38

Come tsa' jubiyon tilel ti panchan cha'an mic mel chuqui yom c Tat tsa' bʌ i chocoyon tilel. Ma'anic tsa' tili c mel chuqui com tic bajñel pusic'al.

Deuteronomio 1:25

Tsi' ch'ʌmʌyob tilel i yejtal i wut jini lum cha'an mi' laj q'uel. Tsi' yʌlʌyob: Uts'atʌch jini lum woli bʌ i yʌq'ueñonla lac Yum, che'ob.

Deuteronomio 1:7

Cha' cucuxla ya' ti' lumalob amorreojob yic'ot ti' joytʌlel. Cucuxla ti Arabá jini joctʌl bʌ lum, yic'ot ti wits ya' ti Neguev, yic'ot ti' ti' ja'. La' cha'añʌch pejtel i lumal cananeojob, yic'ot Líbano c'ʌlʌl ti colem ja' i c'aba' Eufrates.

Deuteronomio 27:3

Yom ma' laj ts'ijban tac ili t'an che' ochemetix ti jini lum woli bʌ i yʌq'ueñet lac Yum Dios, ya' ba' wen yujil colel pejtelel pʌc'ʌbʌl, jini lum mu' bʌ i yʌq'ueñet lech yic'ot chab che' bajche' lac Yum Dios tsi' wʌn subeyob lac ñojte'elob.

Deuteronomio 28:11

Lac Yum mi caj i wen p'ojlesan a walobilob, yic'ot a wʌlac' tac, yic'ot i wut a pʌc'ʌb ya' ti a lum mu' bʌ caj i yʌq'ueñet che' bajche' tsi' wʌn subeyob a ñojte'elob.

Deuteronomio 6:3

Ñich'tanla che' jini, israelob, cha'an xuc'ul mi la' jac'ben i mandar lac Yum. Che' jini uts'at mi caj la' ñusan q'uin ya' ti la' lum baqui mi' colel pejtelel pʌc'ʌbʌl. Mi caj la' p'ojlel ja'el che' bajche' tsi' subeyetla lac Yum Dios, jini jach bʌ i Dios la' ñojte'elob.

Deuteronomio 7:1

Lac Yum Dios mi caj i pʌyetla ochel ti la' lum mu' bʌ caj i yʌq'ueñetla. Che' ja'el mi caj i choc loq'uel cabʌl tejclumob ti la' tojlel, jiñobʌch: heteojob, gergeseojob, amorreojob, cananeojob, ferezeojob, heveojob, jebuseojob. Jiñobʌch wucp'ejl tejclum ñumen ñuc bʌ bajche' jatetla, ñumen p'ʌtʌlob ja'el.

Josue 5:6

Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.

Josue 9:1

Jini yumʌlob am bʌ ti junwejl Jordán ja' ba' mi' bʌjlel q'uin tsi' yubiyob chuqui tsa' ujti. Tsi' temeyob i t'an cha'an mi' comol coltañob i bʌ ti contra Josué yic'ot israelob. Tsi' tempayob i bʌ jini año' bʌ ti wits yic'ot ti joctʌl yic'ot ti' tojel jini colem ñajb c'ʌlʌl ti Líbano, yic'otob heteojob yic'ot amorreojob yic'ot cananeojob yic'ot fereseojob yic'ot heveojob yic'ot jebuseojob.

Josue 9:7

Jini israelob tsi' subeyob jini heveojob: ¿Mach ba wʌ'ic chumuletla ti lʌc'ʌl? ¿Bajche' mi mejlel c laj lojon c t'an la' wic'ot? che'ob.