Exodo 3:16 - Chol: I T’an Dios

¹⁶ Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Chol de Tumbalá Bible

¹⁶ Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Jiñi Tsiji' bʌ Wen T'añ cha'añ Estudio

¹⁶ Cucu, tempan jiñi xñoxob ti Israel, su'beñob: “Jiñi lac Yum, i Dios la' tat, i Dios Abraham, Isaac yic'ot Jacob, tsa'ix i pʌsʌ i bʌ ba'añon, tsi' su'beyon: Isujm tsa'ix c jula'tayetla, tsa'ix j q'uele che' bajche' woli la' tic'lʌntel ti Egipto.

Exodo 3:16 Iomraidhean Croise

Genesis 1:7

Dios tsi' mele jini panchan. Tsi' t'oxo tac jini ja'. Tsa' ajni ja' ti yebal jini panchan yic'ot ti pam. Che'ʌch tsa' ujti.

Genesis 21:1

Lac Yum tsi' ña'ta Sara. Tsi' yʌq'ue che' bajche' tsi' wʌn sube. Sara tsa' caji' cʌntan i yalobil. Tsi' yʌq'ue Abraham ch'iton bʌ i yalobil che' ñoxix Abraham che' bajche' tsi' wʌn sube lac Yum.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Genesis 48:15

Israel tsi' yʌq'ue José i yutslel i t'an. Tsi' yʌlʌ: Dios jiñʌch tsa' bʌ i tsajcayob majlel c tatob, Abraham yic'ot Isaac. Jiñʌch tsa' bʌ i we'sayon che' bʌ tsaj q'uele pañimil c'ʌlʌl wʌle.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

Salmos 102:21

Winicob x'ixicob mi caj i tsictesañob i ñuclel lac Yum ya' ti Sion. Mi caj i subob i ñuclel lac Yum ya' ti Jerusalén

Salmos 33:18

Awilan, lac Yum woli' cʌntan jini woli bʌ i bʌc'ñañob, Woli bʌ i pijtañob i coltʌntel ti lac Yum.

Salmos 8:4

Ma'anic mic ch'ʌmben isujm chucoch ma' p'untan winicob, come ma'anic i ñuclel.

Exodo 1:8

Ti jim bʌ ora juntiquil rey tsa' ochi ti' ye'tel ti Egipto. Ma'anic tsi' cʌñʌ José. Tsa' caji' pejcan winicob x'ixicob:

Exodo 13:19

Moisés tsi' ch'ʌmʌ loq'uel ti Egipto i bʌquel José, come José tsi' yʌq'ueyob mandar israelob. Tsi' yʌlʌ: “Dios mi caj i cha' ña'tañetla. Che' mi' loc'sañetla yom mi la' q'uech majlel c bʌquel la' wic'ot”, che'en José.

Exodo 15:14

Jini año' bʌ ti colem tejclum tac tsi' yubiyob, Tsiltsilñayob ti bʌq'uen. Tsa' toj sajti i pusic'al jini filisteojob.

Exodo 17:5

Lac Yum tsi' sube Moisés: Cucu ti' tojlel winicob x'ixicob. Pʌyʌ majlel lamital jini xñoxob año' bʌ ti Israel. Ch'ʌmʌ a barate' tsa' bʌ a c'ʌñʌ che' bʌ tsa' jats'ʌ jini Nilo. Cucu ba' añob.

Exodo 18:12

Jetro i nij'al Moisés tsi' yʌq'ue Dios pulbil bʌ yic'ot tsʌnsʌbil bʌ i majtan. Tsa' tili Aarón yic'ot pejtelel xñoxob año' bʌ ti Israel ba'an i nij'al Moisés cha'an temel mi' c'uxob waj ti' tojlel Dios.

Exodo 2:25

Dios tsi' q'uele jini israelob ti' yutslel i pusic'al. Tsi' ch'ʌmʌyob ti' wenta.

Exodo 24:11

I yumob israelob tsi' q'ueleyob Dios pero ma'anic tsa' chʌmiyob. Tsi' cha'leyob we'el uch'el.

Exodo 3:2

I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Exodo 4:1

Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Exodo 4:29

Temel tsa' majliyob Moisés yic'ot Aarón cha'an mi' tempañob pejtelel jini ñoxo' bʌ ti Israel.

Exodo 4:31

Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Exodo 4:5

Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Mateo 26:3

Jini ñuc bʌ motomajob yic'ot sts'ijbayajob yic'ot xñoxob año' bʌ i ye'tel ti tejclum tsi' tempayob i bʌ ti' pam i yotot jini ñuc bʌ motomaj i c'aba' Caifás.

Lucas 1:68

La' sujbic ti ñuc lac Yum Dios, i Dios Israel. Tsa'ix tili ba'an i cha'año' bʌ. Tsa'ix i mʌñʌyob.

Lucas 19:44

Mi caj i choquetla jubel ti lum yic'ot la' walobilob año' bʌ ti tejclum. Ma'anic mi caj la' cʌybentel mi jump'ejlic xajlel ti' pam yambʌ, come ma'anic tsa' la' ña'ta che' i yorajlelix la' coltʌntel ti Dios. Che' tsi' yʌlʌ Jesús.

Hechos 11:30

Che'i tsi' cha'leyob. Tsi' chocoyob majlel ti' c'ʌb Bernabé yic'ot Saulo cha'an mi' yʌq'ueñob jini ancianojob.

Hechos 15:14

Simón tsa' ujti i subeñetla bajche' Dios tsa' caji i pʌsbeñob gentilob i yutslel i pusic'al che' bʌ tsi' yajca winicob x'ixicob cha'an mi' tsictesan i ñuclel i c'aba'.

Hechos 20:17

Che' anto ti Mileto, Pablo tsi' choco majlel winicob ti Efeso. Tsi' pʌyʌ tilel jini ancianojob año' bʌ i ye'tel ti' tojlel xñopt'añob ya' ti Efeso.

1 Pedro 2:12

Pʌsʌ la' bʌ ti uts'at ti' tojlel jini gentilob. Che' jini anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i subob i ñuclel Dios.

1 Pedro 5:1

Testigojon cha'an tsi' ñusa wocol Cristo. Mi caj cʌq'uentel c ñuclel yic'ot Cristo che' mi' tsictiyel. Ti wocol t'an mic subeñob ancianojob ti la' tojlel, come ancianojon ja'el:

xRut 1:6

Che' bʌ ya'to an Noemí yic'ot cha'tiquil i yʌ'lib ti' lumal Moab, tsi' yubi cha' añix i bʌl i ñʌc' i pi'ʌlob cha'an tsi' p'untayob lac Yum. Tsi' chajpa i bʌ Noemí cha'an mi' sujtel ti' lumal.