Exodo 28:9 - Chol: I T’an Dios

⁹ Ch'ʌmʌ cha'p'ejl xajlel i c'aba' ónice. Ya'i yom ma' ts'ijban i c'aba'ob jini lajchʌnmojt i p'olbal jini Israel.

Chol de Tumbalá Bible

⁹ Ch'ʌmʌ cha'p'ejl xajlel i c'aba' ónice. Ya'i yom ma' ts'ijban i c'aba'ob jini lajchʌnmojt i p'olbal jini Israel.

Jiñi Tsiji' bʌ Wen T'añ cha'añ Estudio

⁹ Mi caj a ch'ʌm cha'p'ejl xajlel i c'aba' ónice; ya'i mi caj a ts'ijban i c'aba'ob jiñi lajchʌnmojt i p'olbal jiñi Israel.

Exodo 28:9 Iomraidhean Croise

1 Cronicas 29:2

Joñon ti pejtelel c ch'ejlel tsac chajpa pejtelel chuqui yom cha'an i Templo lac Dios. Tsac tempa oro cha'an mi' mejlel chuqui tac yom ti oro, yic'ot plata cha'an chuqui tac yom mejlel ti plata, yic'ot bronce, yic'ot tsucu taq'uin, yic'ot te', yic'ot cabʌl ónice bʌ xajlel, yic'ot c'ax uts'at bʌ xajlel, yic'ot letsem bʌ i tojol i ch'ʌjlil tac, yic'ot cabʌl mármol.

2 Cronicas 2:7

Jini cha'an chocbeñon tilel winicob yujilo' bʌ e'tel ti oro yic'ot ti plata yic'ot ti bronce yic'ot ti tsucu taq'uin. Choco tilel ja'el jini yujilo' bʌ jalbal ti chʌchʌc bʌ yic'ot ti yʌyʌx bʌ puy. La' i comol cha'leñob e'tel yic'ot c winicob ti Judá yic'ot ti Jerusalén yajcʌbilo' bʌ i cha'an c tat David.

Job 28:16

Mach chombilic ti oro ch'oyol bʌ ti Ofir mi ti ónice letsem bʌ i tojol mi ti zafiro.

Exodo 28:10

Yom ma' ts'ijban wʌcp'ejl c'aba'ʌl ti jini junq'uejl xajlel, yic'ot yambʌ wʌcp'ejl c'aba'ʌl ya' ti yambʌ junq'uejl xajlel, junlajal yom. Jini ñaxan bʌ tsi' yila pañimil, jiñʌch ma' ñaxan otsan c'ʌlʌl ma' taj majlel jini wi'ilix bʌ tsi' yilayob pañimil cha'an belecña mi' yujtel a wotsan ya' ti cha'q'uejl xajlel jini c'aba'ʌl tac.

Exodo 28:20

Ya' ti' chʌntsolomlel, yom an berilo yic'ot ónice yic'ot jaspe. Ñotbil tac yom ti oro.

Exodo 28:36

Yom mi la' mel junq'uejl alʌ tsucu taq'uin melbil bʌ ti oro cha'an ma' ts'ijban ya'i: “Ch'ujul cha'an lac Yum”, che'en.

Exodo 28:8

Jini i cajchil melbil yom ti oro yic'ot ti yʌjyʌx bʌ pisil, ti chʌccojan bʌ, ti chʌchʌc bʌ yic'ot ti wen jalbil bʌ lino.

Exodo 31:5

Tsa'ix cʌq'ue i ña'tʌbal ja'el cha'an mi' mel xajlel tac yic'ot i ts'ijbal tac, yic'ot ti' juc'ol tac te' cha'an mi' mel pejtelel jujunchajp e'tel tac.

Exodo 39:13

Ya' ti' chʌntsolomlel an berilo, yic'ot ónice yic'ot jaspe. Ñotbil tac ti oro.

Exodo 39:6

Tsi' chajpayob xajlel i c'aba' ónice. Tsi' yotsayob ti oro. Ya' ts'ijbubil i c'aba'ob i p'olbalob Israel.

Cantares 8:6

Pʌyʌyon ti junyajlel ti ñujpuñel. Otsañon ti a pusic'al cha'an mach loq'uicon ti pejtelel ora. Come mach jilic laj c'uxbiya che' cuxulontola. Mach yajpic che' mi lac chʌmel. Wen bʌbʌq'uen jax jini tsʌytsʌyña bʌ i pusic'al. Jini cʌlejem bʌ wen ch'ijiyem mi' cʌytʌl. Mi' lejmel i pusic'al che' bajche' c'ajc wen ticʌw bʌ tilem bʌ ti lac Yum.

Isaias 49:16

Come ñʌp'ʌl a c'aba' tij c'ʌb ti pejtelel ora. Wolic chʌn ña'tan i ts'ajquil tac Jerusalén tsa' bʌ jejmi.

Ezequiel 28:13

Tsa' ajniyet ti Edén ya' ti' pʌc'ʌb lac Yum. Tsa' ch'ʌlʌ a bʌ yic'ot uts'at tac bʌ xajlel: jini cornerina, topacio, jaspe, crisólito, berilo, ónice, zafiro, carbunclo, esmeralda, chucbil bʌ ti oro. Tsa' laj aq'uentiyet che' bʌ tsa' mejliyet.

Zacarias 9:16

Ti jim bʌ q'uin lac Yum Dios mi caj i coltan i cha'año' bʌ che' bajche' jini xcʌnta tiñʌme' mi' cʌntan i yʌlac'. I t'ojol jax mi caj i q'uejlelob ya' ti' lumal che' bajche' xajlel wen letsem bʌ i tojol am bʌ ti corona.