Exodo 29:4 - Chol: I T’an Dios

⁴ Yom ma' pʌy majlel Aarón yic'ot i yalobilob ti' ti' jini Tabernáculo cha'an ma' pocbeñob i c'ʌb yic'ot i yoc ti ja'.

Chol de Tumbalá Bible

⁴ Yom ma' pʌy majlel Aarón yic'ot i yalobilob ti' ti' jini Tabernáculo cha'an ma' pocbeñob i c'ʌb yic'ot i yoc ti ja'.

Jiñi Tsiji' bʌ Wen T'añ cha'añ Estudio

⁴ Mi caj a pʌy majlel Aarón yic'ot i yalobilob ti ti' jiñi Tabernáculo ba' mi' tempañob i bʌ cha'añ mi' pocob i bʌ.

Exodo 29:4 Iomraidhean Croise

Exodo 26:36

Yom mi la' mel jump'ejl cortina cha'an i majc i ti' Tabernáculo. Yom wen jalbil bʌ lino. Yom wen joch'bil ti yʌjyʌx bʌ ti chʌccojan bʌ yic'ot ti chʌchʌc bʌ.

Exodo 29:3

Yom ma' wʌc' jini waj ti jump'ejl chiquib cha'an ma' wʌq'ueñon yic'ot jini alʌ tat wacax yic'ot jini cha'cojt tat tiñʌme'.

Exodo 40:12

Yom ma' pʌy majlel Aarón yic'ot i yalobilob ba'an i ti' Tabernáculo. Yom ma' pocob yic'ot jini ja'.

Exodo 40:28

Tsi' joc'choco jini pisil ya' baqui mi' yochelob ti Tabernáculo.

Exodo 40:32

Che' baqui ora mi' yochelob ya' ti Tabernáculo, che' baqui ora mi' lʌc'tesañob i bʌ ya' ti pulʌntib, wersa mi' ñaxan pocob i bʌ che' bajche' lac Yum tsi' sube Moisés.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Ezequiel 42:14

Che' mi' loq'uelob ti Ch'ujul bʌ Ajñibʌl jini motomajob, yom mi' q'uextañob i pislel cha'an mi mejlel i majlel ti patio ti jumpat. Mi' cʌyob i bujc cha'an motomajil come ch'ujul tac jini bujcʌl. Mi caj i xojob yambʌ i bujcob. Che' jini mi mejlel i ñochtañob winicob.

Levitico 14:8

Jini winic tsa' bʌ lajmi mi caj i wuts' i pislel. Mi caj i tsepben pejtelel i tsutsel i cuctal, mi caj i cha'len ts'ʌmel. Mi mejlel i cha' majlel ti chumtʌl ti' mal jini tejclum. Pero anto yom mi' ñumel wucp'ejl q'uin cha'an mi' cha' ochel ti pisil bʌ i yotot.

Numeros 8:9

Che' jini yom ma' pʌy tilel jini levíjob ba'an jini Tabernáculo ba' mi la' tempan la' bʌ quic'ot. Ya' yom ma' tempañob pejtelel israelob.

Efesios 5:26

cha'an mi' yotsañob ti ch'ujul, cha'an mi' sʌq'uesañob ti' t'an che' bajche' ti ja'.

Deuteronomio 23:11

Yom mi' tʌts' i bʌ ti' tojlel jini much'quibilo' bʌ winicob jinto mi' bʌjlel q'uin. Che' ti ic'ajel yom mi' cha'len ts'ʌmel. Ti wi'il mi' mejlel ti cha' ochel ya' ba' añetla.

Tito 3:5

tsi' coltayonla. Mach cha'anic toj bʌ lac melbal pero cha'an ti' p'untaya tsi' coltayonla. Tsi' pocoyonla cha'an mi la cʌq'uentel tsiji' bʌ laj cuxtʌlel. Tsi' cha' meleyonla ti' p'ʌtʌlel Ch'ujul bʌ Espíritu.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

1 Pedro 3:21

Jiñʌch i yejtal bajche' mi laj coltʌntel wʌle ti ch'ʌm ja'. Ma'anic mi' poc loq'uel i lumil lac pʌchʌlel, pero mi' pʌsonla ti sʌc ti' wut Dios che' ñʌch'ʌl lac pusic'al cha'an tsa' lac subu lac bʌ ti' tojlel Dios. Tsa'ix tejchiyonla ch'ojyel yic'ot Jesucristo.