Exodo 28:3 - Chol: I T’an Dios

³ Añob p'i'p'o' bʌ i pusic'al winicob tsa' bʌ cʌq'ueyob i ña'tʌbal ti' melol wen tac bʌ e'tel. Yom ma' pejcañob cha'an mi' melbeñob i pislel Aarón, cha'an che' jini mi' mejlel i yʌc' i bʌ cha'an mi' melbeñon que'tel che' bajche' motomaj.

Chol de Tumbalá Bible

³ Añob p'i'p'o' bʌ i pusic'al winicob tsa' bʌ cʌq'ueyob i ña'tʌbal ti' melol wen tac bʌ e'tel. Yom ma' pejcañob cha'an mi' melbeñob i pislel Aarón, cha'an che' jini mi' mejlel i yʌc' i bʌ cha'an mi' melbeñon que'tel che' bajche' motomaj.

Jiñi Tsiji' bʌ Wen T'añ cha'añ Estudio

³ Yom ma' pejcañob pejtelel jiñi p'ip'o' bʌ i pusic'al wiñicob tsa' bʌ cʌq'ueyob i ña'tʌbal ti' melol wen tac bʌ e'tel cha'añ mi' melbeñob i pislel Aarón, cha'añ che' jiñi mi' mejlel i yʌc' i bʌ cha'añ mi' melbeñon que'tel che' bajche' motomaj.

Exodo 28:3 Iomraidhean Croise

1 Reyob 7:14

I yalobilʌch meba' x'ixic ch'oyol bʌ ti Neftalí. Ch'oyol ti Tiro i tat. Yujil e'tel i tat ti bronce. Jini cha'an tsa' majli jini winic i melben i ye'tel Salomón.

Exodo 35:10

Pejtelel wen yujil bʌ e'tel ti' c'ʌb, la' tilic cha'an mi' melob chuqui tac tsi' yʌlʌ lac Yum: Jini Tabernáculo yic'ot i pislel, yic'ot i majc tac, yic'ot i joc'lib tac, yic'ot i tablajlel tac yic'ot i barajlel tac, yic'ot jini i yoyel, yic'ot i c'ʌclib. Jini Arca yic'ot i barajlel tac, yic'ot i majc ba' mi' ñusʌntel mulil, yic'ot jini joc'ol bʌ pisil ya' ti mal, yic'ot jini mesa, yic'ot pejtelel chuqui tac yom c'ʌñol, yic'ot jini waj mu' bʌ i pʌsbentel Dios, yic'ot i ts'ʌjbib c'ajc, yic'ot mu' bʌ i c'ʌjñel, yic'ot aceite cha'an i ya'lel jini c'ajc, yic'ot i pulʌntib pom, yic'ot i barajlel, yic'ot aceite cha'an bojñibʌl, yic'ot jini xojocña bʌ pom yic'ot pisil mu' bʌ i yajñel ya' ti' ti' i yotot Dios ba' mi la cochel ya' ti Tabernáculo, yic'ot jini pulʌntib ba' mi' pulel majtañʌl, yic'ot i yajñib majtañʌl melbil bʌ ti bronce, yic'ot i barajlel, yic'ot pejtelel chuqui mi' c'ʌjñel, yic'ot i yajñib ja', yic'ot i buchlib, yic'ot jini cortina tac cha'an i patiojlel jini Tabernáculo, yic'ot i te'el tac, yic'ot ba' mi' buchtʌl, yic'ot jini pisil cha'an i ti' jini patio, yic'ot i te'el tac jini Tabernáculo, yic'ot te' tac cha'an patio, yic'ot pejtelel i cʌjchil, yic'ot jalbil bʌ pisil cha'an mi' c'ʌjñel, cha'an mi la' mel la' we'tel ya' ti Ch'ujul bʌ Ajñibʌl, yic'ot jini c'ax sʌc bʌ i pislel Aarón jini motomaj, yic'ot i pislel i yalobilob ja'el cha'an mi' melob i ye'tel ti motomaj. Che' tsi' yʌlʌ lac Yum, che'en.

Exodo 35:25

Che' ja'el pejtelel x'ixicob yujilo' bʌ ñoq'uijel, tsi' ñoq'uiyob puy, yʌjyʌx bʌ, chʌccojan bʌ, chʌchʌc bʌ yic'ot fino bʌ lino.

Exodo 35:30

Moisés tsi' subeyob israelob: Q'uelela, lac Yum tsi' wa'choco Bezaleel i yalobil Uri i yalobil bʌ Hur, loq'uem bʌ ti' p'olbal Judá.

Exodo 35:31

Tsa' bujt'i ti Ch'ujul bʌ i Ch'ujlel Dios. Lac Yum tsi' yʌq'ue i c'ʌjñibal yic'ot i ña'tʌbal cha'an mi' mel uts'at tac bʌ,

Exodo 35:35

Dios tsi' yʌq'ueyob i p'ip'lel i pusic'al cha'an mi' melob i ye'tel ti tsucu taq'uin ti' chajp ti' chajp, cha'an mi' cha'leñob ts'ijb ti xajlel tac, cha'an mi' cha'leñob joch' ti yʌjyʌx puy, yic'ot chʌccojan bʌ, yic'ot chʌchʌc bʌ, yic'ot fino bʌ lino, cha'an mi' cha'leñob jalbal, yic'ot pejtelel uts'at bʌ e'tel.

Exodo 36:1

Bezaleel yic'ot Aholiab, yic'ot pejtelel winicob tsa' bʌ aq'uentiyob i ña'tʌbal yic'ot i ch'ejlel cha'an lac Yum yujilob bajche' yom melol pejtelel jini e'tel tac ya' ti Tabernáculo che' bajche' tsi' yʌlʌ lac Yum, che'en Moisés.

Exodo 36:2

Moisés tsi' pʌyʌ Bezaleel yic'ot Aholiab, yic'ot pejtelel winicob tsa' bʌ aq'uentiyob i bʌxlel i pusic'al ti e'tel cha'an lac Yum. Tsi' pʌyʌ jini nijcʌbilo' bʌ i pusic'al cha'an mi' majlelob ti e'tel.

Proverbios 2:6

Come lac Yum mi' yʌq'ueñonla wen bʌ lac ña'tʌbal yic'ot laj cʌntesʌntel. Mi' yʌq'ueñonla laj cʌmben i sujmlel i t'an.

Isaias 11:2

Mi caj i yajñel Ch'ujul bʌ i Ch'ujlel Dios ti' tojlel jini Winic. Mi caj i yʌq'uentel wen bʌ i ña'tʌbal yic'ot cabʌl i pusic'al, yic'ot i ye'tel ti cʌntesa yic'ot i p'ʌtʌlel, yic'ot wen bʌ i c'ʌjñibal, yic'ot i bʌc'ñʌntel lac Yum.

Efesios 1:17

Mij c'ajtiben i Dios lac Yum Jesucristo cha'an mi' yʌq'ueñetla cabʌl la' ña'tʌbal yic'ot i yEspíritu cha'an mi la' wen ch'ʌmben isujm chuqui woli la' pʌsbentel, cha'an mi la' wen cʌn lac Tat am bʌ ti panchan.

Deuteronomio 34:9

An cabʌl i ña'tʌbal jini Josué (i yalobil Nun), come Moisés tsi' yʌc'ʌ i c'ʌb ti' pam. Jini cha'an jini israelob tsi' jac'beyob i t'an Josué. Tsi' meleyob che' bajche' lac Yum tsi' sube Moisés.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.