Exodo 3:12 - Chol: I T’an Dios

¹² Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Chol de Tumbalá Bible

¹² Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Jiñi Tsiji' bʌ Wen T'añ cha'añ Estudio

¹² Dios tsi' jac'be: —Mi caj cajñel a wic'ot; mi caj c pʌs c p'ʌtʌlel ti a tojlel cha'añ mi' tsictiyel cha'añ chocbilet majlel c cha'añ: che' bʌ tsa'ix a pʌyʌ loq'uel ti Egipto jiñi wiñicob x'ixicob, mi caj la' ch'ujutesañon ti ili wits.

Exodo 3:12 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 15:8

Abram tsi' yʌlʌ: C Yum Dios, ¿bajche' mic ña'tan mi mux caj cochel ti' yum? che'en.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 31:3

Lac Yum tsi' sube Jacob: Sujten ti' lumal a tat ba'an a pi'ʌlob. Mi caj c pi'leñet majlel, che'en.

2 Reyob 19:29

An chuqui mi caj c melbeñet cha'an ma' ña'tan isujm mi caj i yujtel che' bajche' wolic subeñet. Ti ili jabil jini winicob x'ixicob c cha'año' bʌ mi caj i c'uxob jini to'ol pasem bʌ trigo. Ti yambʌ jab mi caj i lotob i wut jini to'ol pasem bʌ trigo cha'an pac'. Che' ti' yuxp'ejlel jab wen on mi caj i yʌc' i wut.

1 Cronicas 9:20

Jini ñaxan bʌ yumʌl cha'an jini corejob jiñʌch Finees i yalobil bʌ Eleazar. Lac Yum an yic'ot.

Salmos 86:17

Pʌsbeñon i yejtal a wutslel cha'an mi' ñuc'an c pusic'al, Cha'an mi' cajelob ti quisin jini mu' bʌ i ts'a'leñoñob. Come jatet, c Yum, wola' coltañon. Wola' ñuq'uesʌbeñon c pusic'al.

Exodo 18:5

Jetro i nij'al Moisés, tsa' c'oti ba'an Moisés ya' ti colem bʌ i tiquiñal lum. Tsi' pʌybe tilel i yijñam yic'ot i yalobilob, ba' woli' jijlelob israelob ba'an i wits Dios.

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

Exodo 3:13

Moisés tsi' sube: Che' mij c'otel ba'an israelob, che' mic subeñob: “Tsa'ix i chocoyon tilel i Dios la' tat”, mi caj i yʌlob: “¿Chuqui i c'aba'?” Mi che'ob, ¿bajche' yom mic jac'beñob? che'en.

Exodo 33:14

Lac Yum tsi' jac'ʌ: Joñon mi caj c majlel a wic'ot cha'an ma' c'aj a wo, che'en.

Exodo 4:12

Cucu, che' jini. Mi caj cajñel yic'ot a wej. Mi caj cʌntesañet chuqui mi caj a sub, che'en.

Exodo 4:15

Mi caj a pejcan Aarón. Mi caj a wʌq'uen c t'an cha'an mi' sub. Mi caj cajñel quic'otetla ti la' cha'ticlel. Mi caj j coltañetla ti t'an. Mi caj cʌntesañetla chuqui yom mi la' mel.

Exodo 8:27

Wersa mic majlel lojon uxp'ejl q'uin xʌmbal ti colem bʌ i tiquiñal lum cha'an mi cʌq'uen lojon tsʌnsʌbil bʌ i majtan c Yum lojon Dios che' bajche' mi caj i subeñon lojon, che'en.

Isaias 37:30

Dios tsi' sube Ezequías: Jiñʌch mu' bʌ caj i yujtel ti a tojlel cha'an mi la' ña'tan ma'anic mi caj i mʌjlel i cha'an Senaquerib. Ti ili jabil mi caj la' c'uxben i wut jini trigo yajlem jach bʌ ti lum tsa' coli. Che' ja'el ti jini tal to bʌ jab mi caj la' c'uxben i wut jini trigo to'ol jach bʌ tsa' coli. Pero ti' yuxp'ejlel jab mi caj la' cha'len pac' yic'ot c'ajbal. Mi caj la' pʌc' la' ts'usubil. Mi caj la' c'uxben i wut.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 43:2

Che' ma' ñumel ya' ti ja', che' cabʌl a wocol, ya' añon quic'otet. Che' ma' ñumel ya' ba' tam ja', che' cabʌl a tic'lʌntel, ma'anic mi caj a sujp'el ochel. Che' ma' c'axel ti c'ajc, ma'anic chuqui mi caj i tumbeñet. Ma'anic mi caj i pulet c'ajc.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Jeremias 1:8

Mach a wis bʌc'ñan winicob, come añon quic'otet cha'an mi cʌq'uet ti colel ti' c'ʌb, che'en lac Yum.

