Exodo 3:14 - Chol: I T’an Dios

¹⁴ Dios tsi' sube Moisés: J c'aba'ʌch Añon, che'en. Tsi' yʌlʌ: Subeñob israelob: “Jini mu' bʌ i sub i bʌ ti Añon tsa'ix i chocoyon tilel ba' añetla”. Che' yom ma' subeñob, che'en Dios.

Chol de Tumbalá Bible

¹⁴ Dios tsi' sube Moisés: J c'aba'ʌch Añon, che'en. Tsi' yʌlʌ: Subeñob israelob: “Jini mu' bʌ i sub i bʌ ti Añon tsa'ix i chocoyon tilel ba' añetla”. Che' yom ma' subeñob, che'en Dios.

Jiñi Tsiji' bʌ Wen T'añ cha'añ Estudio

¹⁴ Dios tsi' su'be Moisés: —“Joñoñʌch Jiñi Am Bʌ.” Tsi' cha' alʌ: —Che' yom ma' su'ben israelob: “Jiñi mu' bʌ i su'b i bʌ ti Joñoñʌch tsa'ix i chocoyon tilel ba'añetla.”

Exodo 3:14 Iomraidhean Croise

Job 11:7

Anquese ma' cha'len wersa a ñop chuqui woli' ña'tan i mel Dios, mach mejliquet. ¿Cabʌl ba a pusic'al cha'an ma' suben Dios bajche' yom mi' mel?

Salmos 68:4

Yom mi la' c'ʌyiben i ñuclel Dios. Tsictesanla i ñuclel Dios c'ʌcʌl bʌ mi' ñumel ti tocal. I c'aba'ʌch lac Yum. La' ñuc'ac la' pusic'al ti' tojlel.

Exodo 15:3

Wen yujil guerra lac Yum. I c'aba'ʌch lac Yum.

Exodo 23:21

P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Exodo 3:13

Moisés tsi' sube: Che' mij c'otel ba'an israelob, che' mic subeñob: “Tsa'ix i chocoyon tilel i Dios la' tat”, mi caj i yʌlob: “¿Chuqui i c'aba'?” Mi che'ob, ¿bajche' yom mic jac'beñob? che'en.

Exodo 6:2

Dios tsi' sube ja'el: Joñon a Yumon.

Exodo 6:3

Tsac pʌsʌ c bʌ ti' tojlelob Abraham, yic'ot Isaac yic'ot Jacob. Tsac tsictesʌbeyob j C'aba' cha'an Dioson Mach bʌ anic i P'isol c P'ʌtʌlel. Ma'anic tsac tsictesʌbeyob mi i Yumon. Jiñʌch yambʌ j C'aba', Yumʌlon.

Isaias 42:8

Yumʌlon. Jiñʌch j c'aba'. Ma'anic mi cʌq'uen c ñuclel yambʌ. Ma'anic mi caj cʌq'uen dioste' i pejcʌntel ti ñuc.

Isaias 44:6

Che'ʌch woli' yʌl lac Yum, jini i Rey israelob, jini Xcoltaya i cha'añob, i Yum Panchan yic'ot Pañimil: Joñon jini ñaxan bʌ, joñon jini wi'il bʌ. Ma'anic yambʌ Dios.

Mateo 18:20

Come baqui jach an cha'tiquil uxtiquil tempʌbilo' bʌ cha'an tij c'aba' yʌ'ʌch añon quic'otob, che'en Jesús.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Juan 8:24

Jini cha'an mic subeñetla mi caj la' chʌmel che' añet to la ti la' mul. Mi ma'anic mi la' ñopon, mi caj la' chʌmel che' añet to la ti la' mul, che'en Jesús.

Juan 8:28

Jini cha'an Jesús tsi' subeyob: Che' bʌ tsa'ix la' letsa i Yalobil Winic, mi caj la' ch'ʌmben isujm majquiyon. Mi caj la' ch'ʌmben isujm ma'anic chuqui mic cha'len tic bajñelil. Chuqui tac tsi' cʌntesayon c Tat, jini jach mic sub.

Juan 8:58

Jesús tsi' subeyob: Isujm, isujm mic subeñetla, che' maxto anic Abraham añoñix, che'en.

2 Corintios 1:20

Pejtelel chuqui mi' subeñonla Dios mi caj i ts'ʌctiyel ti Cristo. Jini cha'an ti Cristo mi lac sub “Amén” cha'an mi lac tsictesʌben i ñuclel Dios.

Hebreos 13:8

Jesucristo junlajalʌch ac'bi yic'ot wʌle yic'ot ti pejtelel ora.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.

Apocalipsis 1:4

Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Apocalipsis 1:8

Joñon tsac teche pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal, che'en lac Yum. Joñoñʌch jini am bʌ wʌle, jini am bʌ ti wajali, jini tal to bʌ, jini Mach bʌ Anic i P'isol i P'ʌtʌlel, che'en lac Yum.

Apocalipsis 4:8

Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.