Exodo 26:1 - Chol: I T’an Dios

^1-2 Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Chol de Tumbalá Bible

^1-2 Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Jiñi Tsiji' bʌ Wen T'añ cha'añ Estudio

¹ Che' mi la' mel jiñi Tabernáculo, yom mi la' c'ʌn lujumpajc lino bʌ pisil wen uts'at bʌ, yʌjyʌx bʌ lino yic'ot chʌccojan bʌ yic'ot chʌchʌc bʌ; yom mi la' wen mel yic'ot i yejtal ángelob.

Exodo 26:1 Iomraidhean Croise

2 Samuel 7:2

Jini rey tsi' sube jini x'alt'an Natán: Q'uele bajche' añon wʌle come wʌ' chumulon ti colem otot melbil bʌ ti ch'ujte', pero jini Arca i cha'an lac Yum an jach ti juntsajl melbil bʌ ti pisil, che'en.

1 Reyob 6:29

T'obil tac i bojte'lel Templo ti cha'tsajlel i mal. Tsi' meleyob i yejtal tac ángelob yic'ot bonxan, yic'ot i nich pimel.

1 Cronicas 17:1

Che' ya'ix chumul David ti' yotot, tsa' caji i suben jini x'alt'an Natán: Joñon chumulon ti otot melbil bʌ ti ch'ujte', pero jini Arca i yejtal bʌ i trato lac Yum an jach ti pisil bʌ otot, che'en.

1 Cronicas 21:29

Ya' an ti bujtʌl i c'aba' Gabaón jini pisil bʌ i yotot lac Yum yic'ot jini pulʌntib tsa' bʌ i mele Moisés ya' ti tiquiñal pañimil.

Exodo 25:18

Yom mi la' mel cha'tiquil i yejtal ángelob ti puro oro, melbil yom ti martillo.

Exodo 25:8

Com mi' mel israelob jump'ejl Tabernáculo, jiñʌch ch'ujul bʌ otot cha'an mi cajñel yic'otob.

Exodo 26:31

Yom mi la' mel colem pisil cha'an mi' joc'tʌl ti mal, yom yʌjyʌx bʌ yic'ot chʌccojan bʌ yic'ot chʌchʌc bʌ, wen jalbil bʌ ti lino, yic'ot i yejtal tac ángelob.

Exodo 26:36

Yom mi la' mel jump'ejl cortina cha'an i majc i ti' Tabernáculo. Yom wen jalbil bʌ lino. Yom wen joch'bil ti yʌjyʌx bʌ ti chʌccojan bʌ yic'ot ti chʌchʌc bʌ.

Exodo 31:7

Jini yom bʌ melol jiñʌch Tabernáculo, yic'ot jini Arca yic'ot i majc jini Arca ba' mi' ñusʌntel mulil, yic'ot pejtelel chuqui mi' c'ʌjñel ya' ti Tabernáculo,

Exodo 35:35

Dios tsi' yʌq'ueyob i p'ip'lel i pusic'al cha'an mi' melob i ye'tel ti tsucu taq'uin ti' chajp ti' chajp, cha'an mi' cha'leñob ts'ijb ti xajlel tac, cha'an mi' cha'leñob joch' ti yʌjyʌx puy, yic'ot chʌccojan bʌ, yic'ot chʌchʌc bʌ, yic'ot fino bʌ lino, cha'an mi' cha'leñob jalbal, yic'ot pejtelel uts'at bʌ e'tel.

Exodo 36:35

Tsi' meleyob colem bʌ joc'ol bʌ pisil, yʌjyʌx bʌ, yic'ot chʌccojan bʌ, chʌchʌc bʌ, wen jalbil bʌ lino yic'ot i yejtal ángelob.

Exodo 39:3

Tsi' cujuyob jini oro cha'an mi' pech i bʌ. Che' pechelix tsi' bic'ti tsiliyob cha'an i wentajlel puy, cha'an mi' jalob jini yʌjyʌx bʌ pisil, yic'ot chʌccojan bʌ, yic'ot chʌchʌc bʌ yic'ot wen jalbil bʌ lino. Che'i tsi' laj ts'isbeyob ochel i sajl oro cha'an wen uts'atax mi' cʌytʌl.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

Juan 2:21

Jesús tsi' laji i bʌc'tal che' bajche' Templo.

Hebreos 8:2

Woli' mel i ye'tel motomaj ya' ti jini C'ax Ch'ujul bʌ Ajñibʌl, jini mero isujm bʌ otot tsa' bʌ i wa'choco lac Yum. Mach jinic pisil bʌ otot tsa' bʌ i wa'chocoyob winicob.

Hebreos 9:2

Tsa' mejli pisil bʌ otot. Ya' ti ñaxan bʌ i mal i c'aba' Ch'ujul bʌ Ajñibʌl an lámpara yic'ot mesa, yic'ot waj tsa' bʌ ajq'ui ti mesa.

Hebreos 9:9

Jini pisil bʌ otot, jiñʌch i yejtal jini isujm bʌ otot mu' bʌ i yʌq'ueñonla Cristo wʌle. Ti jini pisil bʌ otot tsa' aq'uenti Dios ofrenda tac yic'ot tsʌnsʌbil bʌ i majtan mach bʌ mejlic i junyajlel ñʌch'chocobeñob i pusic'al jini mu' bʌ i cha'leñob ch'ujutesaya.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino. Sʌsʌc jax, come jini wen uts'at bʌ pisil jiñʌch i yejtal toj bʌ i melbal i cha'año' bʌ Dios, che'en.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.