Exodo 27:21 - Chol: I T’an Dios

²¹ Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Chol de Tumbalá Bible

²¹ Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Jiñi Tsiji' bʌ Wen T'añ cha'añ Estudio

²¹ Yom ma' wa'chocon Aarón yic'ot i p'olbalob cha'añ mi' chʌcʌ q'uelob jiñi c'ajc ti ic'ajel c'ʌlʌl ti sʌc'ajel ya' ti Tabernáculo ba' mi la' tempan la' bʌ; jiñi c'ajc yom bʌ mi la' wʌc' ya'ʌch ya' ti Ch'ujul bʌ Ajñibʌl, iliyi jiñʌch mandar yom bʌ ti' tojlel israelob ti' lajm ti' lajm ti pejtelel ora.

Exodo 27:21 Iomraidhean Croise

Genesis 1:5

Dios tsi' yotsʌbe i c'aba' i sʌclel jiñʌch q'uiñil. Tsi' yotsʌbe i c'aba' i yi'ic'lel pañimil jiñʌch ac'ʌlel. Tsa' ic'a, tsa' sʌc'a. Jiñʌch jini ñaxan bʌ q'uin.

Genesis 1:8

Dios tsi' yotsʌbe i c'aba' jini tsa' bʌ i mele jiñʌch panchan. Tsa' ic'a, tsa' sʌc'a. Jiñʌch i cha'p'ejlel q'uin.

2 Cronicas 13:11

Mi' pulbeñob i majtan lac Yum ti jujump'ejl sʌc'ajel yic'ot ti jujump'ejl ic'ajel. Mi' pulob jini pom, mi' yʌc'ob waj ti ch'ujul bʌ mesa, mi' ts'ʌbob c'ajc ya' ti' yajñib ti jujump'ejl ic'ajel che' bajche' yom Dios. Joñon lojon mic chʌn jac' lojon chuqui mi' yʌl lac Yum Dios, pero jatetla tsa'ix la' cʌyʌ.

Salmos 134:1

La'la, ch'ujutesan lac Yum pejtel i winicob Mu' bʌ la' wa'tʌl ti' tojlel lac Yum che' ti ac'ʌlel.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 16:34

Aarón tsi' mele che' bajche' lac Yum tsi' yʌq'ue mandar Moisés. Tsi' yʌc'ʌ jini maná ya' ti' t'ejl jini cha'q'uejl xajlel ba' ts'ijbubil i mandar lac Yum.

Exodo 25:16

Jini T'an mu' bʌ caj cʌq'ueñet yom ma' wotsan ya' ti' mal jini Arca.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Exodo 29:28

I cha'añʌch Aarón yic'ot i yalobilob yom bʌ mi' yʌq'uentelob cha'an israelob ti pejtelel ora. Jiñʌch pulbil bʌ c majtan mu' bʌ i yʌc' jini israelob cha'an mi' yʌq'ueñoñob wocolix cʌlʌ.

Exodo 29:42

Jiñʌch pulbil bʌ c majtan mu' bʌ a wʌq'ueñon ti jujump'ejl q'uin c'ʌlʌl ti pejtelel ora. Yom ma' wʌq'ueñon ti' ti' jini Tabernáculo baqui mi lac taj lac bʌ, baqui mic pejcañet.

Exodo 29:44

Mi caj c sʌq'uesan jini Tabernáculo yic'ot jini pulʌntib, yic'ot ja'el Aarón yic'ot i yalobilob. Che' jini mi mejlel i melbeñoñob que'tel ti motomaj.

Exodo 30:21

Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob. Che' tsi' yʌlʌ lac Yum Dios.

Exodo 30:36

Yom ma' juch' ts'ita' jini pom, wen chʌmen yom, cha'an ma' wʌc' lamital ti' tojlel jini Arca am bʌ ti Tabernáculo ya' baqui mi caj c pʌsbeñet c bʌ. Pejtelel iliyi c'ax ch'ujulʌch.

Exodo 40:3

Yom ma' wʌc' jini Arca cha'an lujump'ejl mandar. Yom ma' wʌc' jini joc'ol bʌ pisil cha'an mi' mʌctan jini Arca.

Levitico 16:34

Pejtelel iliyi yom chʌn c'ajal la' cha'an ti pejtelel ora cha'an junyajl jach ti jujump'ejl jab mi' yʌpbentelob i mul israelob. Che' tsi' yʌlʌ lac Yum. Jini cha'an che'ʌch tsi' mele' Moisés che' bajche' tsi' sube lac Yum.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Levitico 23:14

Jinto mi yujtel la' wʌq'ueñon, mach yomic mi la' wis c'ux waj, mi tiq'uesʌbil bʌ trigo, mi jini c'ʌnix bʌ i wut trigo. Che'ʌch mi caj la' mel jatetla yic'ot la' walobilob ti pejtelel ora.

Levitico 23:21

Pʌyʌla tilel winicob cha'an mi' tempañob i bʌ tic tojlel come ch'ujulʌch jini q'uin. Mach yomic mi la' cha'len e'tel ti ili q'uin. Yom chʌn c'ajal la' cha'an ili q'uin ti pejtelel ora, jatetla yic'ot la' p'olbalob.

Levitico 24:3

Ya'an jini lámpara melbil bʌ ti oro ti' tojel jini tsalʌl bʌ pisil mu' bʌ i mʌctan jini C'ax Ch'ujul bʌ Ajñibʌl. An ti' wenta Aarón cha'an mi' cha' otsan aceite, cha'an mi' tsepben tac i mechajlel ti jujump'ejl sʌc'ajel. Pejtelel iliyi yom mi la' chʌn ña'tan ti pejtelel q'uin jatetla yic'ot la' p'olbal.

