Exodo 27:9 - Chol: I T’an Dios

^9-10 Yom mi la' melben i patiojlel jini Tabernáculo. Ya' ti sur yom mi la' joc'chocon jini wen jalbil bʌ lino. I tamlel jiñʌch lujump'ejl i yuxc'al (50) metro. Yom junc'al i postejlel yic'ot junc'al i c'ʌclib ti bronce. Melbil yom ti plata i joc'lib tac, yic'ot jini xotol tac bʌ.

Chol de Tumbalá Bible

^9-10 Yom mi la' melben i patiojlel jini Tabernáculo. Ya' ti sur yom mi la' joc'chocon jini wen jalbil bʌ lino. I tamlel jiñʌch lujump'ejl i yuxc'al (50) metro. Yom junc'al i postejlel yic'ot junc'al i c'ʌclib ti bronce. Melbil yom ti plata i joc'lib tac, yic'ot jini xotol tac bʌ.

Jiñi Tsiji' bʌ Wen T'añ cha'añ Estudio

⁹ Che' ja'el mi caj a melben i patiojlel jiñi Tabernáculo. Ya' ti yojlil jiñi Tabernáculo am bʌ ti' tojel sur yom mi la' joc'chocon jiñi pisil jalbil bʌ ti lino, am bʌ i tamlel ti lujump'ejl i yuxc'al (50) metro.

Exodo 27:9 Iomraidhean Croise

1 Reyob 6:36

Uxlajm i pimlel i ts'ajquil jini patio yic'ot junlajm ch'ujte'.

1 Reyob 8:64

Ti jini jach bʌ q'uin jini rey tsi' yʌq'ue lac Yum jini patio am bʌ ti' tojel i yotot lac Yum cha'an ya' mi' pulbentel i majtan, come ch'o'ch'oc jax jini pulʌntib melbil bʌ ti bronce am bʌ ti' tojel lac Yum. Mach ochic ti pejtelel. Tsi' yʌq'ue lac Yum ja'el jini majtañʌl melbil bʌ ti trigo, yic'ot cha'an i ñʌch'tilel i pusic'al. Wen on jini majtañʌl.

2 Cronicas 4:9

Tsi' mele ja'el patio cha'an motomajob, yic'ot colem patio cha'an pejtelel mu' bʌ i c'otelob. Tsi' wa'choco i ti' tac jini patio melbil bʌ ti bronce.

Salmos 100:4

Ochenla ti' ti' tac i yotot lac Yum. Subenla wocolix i yʌlʌ. Subenla i ñuclel che' mi la' c'otel ti' pam i yotot. Subenla wocolix i yʌlʌ. Ch'ujutesanla i c'aba'.

Salmos 116:19

Ya' ti' pam i yotot lac Yum, ti' yojlil Jerusalén. ¡Aleluya!

Salmos 84:10

Come uts'at jump'ejl q'uin ya' ti mal a Templo. Mach uts'atic jump'ejl mil q'uin ti jumpat. Uts'at mi tsa' wʌq'ueyon j cʌntʌben i ti' a wotot c Dios. Mach uts'atic mi chumulon ti' yotot jontolo' bʌ.

Salmos 92:13

Che'ʌch yilalob pejtel año' bʌ i wi' ti' yotot lac Yum. Cabʌl mi' cha'leñob nich, cabʌl mi' yʌc'ob i wut.

Exodo 36:17

Tsi' yʌc'ʌyob lujump'ejl i yuxc'al argolla melbil jach bʌ ti pisil ya' ti' ti' baqui tʌc'bil, yic'ot lujump'ejl i yuxc'al ja'el ya' ti' cha'tʌjc'lel jini cortina tac.

Exodo 40:33

Tsi' tich'iyob i pislel patio ti' joytʌlel jini Tabernáculo yic'ot ya' ti pulʌntib. Tsi' yʌc'ʌ jini pisil ti' tojel ba' mi' yochelob ya' ti patio. Che'i tsa' ujti i mel Moisés pejtelel jini e'tel.

Exodo 40:8

Yom ma' mel jini patio ti' joytʌlel ti pisil. Yom ma' joc'chocon jini pisil ya' ti' ti' jini patio.

Ezequiel 40:14

Tsi' p'isi ja'el i chanlel i yoyel am bʌ ti jujunwejl jini corredor, an lujump'ejl i cha'c'al metro.

Ezequiel 40:17

Tsi' pʌyʌyon ochel ti patio am bʌ ti' pat. Ya' tac an ts'ajquibil bʌ bij. An lujump'ejl i cha'c'al (30) tsalʌl ti' joytʌlel jini patio tsuyul jach yic'ot jini ts'ajc.

Ezequiel 40:20

Che' ja'el tsi' p'isi jini corredor mu' bʌ i c'axel ya' ti' tojel jini norte.

Ezequiel 40:23

I puertajlel jini patio am bʌ ti' tojel norte lajalʌch bajche' am bʌ ti' pasibal q'uin, che' mi laj c'axel ti corredor cha'an mi laj c'otel ti ts'ajc am bʌ ti mal. I ñajtlel jiñʌch lujump'ejl i yuxc'al (50) metro.

Ezequiel 40:28

Ti wi'il tsi' pʌyʌyon majlel ya' ti' ts'ajquil am bʌ ti' mal yic'ot ti corredor am bʌ ti sur. Tsi' p'isi jini corredor am bʌ ti sur, lajal jach i p'isol bajche' yan tac bʌ.

Ezequiel 40:32

Tsi' pʌyʌyon ñumel ti patio c'ʌlʌl ti' ti' ba' mi' pasel q'uin. Lajal jach i p'isol bajche' yan tac bʌ.

Ezequiel 40:44

Ya'an cha'p'ejl tsalʌl ti' t'ejl jini patio am bʌ ti mal, jujump'ejl ti' t'ejl jini puerta am bʌ ti norte, mu' bʌ i jajmel ti' tojel sur, jini yambʌ ya' ti' t'ejl jini puerta am bʌ ti sur mu' bʌ i jajmel ti' tojel jini norte.

Ezequiel 42:3

Jini tsalʌl tsolol tac bʌ ya' ti jini otot jiñʌch i ts'ajquil am bʌ ti' mal jini patio. An uxlajm jini tsalʌl tac am bʌ ti' tojel jini patio ya' ti jumpat. Jini patio am bʌ ti junwejl an lujump'ejl metro i xujc.

Numeros 4:26

Che' ja'el mi caj i ch'ʌmob majlel jini colem bʌ pisil i cha'an bʌ patio, yic'ot i cha'an bʌ i ti' jini patio am bʌ ti' joytʌlel Tabernáculo. Mi caj i ch'ʌmob majlel jini pulʌntib yic'ot pejtelel i ch'ajñal tac, yic'ot e'tijibʌl tac. An ti' wenta i yalobilob Gersón cha'an mi' ch'ʌmob majlel.