Exodo 29:9 - Chol: I T’an Dios

⁹ Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Chol de Tumbalá Bible

⁹ Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Jiñi Tsiji' bʌ Wen T'añ cha'añ Estudio

⁹ Mi caj a cʌchbeñob i cajchiñʌc' Aarón yic'ot i yalobilob yic'ot mi caj a cʌchbeñob i pixintib i jol ti jujuntiquil, che'ʌch mi caj a sʌc-esañob Aarón yic'ot i yalobilob cha'añ mi yochelob ti motomaj ti pejtelel ora.

Exodo 29:9 Iomraidhean Croise

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Exodo 32:29

Moisés tsi' yʌlʌ: Wʌle tsa'ix la' wʌc'ʌ la' bʌ ti' wenta lac Yum ti pejtelel la' pusic'al, come ti jujuntiquil tsa'ix la' contraji la' wa'lobil yic'ot la' weran. Jini cha'an wʌle mi mejlel la' wʌq'uentel bendición ti lac Yum, che'en,

Exodo 40:15

Yom ma' bon ja'el che' bajche' tsa' mele i tat, cha'an mi' melbeñoñob que'tel ti motomaj. Che'ʌch yom mi' bojñelob jini motomajob ti' tojlel i p'olbalob c'ʌlʌl ti pejtelel ora, che'en lac Yum.

Levitico 8:1

Lac Yum tsi' sube Moisés: Yom ma' pʌy majlel Aarón temel yic'ot i yalobilob ya' ti' ti' Tabernáculo ba' mi lac taj lac bʌ. Ch'ʌmʌ majlel i pislel, yic'ot aceite am bʌ i c'ʌjñibal ti boñoñel, yic'ot jini alʌ tat wacax cha'an i tojol mulil, yic'ot cha'cojt tat tiñʌme', yic'ot jini chiquib ba' but'ul jini waj mach bʌ anic i levadurajlel.

Levitico 8:13

Ti wi'il tsi' pʌyʌ tilel i yalobilob Aarón. Tsa' caji i lʌpbeñob i pislel. Tsi' cʌchbeyob i cajchiñʌc'. Tsi' yʌq'ueyob i cʌjchil i jol che' bajche' lac Yum tsi' sube Moisés.

Levitico 8:33

Wucp'ejl q'uin ya' yom mi la' wajñel ti' ti' jini Tabernáculo. Mach yomic mi la' loq'uel jinto mi' yujtel la' sʌq'uesʌntel, come wucp'ejl q'uin yom cha'an mi' ts'ʌctiyel la' sʌq'uesʌntel.

Numeros 16:10

Tsa'ix i pʌyʌyetla ti la' we'tel ti' tojlel, temel yic'ot la' pi'ʌlob. ¿Mach ba jasʌlic mi la' q'uel? ¿Woli ba la' lon ña'tan cha'an anto yom mi la' ch'ʌmben i ye'tel motomaj?

Numeros 16:35

Lac Yum tsi' choco jubel c'ajc ja'el ba' añob jini lujunc'al yic'ot lujuntiquil i yuxc'al (250) winicob woli bʌ i pulob pom. Tsi' laj jisayob.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 18:7

Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Numeros 3:10

Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Deuteronomio 18:5

Come lac yum Dios tsi' yajcayob loq'uel ti' la' tojlel yic'ot i yalobilob cha'an mi' chʌn q'uelben i ye'tel lac Yum. Jiñʌch i ye'tel yic'ot i ye'tel i yalobilob ti pejtelel ora.

Hebreos 5:10

Dios tsi' subu ti c'ax ñuc bʌ motomaj wa'chocobil bʌ ti' motomajil Melquisedec.

Juezob 17:5

An i cha'an Micaía i yotlel dioste' ba' mi' cha'len ch'ujutesaya. Tsi' mele ja'el jini efod cha'an mi' pejcan dioste'. Tsi' mele dioste' tac. Tsi' wa'choco juntiquil i yalobil cha'an mi' junyajlel mel i ye'tel ti motomaj.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.