Exodo 28:43 - Chol: I T’an Dios

⁴³ Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Chol de Tumbalá Bible

⁴³ Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Jiñi Tsiji' bʌ Wen T'añ cha'añ Estudio

⁴³ Aarón yic'ot i yalobilob mi caj i lʌpob che' mi' yochelob ya' ti Tabernáculo ba' mi' tempañob i bʌ o che' mi' lʌc'tesañob i bʌ ya' ti pulʌntib, che' mi' cha'leñob i ye'tel ya' ti Ch'ujul bʌ Ajñibʌl, cha'añ ma'añic mi' tajob i mul cha'añ ma'añic mi' chʌmelob. Jiñʌch jiñi tic'ojel yom bʌ mi' jac'ob ti pejtelel ora yic'ot ti' tojlel i p'olbalob.

Exodo 28:43 Iomraidhean Croise

Exodo 20:26

Mach mi la' melben i quejb tac pulʌntib ame mi' tsictiyel i mal la' bujc”, che'en.

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Exodo 30:21

Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob. Che' tsi' yʌlʌ lac Yum Dios.

Ezequiel 44:17

Che' baqui ora mi' ñumelob ya' ti corredor cha'an mi' yochelob ti mal patio, wersa yom mi' lʌpob jini lino bʌ i pislelob. Mach yomic mi' lʌpob i tsutsel tiñʌme' che' mi' yochelob ya' ti patio yic'ot ti' mal jini Templo.

Levitico 16:13

Yom mi' yotsan jini xojocña bʌ perfume ti c'ajc tic tojel. Awilan i buts'il jini perfume mi caj i mose' jini ajñibʌl ti' pam Arca ba' mic ñusan mulil. Che' jini ma'anic mi caj i chʌmel.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Levitico 22:15

Come mach yomic mi' bib'esʌntel chuqui tac sʌc mi' yʌc'ob jini israelob, come tsa'ix i yʌq'ueyoñob.

Levitico 22:9

Yom ts'ʌcʌl mi' jac'beñoñob c mandar, cha'an ma'anic mi' tajob i mul, cha'an ma'anic mi' chʌmelob, come joñoñʌch mu' bʌ c sʌq'uesañob.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Levitico 5:1

Mi an tsa' bʌ i q'uele ti mulil juntiquil i pi'ʌl, mi tsi' wen ubi chuqui tsa' ujti, mi ma'anic tsi' tsictesa, mi' yajñel ti' wenta jini mulil.

Levitico 5:17

Che' an majch mi' ñusan c mandar che' mach tsajalic i cha'an, muq'uix i taj i mul. La' i ch'ʌm tilel juncojt i tat bʌ tiñʌme' mach bʌ wis anic i c'amʌjel mi i lojwemal. Jini motomaj mi cajel i yʌc' cha'an i tojol i mul jini winic tsa' bʌ i mele che' mach tsajalic i cha'an. Che' jini ñusʌbilix i mul jini winic.

Numeros 15:15

Pejtelel chumulo' bʌ ti jini lum junlajal mi caj i jac'ob c mandar, jini israelob yic'ot jini ñajt bʌ ch'oyolob, yic'ot la' walobilob ti pejtelel ora. Junlajaletla tic tojlel.

Numeros 18:22

Mach yomix mi' chʌn ochelob israelob ya' ti Ch'ujul bʌ Ajñibʌl ame chʌmicob cha'an i mul.

Numeros 18:32

Jini cha'an ma'anic la' mul che' mi la' ch'ʌmben i diezmo israelob mi tsa' la' yajca jini ñumen wen bʌ cha'an mi la' wʌq'ueñob jini motomajob. Pero tsajiletla ame chʌmiquetla. Ma'me la' lon ts'a'leben i majtan lac Yum mu' bʌ i yʌq'ueñob jini israelob, come ch'ujulʌch i majtan lac Yum”. Che'ʌch yom ma' subeñob, che'en lac Yum.

Numeros 18:8

Lac Yum tsi' cha' sube Aarón: Joñon tsa'ix cʌq'ueyet ti a wenta jini c majtan tac. Jiñʌch majtañʌl tac mu' bʌ i yʌq'ueñoñob israelob. A cha'añʌch yic'ot i cha'añʌch ja'el a walobilob c'ʌlʌl ti pejtelel ora, come ch'ujuletla, motomajetla. La' tem cha'an jach pejtelel c majtan mu' bʌ i yʌq'ueñoñob.

Numeros 9:13

Pero mi an winic mu' bʌ i to'o cʌy i bʌ che' sʌcʌch, che' ma'anic ba' tsa' majli, cha'an jach mach yomic i mel i q'uiñilel Pascua, che' jini wersa yom mi' chojquel loq'uel ti' tojlel c winicob, come ma'anic tsi' yʌc'ʌ i bʌ che' ti' yorajlel mi' cha'leñob q'uiñijel tic tojlel. Jini cha'an i bajñel an ti' wenta i mul jini winic.