Exodo 28:1 - Chol: I T’an Dios

¹ Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Chol de Tumbalá Bible

¹ Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob*. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Jiñi Tsiji' bʌ Wen T'añ cha'añ Estudio

¹ Yom ma' wa'chocon Aarón, jiñi a weran temel yic'ot i yalobilob, Nadab, Abiú, Eleazar, yic'ot Itamar cha'añ mi' coltañetob cha'añ mi' melbeñoñob que'tel ti motomaj ti' tojlel i yalobilob Israel.

Exodo 28:1 Iomraidhean Croise

1 Cronicas 23:13

Amram jiñʌch i tat Aarón yic'ot Moisés. Jini Aarón temel yic'ot i yalobilob tsa' wa'chocontiyob ti ch'ujul bʌ i ye'tel cha'an mi' yʌq'ueñob i majtan tac lac Yum, cha'an mi' melob i ye'tel, yic'ot cha'an mi' subeñob wocolix i yʌlʌ lac Yum c'ʌlʌl ti pejtelel ora.

Salmos 115:10

Jatetla i yalobilet bʌ la Aarón, ñopola lac Yum. Jiñʌch la' waj coltaya, la' mʌctʌjibʌch.

Salmos 99:6

Lac Yum tsi' pejca Moisés yic'ot Aarón, cha'tiquil i motomajob, Yic'ot Samuel ja'el. Tsi' laj pejcayob lac Yum ti' c'aba'. Che' an chuqui tsi' c'ajtibeyob lac Yum tsi' jac'beyob.

Exodo 24:1

Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Exodo 24:9

Tsa' letsi majlel ti wits Moisés yic'ot Aarón yic'ot Nadab yic'ot Abiú, yic'ot lujuntiquil i chʌnc'al (70) ñoxo' bʌ israelob.

Exodo 28:41

Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Exodo 29:1

Jiñʌch mu' bʌ caj a mel cha'an ma' sʌq'uesan Aarón yic'ot i yalobilob cha'an mi' yochel ti motomaj. Yajcan juncojt alʌ wacax i tat bʌ yic'ot cha'cojt tat tiñʌme', wen c'oc' bʌ, mach bʌ anic i chʌmel.

Exodo 29:44

Mi caj c sʌq'uesan jini Tabernáculo yic'ot jini pulʌntib, yic'ot ja'el Aarón yic'ot i yalobilob. Che' jini mi mejlel i melbeñoñob que'tel ti motomaj.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Exodo 30:30

Boño ja'el jini Aarón yic'ot i yalobilob. Sʌq'uesañob cha'an mi' melbeñoñob que'tel ti motomaj.

Exodo 31:10

yic'ot jini jalbil bʌ ch'ujul bʌ i pislel Aarón jini motomaj, yic'ot i pislel ja'el i yalobilob mu' bʌ i c'ʌñob i melob i ye'tel ti motomaj.

Exodo 6:23

Aarón tsi' pʌyʌ Elisabet i yalobil Aminadab, i yijts'in Naasón. Tsi' yʌc'ʌ ti pañimil Nadab, Abiú, Eleazar yic'ot Itamar.

Levitico 10:1

Pero jini Nadab yic'ot Abiú, i yalobilob Aarón, leco bajche' tsi' meleyob. Tsi' bajñel tsuc'uyob c'ajc ti' yajñib pom. Tsi' yotsayob pom ya' ti pam c'ajc ti' tojlel lac Yum. Tsi' puluyob pom yic'ot c'ajc mach bʌ ch'ujulic. Leco tsi' q'uele lac Yum.

Levitico 10:12

Moisés tsa' caji i suben Aarón yic'ot i yalobilob Eleazar yic'ot Itamar: Ch'ʌmʌla jini trigo bʌ majtañʌl tsa' bʌ colobaji che' bʌ tsa' la' wʌq'ue i majtan lac Yum ya' ti pulʌntib. Yom mi la' c'ux jini waj mach bʌ anic i levadurajlel ya' ti' t'ejl jini pulʌntib. Ch'ujulʌch jini majtañʌl.

Levitico 7:35

Ti pejtelel majtañʌl mu' bʌ c pulbentel jiñʌch mu' bʌ caj i yʌq'uentel Aarón yic'ot i yalobilob come tsac wa'chocoyob ti' ye'tel motomaj tic tojlel.

Levitico 8:1

Lac Yum tsi' sube Moisés: Yom ma' pʌy majlel Aarón temel yic'ot i yalobilob ya' ti' ti' Tabernáculo ba' mi lac taj lac bʌ. Ch'ʌmʌ majlel i pislel, yic'ot aceite am bʌ i c'ʌjñibal ti boñoñel, yic'ot jini alʌ tat wacax cha'an i tojol mulil, yic'ot cha'cojt tat tiñʌme', yic'ot jini chiquib ba' but'ul jini waj mach bʌ anic i levadurajlel.

Numeros 18:7

Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Numeros 26:61

Pero tsa' chʌmiyob Nadab yic'ot Abiú che' bʌ tsi' yotsayob ti Tabernáculo ti' tojel lac Yum jini c'ajc mach bʌ ch'ujulic, tic'bil bʌ i cha'an.

Lucas 1:8

Zacarías tsi' cha'le i ye'tel ti motomaj ti' tojlel Dios che' an ti' wenta.

Deuteronomio 10:6

Tsa' loq'uiyob jini israelob ti Beerot Benejaacán. Tsa' majliyob ti Mosera. Ya' tsa' chʌmi Aarón. Ya' tsi' mucuyob. Che' jini tsa' caji i tajben i motomajil Eleazar.

Deuteronomio 18:5

Come lac yum Dios tsi' yajcayob loq'uel ti' la' tojlel yic'ot i yalobilob cha'an mi' chʌn q'uelben i ye'tel lac Yum. Jiñʌch i ye'tel yic'ot i ye'tel i yalobilob ti pejtelel ora.

1 Samuel 2:28

Joñon tsac yajca a tat Aarón. Tsa cotsa ti motomaj ti' tojlel jini lajchʌnmojt i p'olbal Israel cha'an mi' yʌq'ueñoñob c majtan ti pulʌntib. Tsa cʌq'ue i ch'ʌm pejtelel jini ofrenda i cha'an bʌ israelob.