Exodo 3:2 - Chol: I T’an Dios

² I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Chol de Tumbalá Bible

² I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Jiñi Tsiji' bʌ Wen T'añ cha'añ Estudio

² I yángel lac Yum tsi' pʌsʌ i bʌ ba'añ Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jiñi alʌ te', pero ma'añic woli' pulel.

Exodo 3:2 Iomraidhean Croise

Genesis 21:17

Dios tsi' yubibe i t'an ch'iton. I yángel Dios ti panchan tsi' pejca Agar. Tsi' sube: ¿Chuqui wola' wubin? Mach a cha'len bʌq'uen, come Dios tsi' yubibe i t'an jini ch'iton ya' ba'an.

Genesis 22:11

I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Genesis 48:16

Jini Angel tsa' bʌ i mʌñʌyon loq'uel ti pejtelel jontolil, la' i yʌq'ueñob i wenlel jini ch'itoñob. La' i ch'ʌmbeñon j c'aba' jini ch'itoñob. La' i ch'ʌmob i c'aba' c ñojte'elob, Abraham yic'ot Isaac. La' p'ojlicob ti pañimil cha'an wen cabʌl mi' majlelob, che'en.

Salmos 66:12

Tsa' wotsayon lojon ti' wenta jontol bʌ winicob. Tsac ñusa lojon c'ajc yic'ot ja', Pero tsa' cha' ac'ʌyon lojon ba' tijicña pañimil.

Exodo 19:18

Tsa' joy ic'a ti buts' jini Sinaí wits, come lac Yum tsa' jubi tilel ti pam wits ti c'ajc. Jini buts' tomocña tsa' letsi che' bajche' i buts'il horno. Tsiltsilñayob ti bʌq'uen pejtelel winicob x'ixicob.

Exodo 23:20

Awilan wolic chocbeñetla majlel jini cAngel ti la' tojlel cha'an mi' cʌntañetla majlel. Mi caj i pʌyetla majlel ti la' wajñib chajpʌbil bʌ c cha'an.

Exodo 24:17

Jini israelob tsi' q'ueleyob i ñuclel lac Yum che' bajche' c'ajc woli bʌ ti lejmel ya' ti pam wits.

Exodo 3:16

Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Isaias 43:2

Che' ma' ñumel ya' ti ja', che' cabʌl a wocol, ya' añon quic'otet. Che' ma' ñumel ya' ba' tam ja', che' cabʌl a tic'lʌntel, ma'anic mi caj a sujp'el ochel. Che' ma' c'axel ti c'ajc, ma'anic chuqui mi caj i tumbeñet. Ma'anic mi caj i pulet c'ajc.

Isaias 63:9

Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.

Daniel 3:27

Pejtelel jini yumʌlob loq'uemo' bʌ ti jujump'ejl tejclum tsa' tili i q'uelob. Awilan ma'anic tsa' puliyob ti c'ajc. Ma'anic tsa' wis puliyob mi i tsutselic i jol mi i pislelic. Ma'anic tsa' tsictiyi mi i yujts'ilic buts' ti' tojlelob.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Malaquias 3:1

Woli' yʌl lac Yum: Ubinla, mi caj c choc tilel suboñel ti' tojel c wut cha'an mi' chajpʌbeñon c bijlel. Tal la' Yum woli bʌ la' pijtan. Ora mi caj i tilel ti' Templo. Mi caj la' q'uel. Mi caj i tijicñesañetla che' bajche' ts'ijbubil tic Trato. Isujm, talon, che'en i Yum Panchan yic'ot Pañimil.

Marcos 12:26

Cha'an i sujmlel jini chʌmeño' bʌ mu' bʌ i tejchelob ch'ojyel, ¿mach ba anic tsa' la q'uele ti' jun Moisés ba' Dios tsi' pejca ti alʌ te'? Dios tsi' sube: “Joñon i Dioson Abraham, i Dioson Isaac, i Dioson Jacob”.

Lucas 20:37

Jini chʌmeño' bʌ mi caj i cha' ch'ojyelob. Che' tsi' yʌlʌ Moisés che' bʌ tsi' tsictesa chuqui tsa' ujti ti alʌ te'. Tsi' pejca lac Yum ti' Dios Abraham, i Dios Isaac, i Dios Jacob.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

Romanos 8:3

Jini mandar ma'anic tsa' mejli i coltañonla, come c'uñonla cha'an lac tsucul pusic'al, pero tsa' mejli i coltañonla Dios che' bʌ tsi' choco tilel i Yalobil cha'an mi' toj lac mul. I Yalobil Dios tsi' ch'ʌmʌ i bʌc'tal lajal bajche' lac cha'an am bʌ i pʌyol ti mulil. Tsi' yʌc'ʌ i bʌ ti chʌmel cha'an mi' toj lac mul, cha'an mi' jilel i p'ʌtʌlel mulil am bʌ ti lac bʌc'tal.

Deuteronomio 33:16

La' i yʌq'ueñet pejtel chuqui tac uts'at mu' bʌ i colel ti pañimil. Lac Yum tsa' bʌ i yʌc'ʌ i bʌ ti cʌjñel ti alʌ te' tsa' bʌ puli, mi caj i pʌsbeñet i yutslel i pusic'al. Come yumʌl José ti' tojlel i pi'ʌlob.

Deuteronomio 4:20

Pero lac Yum tsi' loc'sayetla ya' baqui tsa' la' cha'le wocol e'tel ti Egipto. Tsi' yajcayetla cha'an mi la' wajñel ti' tejclum lac Yum che' bajche' wʌle.

2 Tesalonicenses 1:7

Mi caj i yʌq'ueñetla la' c'aj la' wo quic'ot lojon che' mi' pʌstʌl lac Yum Jesús ti panchan yic'ot jini ángelob am bʌ i p'ʌtʌlel.

Juezob 13:13

I yAngel lac Yum tsi' sube Manoa: La' i mel a wijñam pejtel mu' bʌ c suben.