Exodo 3:21 - Chol: I T’an Dios

²¹ Mi caj c ñijcʌbeñob i pusic'al jini egiptojob cha'an mi' q'ueletla ti uts'at, cha'an mi' yʌq'ueñet la' majtan. Che' mi la' majlel, mach to'ol che'ic jach mi caj la' majlel.

Chol de Tumbalá Bible

²¹ Mi caj c ñijcʌbeñob i pusic'al jini egiptojob cha'an mi' q'ueletla ti uts'at, cha'an mi' yʌq'ueñet la' majtan. Che' mi la' majlel, mach to'ol che'ic jach mi caj la' majlel.

Jiñi Tsiji' bʌ Wen T'añ cha'añ Estudio

²¹ Mi caj c ñijcʌbeñob i pusic'al jiñi egiptojob cha'añ mi' q'ueletla ti uts'at, cha'añ mi' yʌq'ueñet la' majtañ. Che' mi la' majlel, mach to'ol che'ic jach mi caj la' majlel.

Exodo 3:21 Iomraidhean Croise

Genesis 15:14

Pero mi caj c mel jini winicob x'ixicob mu' bʌ i tic'lañob ti jini lum. Ti wi'il mi caj i loq'uelob ti' wenta i yumob yic'ot cabʌl i chubʌ'an.

Genesis 39:21

Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

1 Reyob 8:50

Ñusʌbeñob i mul jini winicob tsa' bʌ i cha'leyob mulil ti a tojlel yic'ot jini tsa' bʌ i ñusʌbeyetob a t'an. Cha' utsesʌbeñob i pusic'al i yumob tsa' bʌ i cʌchʌyob majlel, cha'an mi' p'untañob.

Nehemias 1:11

C Yum, a wocolic mij c'ajtibeñet, ñich'tʌbeñon coración come a winicon. Ñich'tʌbeñob i yoración a winicob año' bʌ ti Jerusalén mu' bʌ i tajob i tijicñʌyel cha'an woli' bʌc'ñañob a c'aba'. Coltañon ti ili q'uin cha'an mi' yujtel ti uts'at chuqui com c mel. Ñijcʌben i pusic'al jini rey cha'an mi' p'untañon ba' ora mic pejcan, cho'on ti oración. Joñon mic ñusʌben i taza jini rey.

Salmos 105:37

Tsi' pʌyʌ loq'uel israelob, cuchulob i cha'an plata yic'ot oro. Ma'anic majqui tsa' c'un'a ti bij ti pejtelel yalobilob Israel.

Salmos 106:46

Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.

Exodo 11:2

Subeñob pejtel israelob cha'an mi' c'ajtibeñob i pi'ʌlob ti chumtʌl, winicob yic'ot x'ixicob ja'el, i ch'ʌjlib melbil bʌ ti plata yic'ot oro, cha'an mi' ch'ʌmob majlel, che'en.

Exodo 11:3

Lac Yum tsi' nijcʌbeyob i pusic'al egiptojob cha'an mi' pʌsbeñob i yutslel i pusic'al jini hebreojob. Wen ñuc tsi' q'ueleyob pejtel egiptojob. Wen ñuc ti' wutob i winicob Faraón yic'ot ti' wutob pejtel egiptojob.

Exodo 12:35

Jini israelob tsi' meleyob che' bajche' tsi' subeyob Moisés, come tsi' c'ajtibeyob egiptojob pisil yic'ot i ch'ʌjlil tac melbil bʌ ti plata yic'ot ti oro.

Exodo 12:36

Lac Yum tsi' ñijcʌbeyob i pusic'al egiptojob cha'an mi' q'uelob ti uts'at. Che' jini tsi' yʌq'ueyob i majtan tac jini israelob che' bajche' c'amel yomob. Che' jini tsi' ch'ʌmʌyob i tojol cha'an i ye'tel jini israelob.

Proverbios 16:7

Che' tijicña mi' q'uel lac Yum i bijlel winic, mi' yuts'esʌbeñob i pusic'al i contrajob.

Hechos 7:10

Dios tsi' loc'sa ti pejtelel i wocol. Tsi' ñijcʌbe i pusic'al Faraón cha'an mi' q'uel José ti uts'at. Dios tsi' yʌq'ue José i ña'tʌbal ti' tojlel jini rey Faraón ya' ti Egipto. Dios tsi' yʌq'ue i ye'tel ti yumʌl ti' tojlel egiptojob yic'ot ti' yotot Faraón ja'el.

Deuteronomio 15:13

Che' mi' loq'uel ti a wenta mach a to'o choc sujtel che' meq'uel i c'ʌb. Pero yom ma' wʌq'uen tiñʌme' loq'uem bʌ ti a wʌlac', yic'ot trigo loq'uem bʌ ti a cha'an bʌ, yic'ot i ya'lel ts'usub lotbil bʌ a cha'an. Lac Yum tsi' yʌq'ueyet pejtel jini. Jini cha'an yom ma' wʌq'uen ja'el.