Exodo 27:3 - Chol: I T’an Dios

³ Yom mi la' mel ja'el poc' tac, yic'ot pala tac, yic'ot wechel tac bʌ e'tijibʌl cha'an mi la' c'ʌn la' jop loq'uel jini tan. Yom taza tac ja'el yic'ot pejtelel yan tac bʌ mu' bʌ i c'ʌjñel. Laj melbil yom ti bronce.

Chol de Tumbalá Bible

³ Yom mi la' mel ja'el poc' tac, yic'ot pala tac, yic'ot wechel tac bʌ e'tijibʌl cha'an mi la' c'ʌn la' jop loq'uel jini tan. Yom taza tac ja'el yic'ot pejtelel yan tac bʌ mu' bʌ i c'ʌjñel. Laj melbil yom ti bronce.

Jiñi Tsiji' bʌ Wen T'añ cha'añ Estudio

³ Mi caj la' mel ja'el poc' tac cha'añ mi la' c'ʌn la' jop loq'uel jiñi tañ yic'ot wechel tac bʌ e'tijibʌl yic'ot colem taza tac yic'ot ba' mi yajñel i ñich c'ajc tac yic'ot pejtelel yan tac bʌ mu' bʌ i c'ʌjñel, yom laj melbil ti bronce.

Exodo 27:3 Iomraidhean Croise

1 Reyob 7:40

Hiram tsi' mele ja'el jini p'ejt tac, yic'ot pala tac, yic'ot poquic'ʌbʌl. Che' jini tsa' ujti i c'un mel pejtel jini e'tel ti' Templo lac Yum tsa' bʌ i yʌq'ue Salomón ti' wenta Hiram.

2 Reyob 25:14

Tsi' ch'ʌmʌyob majlel ja'el jini ch'ejew tac yic'ot alʌ pala tac, yic'ot yambʌ e'tijibʌl melbil bʌ ti bronce,

2 Reyob 25:15

yic'ot jini tsucu taq'uin letsem bʌ i tojol, yic'ot oro, yic'ot plata, am bʌ i c'ʌjñibal cha'an e'tel ti Templo.

1 Cronicas 28:17

Che' ja'el tsi' p'isbe i yalel jini fino bʌ oro cha'an mi' mejlel jini jec'o' we'elʌl ba' mi' joc'tʌl jini we'elʌl, yic'ot cha'an poc' tac, yic'ot vaso tac, yic'ot taza tac melbil bʌ ti oro yic'ot ti plata.

2 Cronicas 4:11

Hiram tsi' mele taza tac, yic'ot alʌ pala tac, yic'ot colem taza tac. Tsi' laj ujtesa pejtelel jini e'tel ti' yotot lac Yum Dios che' bajche' yom jini rey Salomón.

Exodo 24:6

Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Exodo 27:19

Yom laj melbil ti bronce pejtelel mu' bʌ i c'ʌjñel ti melol jini Tabernáculo, yic'ot i joc'lib tac.

Exodo 27:2

Yom mi la' melben i xulup ti' chʌmp'ejlel i xujc jini pulʌntib. Laj tep'bil yom ti bronce. Wen tsuyul yom ya' ti xujc tac.

Exodo 27:4

Che' ja'el yom mi la' mel chincholtic bʌ ti bronce. Ya' ti' ti' jini chincholtic bʌ yom mi la' wʌc' chʌmp'ejl xotol tac bʌ tsucu taq'uin melbil bʌ ti bronce.

Exodo 38:3

Tsi' mele ti bronce ja'el poc' tac, yic'ot wechel tac bʌ e'tijibʌl cha'an mi' jopob loq'uel jini tan. Tsi' mele ja'el jini taza tac yic'ot pejtelel yan tac bʌ mu' bʌ i c'ʌjñel.

Levitico 16:12

Yom mi' ch'ʌm tilel i yajñib pom yic'ot i nich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'an mi' ch'ʌm majlel ya' ti' junwejlel tsalʌl bʌ pisil.

Numeros 4:14

Mi caj i yʌc'ob pejtelel i ye'tijib cha'an pulʌntib ti' pam pisil che' bajche' jini wechel bʌ lata tac, yic'ot jini rocol bʌ i ni' tsucu taq'uin, yic'ot jini lecho' nich c'ajc, yic'ot jini taza tac, yic'ot pejtelel mu' bʌ i c'ʌjñel ya' ti pulʌntib. Mi caj i mosob ti' pʌchʌlel chivo. Che' jini mi caj i yotsʌbeñob i te'el tac cha'an mi' ch'ʌmob majlel.