Exodo 28:4 - Chol: I T’an Dios

⁴ Jini bujcʌl tac yom bʌ mi' melob jin tacʌch iliyi: I pislel i tajn, yic'ot i bujc i c'aba' efod yic'ot pʌl bʌ i bujc, yic'ot i cha'lajmlel i bujc, yic'ot i pislel i jol, yic'ot i cajchil. Mi caj i melbeñob a wʌscun Aarón yic'ot i yalobilob i pislelob yom bʌ mi' xojob che' mi' melbeñoñob que'tel ti motomaj.

Chol de Tumbalá Bible

⁴ Jini bujcʌl tac yom bʌ mi' melob jin tacʌch iliyi: I pislel i tajn, yic'ot i bujc i c'aba' efod* yic'ot pʌl bʌ i bujc, yic'ot i cha'lajmlel i bujc, yic'ot i pislel i jol, yic'ot i cajchil. Mi caj i melbeñob a wʌscun Aarón yic'ot i yalobilob i pislelob yom bʌ mi' xojob che' mi' melbeñoñob que'tel ti motomaj.

Jiñi Tsiji' bʌ Wen T'añ cha'añ Estudio

⁴ Jiñi bujcʌl tac yom bʌ mi' melob jiñʌch iliyi: i pislel i tajñ, yic'ot i bujc i c'aba' efod yic'ot i bujc ñumen pʌl bʌ, yic'ot ñaxan bʌ i pislel joch'bil bʌ, yic'ot i cʌjchil i jol yic'ot i cajchiñʌc'. Mi caj i melbeñob a wʌscun Aarón yic'ot i yalobilob ch'ujul bʌ i pislelob yom bʌ mi' xojob cha'añ mi' melbeñoñob que'tel ti motomaj.

Exodo 28:4 Iomraidhean Croise

2 Samuel 6:14

David tsi' chʌn cha'le tijp'ejl ti' tijicñʌyel i pusic'al ti' tojlel lac Yum, lʌpbil i cha'an jump'ejl bujcʌl lino bʌ pisil.

Exodo 29:6

Aq'uen jini alʌ pixolʌl ti' jol. Yom ma' wʌq'uen jini ch'ujul bʌ alʌ tsucu taq'uin melbil bʌ ti oro ti' pam jini pixolʌl.

Isaias 11:5

Mi caj i cha'len yumʌl ti toj yic'ot ti' xuc'tilel i pusic'al.

Isaias 59:17

Lac Yum mi' mʌjlel i cha'an ti' tojlel i contrajob cha'an toj bʌ i pusic'al. Tsi' chajpa i bʌ ti coltaya che' bajche' soldado mi' xoj i bujc cha'an guerra yic'ot i mʌctijib yic'ot i pixol melbil bʌ ti tsucu taq'uin. Tsi' pixi i bʌ ti mich'ajel cha'an mi' q'uextan i mul i contrajob. Bʌx ti' ye'tel cha'an mi' coltan i tejclumob.

Oseas 3:4

Jiñʌch i sujmlel iliyi: Cabʌl ora ma'anic i rey jini israelob. Ma'anic i yumob. Che' jach añob. Ma'anic mi caj i pulbeñon cotol bʌ c majtan. Ma'anic motomaj. Ma'anic majqui mi' cʌntesañob tic bijlel. Ma'anic i dioste' ja'el.

Efesios 6:14

Yom chajpʌbiletla che' bajche' soldado yic'ot isujmlel i t'an Dios, i wenta la' cajchiñʌc', cha'an uts'at mi la' cha'len xʌmbal. Lʌpʌla toj bʌ la' pusic'al i wenta la' bujc.

1 Tesalonicenses 5:8

Pero ñumenix ac'ʌlel. Añonixla ti q'uiñil. Jini cha'an yom c'ajal la co. La' lac xuc'chocon lac pusic'al ti jini woli bʌ lac ñop yic'ot c'uxbiya ame i tajonla laj contra. La' lac p'is ti wenta laj coltʌntel woli bʌ lac pijtan ame cajiconla ti tsic pusic'al.

Apocalipsis 9:17

Tsaj q'uele cabʌl caballo yic'ot jini c'ʌchʌlo' bʌ. An i mʌjquil i tajn jini c'ʌchʌlo' bʌ, chʌchʌc bajche' c'ajc, yʌjyʌx bajche' jacinto, c'ʌnc'ʌn bajche' azufre. Che' yilal i jol caballo bajche' i jol colem bajlum. Tsa' loq'ui c'ajc ti' yej yic'ot buts' yic'ot azufre.

1 Samuel 2:18

Tsa' caji ti colel jini ch'iton Samuel, lʌpbil i cha'an i bujc motomaj melbil bʌ ti fino bʌ pisil. Tsi' melbe i ye'tel lac Yum.

1 Samuel 22:18

Jini rey tsi' sube Doeg: Jatet Doeg, tsʌnsan jini motomajob, che'en. Doeg jini ch'oyol bʌ ti Edom tsa' majli i tsʌnsan jini motomajob. Ti jim bʌ ora tsi' tsʌnsa jo'tiquil i jo'c'al (85) winicob, motomajob mu' bʌ i lʌpob jini bujcʌl melbil bʌ ti lino bʌ pisil.

1 Samuel 23:6

Abiatar i yalobil Ahimelec tsa' puts'i tilel ba'an David ti Keila. Tsi' ch'ʌmʌ tilel jini bujcʌl cha'an motomaj.

1 Samuel 30:7

David tsi' sube jini motomaj Abiatar i yalobil Ahimelec: Awocolic ch'ʌmʌ tilel jini efod, che'en. Abiatar tsi' ch'ʌmbe tilel i bujc motomaj.