Exodo 29:11 - Chol: I T’an Dios

¹¹ Yom ma' tsʌnsan jini wacax tic tojlel ya' ti' ti' jini Tabernáculo.

Chol de Tumbalá Bible

¹¹ Yom ma' tsʌnsan jini wacax tic tojlel ya' ti' ti' jini Tabernáculo.

Jiñi Tsiji' bʌ Wen T'añ cha'añ Estudio

¹¹ Ti wi'il mi caj a tsʌnsan jiñi alʌ tat wacax ti' tojlel lac Yum ya' ti ti' jiñi Tabernáculo ba' mi' tempañob i bʌ.

Exodo 29:11 Iomraidhean Croise

Exodo 29:10

Che' jini yom ma' pʌy majlel jini alʌ tat wacax ba'an jini Tabernáculo ba' mi' tempañob i bʌ. La' i yʌc'ob i c'ʌb jini Aarón yic'ot i yalobilob ya' ti' jol jini alʌ tat wacax ya' tic tojlel ba'an jini Tabernáculo.

Exodo 29:12

Yom ma' ts'aj i yal a c'ʌb ya' ti' ch'i'ch'el jini wacax cha'an ma' bomben i xulub tac jini pulʌntib. I colojbal jini ch'i'ch' yom ma' bec' ya' ti yebal jini pulʌntib.

Exodo 29:4

Yom ma' pʌy majlel Aarón yic'ot i yalobilob ti' ti' jini Tabernáculo cha'an ma' pocbeñob i c'ʌb yic'ot i yoc ti ja'.

Levitico 14:13

Yom mi' tsʌnsan jini tiñʌme' baqui mi' tsʌnsʌntel jini alʌc'ʌl tac cha'an i tojol mulil yic'ot c majtan mu' bʌ c pulbentel ya' ti' ti' Tabernáculo. Yom mi' yʌq'uentel jini motomaj cha'an mi' c'ux che' bajche' jini majtañʌl cha'an i tojol mulil. Wen ch'ujulʌch jini majtañʌl.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Levitico 4:4

Yom mi' pʌy tilel jini wacax ya' ti' ti' jini Tabernáculo. Yom mi' c'ʌcchocon i c'ʌb ya' ti' jol jini wacax. Che' jini mi caj i tsʌnsan tic tojlel.

Levitico 8:15

Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Levitico 9:12

Che' jini tsi' tsʌnsa jini alʌc'ʌl cha'an mi' pulben lac Yum. I yalobilob Aarón tsi' lotoyob jini ch'ich'. Aarón tsi' tsijca ya' ti pam pulʌntib.

Levitico 9:8

Jini cha'an Aarón tsi' lʌc'tesa i bʌ ya' ti pulʌntib. Tsi' tsʌnsa jini alʌ tat wacax cha'an i ñusʌntel i mul.