Exodo 28:12 - Chol: I T’an Dios

¹² Yom ma' wʌc' jini xajlel ti jujunwejl i quejlab. Cʌchbil yom ya' ti' cujchil tac ya' ti' bujc. Cha'añʌch mi' chʌn ña'tʌntel jini israelob. Aarón yom mi' ch'ʌm majlel jini c'aba'ʌl tac ti' quejlab ya' tic tojlel. La' Yumon.

Chol de Tumbalá Bible

¹² Yom ma' wʌc' jini xajlel ti jujunwejl i quejlab. Cʌchbil yom ya' ti' cujchil tac ya' ti' bujc. Cha'añʌch mi' chʌn ña'tʌntel jini israelob. Aarón yom mi' ch'ʌm majlel jini c'aba'ʌl tac ti' quejlab ya' tic tojlel. La' Yumon.

Jiñi Tsiji' bʌ Wen T'añ cha'añ Estudio

¹² Yom ma' wʌc' jiñi xajlel ti jujunwejl i quejlab, yom cʌchbil ya' ti' cujchil tac jiñi efod, cha'añ mi' chʌn ña'tʌntel i yalobilob Israel. Che'ʌch mi' caj i ch'ʌm majlel Aarón jiñi c'aba'ʌl tac ti' quejlab ya' ti' tojlel lac Yum cha'añ mi' chʌn ña'tʌntelob.

Exodo 28:12 Iomraidhean Croise

Job 31:36

Che' jini tijicñayon mic jac' che' mi' pʌyon tij c'aba'. Mux c lʌc' c bʌ che' bajche' juntiquil lʌpʌl bʌ i cha'an corona.

Salmos 89:19

Tsa'ix a pejca jini x'alt'an a cha'an ti espíritu. Tsa' sube: Tsa'ix c yajca loq'uel ti' tojlel i pi'ʌlob juntiquil wen p'ʌtʌl bʌ cha'an mi' cha'len yumʌl.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 28:11

Yom ts'ijbubil jini c'aba'ʌl tac, pero lajal yom che' bajche' an ti sello. Che' yom ma' ts'ijban jini c'aba'ʌl tac ya' ti' cha'q'uejlel xajlel, jiñʌch i c'aba'ob i p'olbal Israel. Ya' ti oro yom ma' lʌp ochel jini xajlel tac.

Exodo 28:29

Ya'i mi caj i ch'ʌm majlel Aarón i c'aba'ob i yalobilob Israel ya' ti bujcʌl ti' tojel i pusic'al, che' bajche' jajayajl mi' yochel ya' tic tojlel ba' mi' ch'ujutesañon. Jiñʌch cha'an mi' chʌn ña'tʌntel i p'olbal Israel.

Exodo 28:7

Yom cha't'ujm i cʌjchil cha'an mi' laj bʌ cʌch ti' pat.

Isaias 12:2

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Isaias 62:6

Joñon a Yumon, Jerusalén. Tsa'ix c wachoco xcʌntayajob ya' ti' ts'ajquil a tejclum mu' bʌ caj i pejcañonob ti oración ti q'uiñil yic'ot ti ac'ʌlel. Jatetla mu' bʌ la' c'uxbiñon mach yomic mi la' cʌy la' pejcañon. Mach mi la' wʌq'ueñon j c'aj co jinto mic tilel c cha' wen'esan Jerusalén, jinto che' tsa'ix c cha' mele ti uts'at, che' cha' anix i ñuclel Jerusalén ila ti pañimil.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 31:54

Che' ujtemix i ch'ʌmob Moisés yic'ot jini motomaj Eleazar pejtelel jini oro tac tsa' bʌ i yʌc'ʌyob jini winicob, tsi' ch'ʌmʌyob ochel ti Tabernáculo cha'an mi' ña'tañob jini israelob bajche' tsi' coltayob lac Yum.

Lucas 1:54

Tsi' colta israelob, i winicob, cha'an c'ajal i cha'an bajche' yom i p'untañob,

Lucas 1:72

Che' jini mi caj i p'untañonla che' bajche' tsi' subeyob lac ñojte'el. Mi caj i ña'tan jini ch'ujul bʌ xuc'ul bʌ t'an

Hechos 10:4

Cornelio tsi' cha'le bʌq'uen che' bʌ tsi' q'uele jini ángel. Tsi' sube: ¿Chuqui a wom c Yum? che'en. Jini ángel tsi' sube: A woración yic'ot i majtan tac p'ump'uño' bʌ mu' bʌ a wʌq'ueñob woli' ña'tʌntel ti Dios.

1 Corintios 11:24

Che' bʌ tsa' ujti i suben wocolix i yʌlʌ Dios, tsi' xut'u. Tsi' yʌlʌ: “Ch'ʌmʌla, c'uxula, jiñʌch c bʌc'tal mu' bʌ i xujt'el cha'añetla. Che'ʌch yom mi la' cha'len cha'an mi la' ña'tañon”. Che' tsi' yʌlʌ.

Deuteronomio 33:12

Moisés tsi' yʌlʌ cha'an Benjamín: C'uxbibilet i cha'an lac Yum, Xuc'ul ma' wajñel yic'ot. Lac Yum mi' joy cʌntanet ti jujump'ejl q'uin. Mi' yʌq'uet ti chumtʌl ti' pusic'al.

Josue 4:7

Mi caj la' subeñob: “Tsi' t'oxo i bʌ jini Jordán ja' ti' tojel Arca che' bʌ tsa' c'axiyon lojon”, che'etla. Jini xajlel tac mi caj i yʌq'ueñob i chʌn ña'tan jini israelob ti pejtelel ora, che'en.