Levitico 24:9

Aarón yic'ot i yalobilob mi caj i c'uxob jini waj ya' ti Ch'ujul bʌ Ajñibʌl. Come jiñʌch c'ax ch'ujul bʌ c majtan yom bʌ mic chʌn aq'uentel ti pejtelel ora. Che' tsi' yʌlʌ lac Yum.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Levitico 6:15

Jini motomaj mi caj i ch'ʌm junjojp harina mu' bʌ cʌq'uentel tic majtan yic'ot aceite yic'ot pom. Che' jini la' i pulbeñon c majtan ya' ti pulʌntib. Xojocña i yujts'il mi cubin.

Levitico 7:36

Jiñʌch c mandar c'ʌlʌl che' bʌ tsac wa'chocoyob ti' ye'tel ti' tojlel Israel. Yom chʌn c'ajalob i cha'an israelob yic'ot i yalobilob ti pejtelel ora, che'en lac Yum.

Malaquias 2:7

Uts'at che' mi' wen subob i ña'tʌbal Dios jini motomajob ti' tojlel winicob x'ixicob cha'an mi' ñopob i mandar Dios. Jini motomajob subt'añobʌch cha'an i Yum Panchan yic'ot Pañimil. Uts'at che' mi' c'otelob winicob ba'an jini motomajob cha'an mi' cʌntesʌntelob.

Numeros 18:23

Pero an ti' wenta jini levíjob cha'an mi' q'uelob jini e'tel ya' ti Tabernáculo. Muq'uix i bajñel tojob i mul mi mach ts'ʌcʌlic mi' melob che' bajche' yom. Che'ʌch mi caj i melob ja'el la' walobilob ti pejtelel ora. Jini cha'an mach yomic mi' yʌq'uentelob i lum jini levíjob ti' tojlel israelob.

Numeros 18:5

Cojach jatetla motomajet bʌ la, an ti la' wenta jini e'tel ti Ch'ujul bʌ Ajñibʌl yic'ot ya' ti' t'ejl pulʌntib. Che' jini mi xuc'uletla ma'anix mi' chʌn tilel c mich'ajel ti' contra israelob.

Numeros 19:21

Jini cha'an yom mi' jajq'uel ili mandar ti pejtelel ora. Che' an majqui mi' tsijcan ti ja' yambʌ winic, wersa yom mi' wuts' i pislel ja'el. Che' an majqui mi' tʌl jini ja' mu' bʌ ti sʌq'uesaya, bibi' mi' cʌytʌl c'ʌlʌl mi' bʌjlel q'uin.

Numeros 35:29

Pejtelel ili t'an jiñʌch yom bʌ mi la' jac' yic'ot la' walobilob ti pejtelel ora ya' ba' mi la' majlel ti chumtʌl.

Numeros 8:9

Che' jini yom ma' pʌy tilel jini levíjob ba'an jini Tabernáculo ba' mi la' tempan la' bʌ quic'ot. Ya' yom ma' tempañob pejtelel israelob.

Mateo 4:16

jini winicob x'ixicob año' bʌ ti ic'ch'ipan bʌ pañimil tsi' q'ueleyob colem bʌ i sʌclel pañimil. Tsa' caji ti tilel i sʌclel pañimil ba'an jini año' bʌ ti ac'ʌlel woli bʌ i chʌmelob”, che'en.

Lucas 12:35

Yom chajpʌbiletla. Yom tsuc'bil la' lámpara.

Juan 5:35

Lajalʌch Juan bajche' jump'ejl c'ajc woli bʌ ti lejmel mu' bʌ i yʌc' i sʌclel. Poj tijicñayetla che' bʌ tsa' la' q'uele i sʌclel.

2 Corintios 4:6

Come Dios tsa' bʌ i yʌc'ʌ mandar cha'an mi' tsictiyel i sʌclel pañimil ti ic'ch'ipan bʌ tsi' yʌc'ʌ ti tsictiyel i sʌclel ti lac pusic'al cha'an mi lac ch'ʌmben isujm woli' pʌs i ñuclel Cristo.

2 Pedro 1:19

Jini cha'an ñumen xuc'ulonla cha'an ti' t'an x'alt'añob, come woli ti ts'ʌctiyel ti' tojel lac wut. Yom mi la' wen p'is ti wenta i t'an, come lajalʌch i c'ʌjñibal bajche' lámpara mu' bʌ i pʌsbeñonla i sʌclel ti ac'ʌlel jinto mi' sʌc'an pañimil, jinto mi' tsictiyel Cristo che' bajche' Ñoj Ec' ti la' pusic'al.

Apocalipsis 2:1

Ts'ijbuben jun xcʌntaya i cha'an jini xñopt'añob mu' bʌ i tempañob i bʌ ya' ti Efeso: “Jini chucul bʌ i cha'an wucp'ejl ec' ti ñoj bʌ i c'ʌb, jini mu' bʌ i cha'len xʌmbal ti' yojlil jini wucts'ijt lámpara melbil bʌ ti oro, jiñʌch mu' bʌ i yʌl ili t'an:

1 Samuel 3:3

che' maxto yajpemic i lámpara Dios, ya' ñolol ja'el jini ch'iton Samuel ti' Templo lac Yum.

1 Samuel 30:25

Lajal mi caj i yʌq'uentelob ti pejtelelob, che'en David. Jini cha'an jiñʌch ley ti' tojlel israelob c'ʌlʌl ti ili ora.