Exodo 28:6 - Chol: I T’an Dios

⁶ Yom mi' mejlel i mʌjquil i tajn ti yʌjyʌx bʌ pisil, yic'ot chʌccojan bʌ, yic'ot chʌchʌc tac bʌ, yic'ot wen jalbil bʌ lino, wen uts'at bʌ melbil.

Chol de Tumbalá Bible

⁶ Yom mi' mejlel i mʌjquil i tajn ti yʌjyʌx bʌ pisil, yic'ot chʌccojan bʌ, yic'ot chʌchʌc tac bʌ, yic'ot wen jalbil bʌ lino, wen uts'at bʌ melbil.

Jiñi Tsiji' bʌ Wen T'añ cha'añ Estudio

⁶ Yom mi' mejlel i mʌjquil i tajñ jiñi motomaj ti oro, yʌjyʌx bʌ yic'ot chʌccojan bʌ yic'ot chʌchʌc bʌ pisil, yic'ot wen jalbil bʌ lino, yom wen i t'ojol mi' mejlel.

Exodo 28:6 Iomraidhean Croise

Exodo 26:1

Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Exodo 28:7

Yom cha't'ujm i cʌjchil cha'an mi' laj bʌ cʌch ti' pat.

Exodo 29:5

Che' jini yom ma' ch'ʌm jini bujcʌl tac cha'an ma' lʌpben Aarón. Ma' lʌpben i pislel tac. Cʌchben ja'el i cajchiñʌc'.

Oseas 3:4

Jiñʌch i sujmlel iliyi: Cabʌl ora ma'anic i rey jini israelob. Ma'anic i yumob. Che' jach añob. Ma'anic mi caj i pulbeñon cotol bʌ c majtan. Ma'anic motomaj. Ma'anic majqui mi' cʌntesañob tic bijlel. Ma'anic i dioste' ja'el.

Levitico 8:7

Tsi' lʌpbe i pislel Aarón. Tsi' cʌchbe i cajchiñʌc'. Tsi' yʌq'ue tam bʌ i bujc yic'ot yambʌ junlajm i pislel i c'aba' efod tsa' bʌ i yʌc'ʌ ya' ti' pam. Tsi' cʌchbe i pislel yic'ot wen uts'atax bʌ i cajchiñʌc'.

Juezob 8:27

Gedeón tsa' caji i mel jump'ejl efod yic'ot jini oro cha'an mi' choc majlel ti cʌntʌntel ya' ti Ofra. Pejtelel jini israelob tsa' caji i ch'ujutesañob jini efod c'ʌlʌl jinto tsa' sojqui ja'el Gedeón temel yic'ot i yalobilob.

1 Samuel 23:6

Abiatar i yalobil Ahimelec tsa' puts'i tilel ba'an David ti Keila. Tsi' ch'ʌmʌ tilel jini bujcʌl cha'an motomaj.

1 Samuel 30:7

David tsi' sube jini motomaj Abiatar i yalobil Ahimelec: Awocolic ch'ʌmʌ tilel jini efod, che'en. Abiatar tsi' ch'ʌmbe tilel i bujc motomaj.