Exodo 3:15 - Chol: I T’an Dios

¹⁵ Dios tsi' sube ja'el: Subeñob israelob: “Lac Yum, i Dios lac tat, Abraham, Isaac, yic'ot Jacob, tsa'ix i chocoyon tilel ba' añetla”. Che'ʌch yom ma' subeñob. Jiñʌch j c'aba' ti pejtelel ora. Che' yom mic pejcʌntel ti pejtelel ora.

Chol de Tumbalá Bible

¹⁵ Dios tsi' sube ja'el: Subeñob israelob: “Lac Yum, i Dios lac tat, Abraham, Isaac, yic'ot Jacob, tsa'ix i chocoyon tilel ba' añetla”. Che'ʌch yom ma' subeñob. Jiñʌch j c'aba' ti pejtelel ora. Che' yom mic pejcʌntel ti pejtelel ora.

Jiñi Tsiji' bʌ Wen T'añ cha'añ Estudio

¹⁵ Che' ja'el Dios tsi' su'be Moisés: —Che'ʌch mi caj a su'ben israelob: “Lac Yum, i Dios la' tat, i Dios Abraham, i Dios Isaac, yic'ot i Dios Jacob, tsa'ix i chocoyon tilel ba'añetla.” Jiñʌch j c'aba' ti pejtelel ora; che'ʌch yom mic pejcʌntel ti pejtelel ora.

Exodo 3:15 Iomraidhean Croise

Genesis 24:12

Tsi' yʌlʌ: C Yum, i Dioset c yum Abraham, coltañon ti que'tel ti ili q'uin. Pʌsben c yum Abraham i yutslel a pusic'al.

1 Cronicas 16:16

Jiñʌch tsa' bʌ i yʌq'ue Abraham, jini xuc'ul bʌ t'an tsa' bʌ i yʌq'ue Isaac,

1 Cronicas 29:18

C Yum Dios, i Dioset bʌ Abraham yic'ot Isaac yic'ot c ñojte'el lojon Israel, chʌn aq'ueñob i yutslel i pusic'al a winicob, cha'an mi' chʌn sʌclañetob ti pejtelel ora.

2 Cronicas 28:9

Pero ya' ti Samaria an juntiquil x'alt'an i cha'an lac Yum i c'aba' Obed, tsa' bʌ majli i taj jini soldadojob che' woli' sujtelob ti Samaria. Tsi' subeyob: Awilan, lac Yum, i Dios la' ñojte'elob, tsi' mich'leyob jini año' bʌ ti Judá, come tsi' ñusʌbeyob i t'an. Jini cha'an tsi' yʌc'ʌyob ti la' c'ʌb, pero ma'anic tsa' la' p'untayob. Cʌlʌx jax tsa' la' tsʌnsayob ti la' mich'lel. Jini cha'an tal i mich'lel jini am bʌ ti panchan ti la' tojlel.

Salmos 102:12

C Yum buchulet ti a yumʌntel ti pejtelel ora. Mi caj i chʌn sujbel a ñuclel ti pejtelel ora.

Salmos 102:13

Mi caj a ch'ojyel a p'untan Sion, jini ch'ujul bʌ tejclum. Come i yorajlelix ma' pʌsben a wutslel. Isujm tsa'ix juli i yorajlel wʌn ña'tʌbil bʌ a cha'an.

Salmos 135:13

C Yum, mach jilic a c'aba ti pejtelel ora. C Yum, mi caj i sujbel a ñuclel ti' tojlel calobilob lojon ti lajm ti lajm.

Salmos 30:4

C Yum, la i c'ʌyiñob a ñuclel a cha'año' bʌ. La' i subob wocolix i yʌlʌ che' mi' ña'tañob ch'ujul a c'aba'.

Salmos 30:5

Jumuc' jach mich'et, c Yum. Ma'anic ma' cʌy a pʌsbeñon lojon a wutslel che' cuxulon to lojon. Poj ch'ijiyemon lojon jump'ejl ac'ʌlel, Tijicña c pusic'al lojon che' ti sʌc'ajel.

Salmos 68:5

I Tatʌch jini meba' alʌlob. I yaj Coltaya meba' x'ixicob, Jini Dios am bʌ ti Ch'ujul bʌ Ajñibʌl.

Salmos 72:17

Chʌn an i p'ʌtʌlel i c'aba' ti pejtelel ora. Mux i sujbel i ñuclel che' anto q'uin. Mux i tajob i wenlel winicob x'ixicob ti pejtelel pañimil cha'an jini Rey. Mux caj i yʌlob uts'at i pusic'al.

Salmos 72:19

Ch'ujutesan i c'aba' am bʌ i ñuclel ti pejtelel ora. La' bujt'ic pejtel pañimil yic'ot i ñuclel. Che'ʌch yom, che'ʌch yom.