Numeros 16:28

Che' jini tsi' yʌlʌ Moisés: Ti ili ora mi caj la' ña'tan chocbilon tilel i cha'an lac Yum cha'an mic mel pejtelel jini que'tel. Mach tic bajñel pusic'alic tsac ña'ta c mel.

Numeros 23:21

Come ma'anic mi' tajbeñob i mul i p'olbalob Jacob ti' tojlel lac Yum. Ma'anic mi' q'uelbeñob i jontolil jini israelob. Come ya' añob yic'otob lac Yum Dios cha'an mi' yumañob.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Marcos 16:20

Jini junlujuntiquil tsa' majliyob. Tsi' cha'leyob subt'an ti pejtelel lum. Lac Yum tsi' tem cha'le e'tel yic'otob. Tsi' pʌsʌ i yejtal tac i p'ʌtʌlel ti' tojlelob che' bʌ tsi' cha'leyob sub t'an.

Hechos 11:21

An i p'ʌtʌlel lac Yum yic'otob. Wen cabʌl tsi' sutq'uiyob i bʌ cha'an mi' ñopob lac Yum.

Hechos 7:7

Mi caj cʌq'ueñob i toj i mul jini winicob x'ixicob mu' bʌ i yotsañob ti to'o e'tel. Ti wi'il mi caj i loq'uelob tilel a p'olbal. Mi caj i ch'ujutesañoñob ilayi”, che'en.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

Deuteronomio 31:23

Lac Yum tsi' yʌq'ue Josué i yalobil Nun ili t'an: Yom ch'ejlet. Yom jump'ejl jach a pusic'al. Come jatet mi caj a pʌy ochel jini israelob ti jini lum mu' bʌ caj cʌq'ueñob che' bajche' tsac subeyob. Mi caj cajñel a wic'ot, che'en lac Yum.

Hebreos 13:5

Mach mi la' tsʌjyun taq'uin. Yom tijicña mi la' wajñel yic'ot chuqui tac an la' cha'an. Come Dios tsi' yʌlʌ: “Ma'anic mi caj a cʌytʌl ti meba'. Ma'anic mi caj j cʌyet”, che'en.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Juezob 6:12

I yAngel lac Yum tsa' c'oti i pejcan. Tsi' yʌlʌ: Wʌle lac Yum an a wic'ot ti isujm. Wen ch'ejlet, che'en.

Juezob 6:16

Lac Yum tsi' jac'be: Añon a wic'ot. Mi caj a laj jisan jini madiañob ti pejtelelob, che'en.

Juezob 6:17

Gedeón tsi' sube: Mi uts'at ma' q'uelon awocolic pʌsbeñon i yejtal a p'ʌtʌlel cha'an mic ña'tan ti isujm tsa' pejcayon jatet.

Juezob 6:21

I yAngel lac Yum tsi' sʌts'ʌ i c'ʌb yic'ot jini te' chucul bʌ i cha'an. Che' bʌ tsa' c'ʌlʌ c'oti jini te' ya' baqui an jini we'elʌl yic'ot jini waj, tsa' loq'ui c'ajc ya' ti xajlel. Tsi' pulu jini we'elʌl yic'ot jini caxlan waj mach bʌ anic i levadurajlel. Che' bʌ tsa' ujti jini, tsi' cha' sʌtʌ i bʌ i yAngel lac Yum ti' wut.

Juezob 7:11

Ya'i mi caj a wubin chuqui woli' yʌlob. Che' jini mi caj a wutsi p'ʌt'an cha'an ma' contrajiñob. Jini cha'an tsa' jubi majlel yic'ot Fura i yaj e'tel ya' ti' ti' ba' much'ulob jini xcʌntayajob i cha'an Madián.

1 Samuel 14:10

Pero mi tsi' subeyonla: “Letsenla tilel ilayi”, mi che'ob, mux caj lac letsel. Che' jini mux i mʌjlel lac cha'an, come lac Yum tsa'ix i yʌc'ʌyob ti laj c'ʌb cha'an mi lac jisañob. Mi caj lac ña'tan wolix i coltañonla lac Yum, che'en Jonatán.