Exodo 27:2 - Chol: I T’an Dios

² Yom mi la' melben i xulup ti' chʌmp'ejlel i xujc jini pulʌntib. Laj tep'bil yom ti bronce. Wen tsuyul yom ya' ti xujc tac.

Chol de Tumbalá Bible

² Yom mi la' melben i xulup ti' chʌmp'ejlel i xujc jini pulʌntib. Laj tep'bil yom ti bronce. Wen tsuyul yom ya' ti xujc tac.

Jiñi Tsiji' bʌ Wen T'añ cha'añ Estudio

² Mi caj la' melben i xulub ti' chʌmp'ejlel i xujc jiñi pulʌntib yic'ot mi caj la' tep' ti bronce yic'ot tsuyul yom ya' ti' xujc tac.

Exodo 27:2 Iomraidhean Croise

1 Reyob 1:50

Adonías tsi' wen bʌc'ña Salomón. Tsa' majli ti puts'el ti Tabernáculo cha'an mi' chucben i xulub jini pulʌntib.

1 Reyob 2:28

Che' bʌ tsi' yubi Joab bajche' tsa' ujti Abiatar, tsa' majli ti puts'el ya' ti mal Tabernáculo, come tsi' xʌ' tsajca Adonías anquese ma'anic tsi' tsajca Absalón. Tsi' chucbe i xulub jini pulʌntib.

1 Reyob 8:64

Ti jini jach bʌ q'uin jini rey tsi' yʌq'ue lac Yum jini patio am bʌ ti' tojel i yotot lac Yum cha'an ya' mi' pulbentel i majtan, come ch'o'ch'oc jax jini pulʌntib melbil bʌ ti bronce am bʌ ti' tojel lac Yum. Mach ochic ti pejtelel. Tsi' yʌq'ue lac Yum ja'el jini majtañʌl melbil bʌ ti trigo, yic'ot cha'an i ñʌch'tilel i pusic'al. Wen on jini majtañʌl.

2 Reyob 16:14

Tsi' loc'sa jini pulo' majtañʌl melbil bʌ ti bronce am bʌ ti' tojel Templo. Tsi' yʌc'ʌ ti' t'ejl jini tsiji' bʌ pulʌntib ya' ti norte.

2 Cronicas 4:1

Tsi' mele ja'el jump'ejl pulʌntib ti bronce am bʌ i ñajtlel lujump'ejl metro, yic'ot lujump'ejl metro i xujc. I chanlel jiñʌch jo'p'ejl metro.

Salmos 118:27

Jiñʌch Dios lac Yum. Tsi' yʌc'ʌ i sʌclel pañimil ti lac pusic'al. Cʌchʌla jini tsʌnsʌbil bʌ i majtan ti ch'ajan wʌ' ti' xulub pulʌntib.

Exodo 27:3

Yom mi la' mel ja'el poc' tac, yic'ot pala tac, yic'ot wechel tac bʌ e'tijibʌl cha'an mi la' c'ʌn la' jop loq'uel jini tan. Yom taza tac ja'el yic'ot pejtelel yan tac bʌ mu' bʌ i c'ʌjñel. Laj melbil yom ti bronce.

Exodo 29:12

Yom ma' ts'aj i yal a c'ʌb ya' ti' ch'i'ch'el jini wacax cha'an ma' bomben i xulub tac jini pulʌntib. I colojbal jini ch'i'ch' yom ma' bec' ya' ti yebal jini pulʌntib.

Exodo 38:30

Tsa' c'ʌjni bronce ti' melol i c'ʌclib tac i te'el i puertajlel Tabernáculo, yic'ot jini pulʌntib, yic'ot jini chim, yic'ot pejtelel chuqui tac yom c'ʌñol ya' ti pulʌntib.

Ezequiel 43:15

Ya' ti chan mi' cha' letsel yic'ot yambʌ cha'p'ejl metro melbil bʌ ya' ti' pam. Ya' ti' pam jini pulʌntib an chʌmp'ejl i xulub.

Levitico 16:18

yom mi' loq'uel majlel ya' ba'an jini pulʌntib tic tojel, cha'an mi' pulbeñon c majtan cha'an sʌc mij q'uel jini pulʌntib. Yom mi' ch'ʌm tilel i ch'ich'el jini alʌ tat wacax yic'ot i ch'ich'el jini chivo. Yom mi' bomben i xulub tac jini pulʌntib.

Levitico 4:18

Yom ja'el mi' ch'ʌm jini ch'ich' cha'an mi' bombembeñon i xulub jini pulʌntib am bʌ tic tojlel ti Tabernáculo. Jini i colobal jini ch'ich' la' i bec' ya' ti' yebal jini pulʌntib ya' ti' ti' jini Tabernáculo.

Levitico 4:25

Jini motomaj mi caj i ts'aj i c'ʌb ya' ti' ch'ich'el chivo. Mi caj i bomben i xulub jini pulʌntib ba' mi' pulel jini majtañʌl. La' i bec' i colobal i ch'ich'el ya' ti' yebal jini pulʌntib.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Levitico 8:15

Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Zacarias 9:15

I Yum Panchan yic'ot Pañimil mi caj i cʌntan i tejclumob. Jini israelob mi caj i mʌjlel i cha'añob. Mi' cajelob ti oñel che' bajche' xyʌc'ajelob. Cabʌl mi caj i bejq'uel i ch'ich'el i contrajob.

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.