Exodo 28:41 - Chol: I T’an Dios

⁴¹ Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Chol de Tumbalá Bible

⁴¹ Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Jiñi Tsiji' bʌ Wen T'añ cha'añ Estudio

⁴¹ Che'ʌch yom jiñi mu' bʌ a wʌq'ueñob i lʌp a wʌscun Aarón yic'ot i yalobilob; mi caj a mulob ti olivo aceite yic'ot mi caj a sʌc-esañob, cha'añ mi' melbeñoñob que'tel ti motomaj.

Exodo 28:41 Iomraidhean Croise

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Exodo 28:4

Jini bujcʌl tac yom bʌ mi' melob jin tacʌch iliyi: I pislel i tajn, yic'ot i bujc i c'aba' efod yic'ot pʌl bʌ i bujc, yic'ot i cha'lajmlel i bujc, yic'ot i pislel i jol, yic'ot i cajchil. Mi caj i melbeñob a wʌscun Aarón yic'ot i yalobilob i pislelob yom bʌ mi' xojob che' mi' melbeñoñob que'tel ti motomaj.

Exodo 29:24

Ac'ʌ pejtelel ti' c'ʌb Aarón yic'ot ti' c'ʌb i yalobilob. Che' jini yom ma' jʌmts'un che' bajche' majtañʌl jʌmts'ubil bʌ tic tojlel, che'en lac Yum.

Exodo 29:35

Che'ʌch yom ma' mel ti' tojlel Aarón yic'ot i yalobilob che' bajche' tsac subeyet. Wucp'ejl q'uin yom cha'an ma' wa'chocoñob.

Exodo 29:7

Che' jini yom ma' ch'ʌm jini aceite mu' bʌ i c'ʌjñel tac ya' ti Tabernáculo. Mulben i jol. Boño jini motomaj.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Exodo 30:35

Yom ma' c'ʌn pejtelel iliyi ti' melol jini perfume che' bajche' jini yujil bʌ melol. Otsʌben i yʌts'mil. Wen xajc'ubil yom, sʌc yic'ot ch'ujul ja'el.

Exodo 40:13

Yom ma' lʌpben ch'ujul bʌ i bujc Aarón. Yom ma' bon. Yom ma' sʌq'uesan cha'an mi' melbeñoñob que'tel ti motomaj.

Exodo 40:15

Yom ma' bon ja'el che' bajche' tsa' mele i tat, cha'an mi' melbeñoñob que'tel ti motomaj. Che'ʌch yom mi' bojñelob jini motomajob ti' tojlel i p'olbalob c'ʌlʌl ti pejtelel ora, che'en lac Yum.

Isaias 10:27

Ti jim bʌ ora Dios mi caj i loc'sañetla ti to'ol jach bʌ e'tel. Mi caj i ch'ʌmbeñetla la' cuch che' mi' coltañetla jini yajcʌbil bʌ i cha'an.

Isaias 61:1

An i yEspíritu lac Yum Dios tic pusic'al, come lac Yum tsi' yajcayon cha'an mic subeñob jini wen t'an jini utso' bʌ. Tsi' chocoyon tilel cha'an mic lajmesʌbeñob i ch'ijiyemlel i pusic'al jini ch'ijyemo' bʌ, cha'an mic subeñob loq'uel jini ñup'ulo' bʌ, cha'an mic jambeñob i ti' mʌjquibʌl ba' ñup'ulob,

Ezequiel 43:26

C'ʌlʌl ti wucp'ejl q'uin yom mi' chʌn tsʌnsʌntel jini majtañʌl cha'an mulil ya' ti pulʌntib, cha'an che' jini mi' sʌq'uesʌntel.

Levitico 10:7

Mach yomic mi la' wis loq'uel ti jini Tabernáculo, ame chʌmiquetla, come wa'chocobiletla yic'ot ch'ujul bʌ aceite ti' tojlel lac Yum, che'en. Jini cha'an Aarón yic'ot i yalobilob tsi' jac'ʌyob che' bajche' tsi' yʌlʌ Moisés.

Levitico 16:24

La' i cha'len ts'ʌmel ya' ba'an sʌq'uesʌbil bʌ ja'. La' i cha' lʌp i pislel cha'an mi' loq'uel i yʌq'ueñon pulbil bʌ c majtan cha'an i bajñel mul yic'ot i mul jini winicob x'ixicob. Mi caj i ñusʌntel i bajñel mul yic'ot i mul jini israelob.

Numeros 3:3

Ti' pejtelelob tsa' wa'chocontiyob ti' ye'tel ti motomaj.

Juan 3:34

Come jini tsa' bʌ chojqui tilel cha'an Dios mi' sub i t'an Dios. Ma'anic i p'isol bajche' mi' yʌc' i yEspíritu.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.

Hebreos 7:28

Jini mandar mi' wa'chocon ti ñuc bʌ motomaj winicob am bʌ i c'unlel i pusic'al. Pero Dios tsi' wa'choco i Yalobil tsa' bʌ ts'ʌctiyi i p'ʌtʌlel yic'ot i ñuclel ti pejtelel ora.

1 Juan 2:20

Pero tsa'ix tili jini Ch'ujul bʌ Espíritu ti la' tojlel. Jini cha'an mi la' cʌmben i sujmlel ti la' pejtelel.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.