Exodo 3:20 - Chol: I T’an Dios

²⁰ Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Chol de Tumbalá Bible

²⁰ Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Jiñi Tsiji' bʌ Wen T'añ cha'añ Estudio

²⁰ Pero joñon mi caj c pʌsben i p'ʌtʌlel j c'ʌb, mi caj cʌq'ueñob wocol jiñi egiptojob, mi caj c pʌsbeñob c p'ʌtʌlel ti ñuc tac bʌ c melbal, che' jiñi ti wi'il mi caj i choquetla majlel.

Exodo 3:20 Iomraidhean Croise

Genesis 15:14

Pero mi caj c mel jini winicob x'ixicob mu' bʌ i tic'lañob ti jini lum. Ti wi'il mi caj i loq'uelob ti' wenta i yumob yic'ot cabʌl i chubʌ'an.

Nehemias 9:10

Tsa' pʌsbe Faraón ñuc bʌ i yejtal a p'ʌtʌlel yic'ot bʌbʌq'uen tac bʌ che' bʌ tsa' wʌc'ʌ ti wocol yic'ot i winicob yic'ot pejtel año' bʌ ti' lumal. Come tsa' ña'ta bajche' tsi' contrajiyob c ñojte'el lojon che' bʌ tsi' chañ'esayob i bʌ. Jini cha'an tsa' pʌsbeyob a p'ʌtʌlel cha'an mi' cʌñetob che' bajche' mij cʌñet lojon wʌle.

Salmos 105:27

Tsi' pʌsʌyob i yejtal i p'ʌtʌlel lac Yum, yic'ot ñuc tac bʌ i p'ʌtʌlel lac Yum ya' ti' lumal Egipto.

Salmos 105:38

Tijicñayob tsi' yubiyob egiptojob che' bʌ tsa' loq'uiyob, Come cabʌl woliyob ti bʌq'uen.

Salmos 106:22

Tsi' pʌsʌ cabʌl i yejtal i p'ʌtʌlel ya' ti' lumal Cam, Yic'ot bʌbʌq'uen tac bʌ ya' ti Chʌchʌc bʌ Ñajb.

Exodo 11:1

Lac Yum tsi' sube Moisés: An to yom junyajl mic tic'lan Faraón yic'ot egiptojob. Ti wi'il mi caj i choquetla majlel. Che' mi' choquetla majlel, mi caj i wets'etla loq'uel ti junyajlel.

Exodo 12:39

Jini sa' tsi' meleyob ti waj che' ma'anic i levadurajlel, come ma'anic i levadurajlel che' bʌ tsa' chojquiyob loq'uel ti Egipto. Ma'anic tsa' mejli i jal'anob ti' yotot. Jini cha'an mach tic'anic tsi' ch'ʌmʌyob majlel ti bij.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 15:6

C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Exodo 4:21

Lac Yum tsi' sube Moisés: Che' ma' c'otel ti Egipto, yom ma' pʌsben Faraón pejtel i yejtal tac c p'ʌtʌlel tsa' bʌ c pʌsbeyet, pero mi caj c tsʌts'esan i pusic'al. Ma'anic mi caj i choc majlel jini israelob.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Exodo 9:15

Come an c p'ʌtʌlel cha'an mic tsʌnsañetla ti pejteletla, pero mach che'ic tsac cha'le, come wolic pʌs c p'ʌtʌlel ti a tojlel cha'an mi cʌc' c bʌ ti cʌjñel ti pejtelel pañimil.

Isaias 19:22

Lac Yum mi caj i yʌq'ueñob wocol jini egiptojob, pero mi caj i lajmesʌbeñob i wocol che' mi' sutq'uiñob i bʌ ti' tojlel. Mi caj i ñich'tʌbeñob i yoración. Mi caj i cha' lajmesañob.

Isaias 26:11

Ma'anic mi' jac'ob che' ma' tic'ob. La' i q'uelob bajche' ma' c'uxbin a cha'año' bʌ. La' i yubiñob quisin. Yom ma' choc tilel c'ajc lotol bʌ a cha'an, cha'an mi' pulel a contrajob.

Ezequiel 20:33

Pero isujm mic subeñetla, cha'an tic p'ʌtʌlel yic'ot cha'an tic mich'ajel, mi caj c wersa cha'len yumʌl ti la' tojlel.

Miqueas 7:15

Lac Yum tsi' jac'ʌ: Mi caj c cha' pʌsbeñetla ñuc tac bʌ c melbal che' bajche' tsac pʌsbeyob la' tatob che' bʌ tsac loc'sayob ti majtan e'tel ya' ti Egipto.

Hechos 7:36

Moisés tsi' pʌyʌ loq'uel i yalobilob Israel che' bʌ tsa' ujti i pʌs bʌbʌq'uen tac bʌ yic'ot i yejtal i p'ʌtʌlel cha'c'al jab ya' ti Egipto yic'ot ti Chʌchʌc bʌ Ñajb yic'ot ti jochol bʌ lum.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

Deuteronomio 6:22

Jini lac Yum tsi' pʌsʌ ñuc tac bʌ yic'ot bʌbʌq'uen tac bʌ i p'ʌtʌlel ya' ti' tojlel Faraón yic'ot i pi'ʌlob ti Egipto. Tsi' chocbeyob tilel cabʌl wocol. Tsa' laj q'uele joñonla.

Juezob 6:8

lac Yum tsi' chocbeyob tilel juntiquil x'alt'an. Tsi' yʌlʌ: Lac Yum, i Dios Israel, woli' yʌl: “Joñon tsac loc'sayetla ti Egipto ba' woliyetla ti majtan e'tel.

Juezob 8:16

Che' jini tsi' chucu jini año' bʌ i ye'tel ti Sucot. Tsi' ju'sʌbeyob i pusic'al yic'ot jini ch'ix yic'ot tsajatun am bʌ ti' tiquiñal pañimil.