Exodo 15:2

Lac Yum c p'ʌtʌlelʌch, jiñʌch mu' bʌ j c'ʌyin. Jiñʌch xcoltaya c cha'an. Jiñʌch c Dios, mi caj j c'ʌyiben i ñuclel. Jiñʌch i Dios c tat. Mi caj c sub i ñuclel.

Exodo 15:3

Wen yujil guerra lac Yum. I c'aba'ʌch lac Yum.

Exodo 3:13

Moisés tsi' sube: Che' mij c'otel ba'an israelob, che' mic subeñob: “Tsa'ix i chocoyon tilel i Dios la' tat”, mi caj i yʌlob: “¿Chuqui i c'aba'?” Mi che'ob, ¿bajche' yom mic jac'beñob? che'en.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Exodo 4:1

Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Exodo 4:5

Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Exodo 6:2

Dios tsi' sube ja'el: Joñon a Yumon.

Proverbios 18:10

I c'aba' lac Yum i wentajʌch p'ʌtʌl bʌ otot ts'ajquibil bʌ. Muq'uix i ñochtan ti ajñel jini toj bʌ. Muq'uix i yochel i taj i coltʌntel.

Isaias 26:8

C Yum lojon, com lojon c mel chuqui a wom. Com lojon c tsictesan i ñuclel a c'aba' cha'an ma' ña'tʌntel.

Isaias 42:8

Yumʌlon. Jiñʌch j c'aba'. Ma'anic mi cʌq'uen c ñuclel yambʌ. Ma'anic mi caj cʌq'uen dioste' i pejcʌntel ti ñuc.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Jeremias 33:2

Lac Yum tsa' bʌ i mele pañimil, ti' p'ʌtʌlel jach i t'an tsi' mele. Tsi' xuc'choco. Jiñʌch lac Yum. Che'ʌch i c'aba'. Lac Yum tsi' yʌlʌ:

Daniel 2:23

C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Oseas 12:5

Lac Yum jiñʌch i Dios Panchan yic'ot Pañimil. Lac Yum jiñʌch i c'aba'.

Oseas 12:6

La'la israelob, cha' sutq'uin la' bʌ ba'an Dios. Melela chuqui toj. C'uxbin la' bʌ. Yom mi la' wʌc' ti la' pusic'al chuqui mi caj i yʌq'ueñetla Dios.

Levitico 24:11

Che' woli ti leto i yalobil jini egipto, tsi' p'ajbe i C'aba' lac Yum. I c'aba' i ña' jiñʌch Selomit, i yalobil jini Dibri loq'uem bʌ ti' p'olbal Dan. Tsa' pʌjyi ba'an Moisés jini winic tsa' bʌ i cha'le p'ajoñel.

Miqueas 4:5

Yan tac bʌ winicob x'ixicob mi' ch'ujutesañob i diosob, pero mach joñonicla. La com xʌmbal ti' bijlel lac Yum Dios ti pejtelel ora.

Malaquias 3:6

Come joñon la' Yumon. Ma'anic mi' q'uextiyel c pusic'al. Jini cha'an ma'anic mic junyajlel jisañetla, come chʌn an i yutslel c pusic'al ti pejtelel ora.

Mateo 22:32

Tsi' yʌlʌ: “Joñon I Dioson Abraham, I Dioson Isaac, I Dioson Jacob”, che'en. mach i Diosic chʌmeño' bʌ, pero i Diosʌch cuxulo' bʌ, che'en Jesús.

Hechos 3:13

I Dios Abraham, i Dios Isaac, i Dios Jacob, i Dios lac ñojte'el tsa'ix i tsictesa i ñuclel i Yalobil, jiñʌch Jesús. Jatetla tsa'ix la' wʌc'ʌ ti' c'ʌb i contra. Tsa' la' ts'a'le ti' tojlel Pilato, che' bʌ tsi' ña'ta i yʌc' ti colel.

Hechos 7:32

“Joñon i Dioson a ñojte'el, i Dioson Abraham, i Dioson Isaac, i Dioson Jacob”, che'en Dios. Mach yomic i chʌn q'uel Moisés, come tsiltsilña jax ti bʌq'uen.

Deuteronomio 1:11

La' i chʌn p'ojlesañetla lac Yum Dios, i Dios la' ñojte'el jinto che' ñumen cabʌletla. La' i coltañetla che' bajche' tsi' yʌc'ʌ i t'an.

Deuteronomio 4:1

Jini cha'an, israelob, wen ñich'tanla jini mandar yic'ot la' tic'ol. Jac'ʌla ti uts'at jini woli bʌ c subeñetla cha'an chʌn cuxul mi la' wajñel, cha'an mi la' wochel ti chumtʌl ti jini lum mu' bʌ caj i yʌq'ueñetla lac Yum.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 13:8

Jesucristo junlajalʌch ac'bi yic'ot wʌle yic'ot ti pejtelel ora.