Exodo 25:8 - Chol: I T’an Dios

⁸ Com mi' mel israelob jump'ejl Tabernáculo, jiñʌch ch'ujul bʌ otot cha'an mi cajñel yic'otob.

Chol de Tumbalá Bible

⁸ Com mi' mel israelob jump'ejl Tabernáculo, jiñʌch ch'ujul bʌ otot cha'an mi cajñel yic'otob.

Jiñi Tsiji' bʌ Wen T'añ cha'añ Estudio

⁸ Com mi' mel israelob jump'ejl ch'ujul bʌ ajñibʌl cha'añ mic chumtʌl yic'otob.

Exodo 25:8 Iomraidhean Croise

1 Reyob 6:13

Mi caj c chʌn ajñel ti' tojlel pejtelel israelob. Ma'anic mi caj j cʌyob, che'en.

1 Cronicas 22:19

Jini cha'an wʌle ti jump'ejl jach la' pusic'al yom mi la' sʌclan lac Yum Dios. Ch'ojyenla cha'an mi la' wa'chocoben jini ch'ujul bʌ i yotot lac Yum Dios, cha'an ya'i mi la' ch'ʌmben majlel jini Arca ba' lotol i trato lac Yum, yic'ot pejtelel jini ch'ujul bʌ uch'ibʌl tac i cha'an bʌ Dios. Ti pejtelel mi caj i ch'ʌjmel ochel ti' Templo lac Yum Dios, che'en David.

Exodo 15:17

Mi caj a pʌyob ochel ti' lumal. Mi caj a wʌc'ob ti chumtʌl ya' ti wits yajcʌbil bʌ a cha'an ya' ba'an a chumlib chajpʌbil bʌ a cha'an, Jini ch'ujul bʌ a wajñib wa'chocobil bʌ a cha'an.

Exodo 15:2

Lac Yum c p'ʌtʌlelʌch, jiñʌch mu' bʌ j c'ʌyin. Jiñʌch xcoltaya c cha'an. Jiñʌch c Dios, mi caj j c'ʌyiben i ñuclel. Jiñʌch i Dios c tat. Mi caj c sub i ñuclel.

Exodo 29:45

Joñon mi caj c chumtʌl ti' tojlel jini israelob. Mi caj cochel ti' Dios.

Exodo 29:46

Che' jini mi caj i ña'tañob cha'an joñoñʌch i Yumoñob i Diosoñob tsa' bʌ c loc'sayob ti' lumal Egipto cha'an mi cajñel quic'otob. Joñon i Yumoñob yic'ot i Diosoñob, che'en lac Yum.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Ezequiel 37:26

Mi caj c cha'len trato yic'otob cha'an ñʌch'ʌl mi' yajñelob. Ma'anic i yujtibal ili trato. Mi caj j coltañob, mi caj c p'ojlesañob. Mi caj c wa'chocon c Templo ti' tojlelob ba' mi caj cajñel ti pejtelel ora.

Ezequiel 37:28

Ti pejtelel pañimil che' mi' q'uelob ya'an c Templo, mi caj i ña'tañob joñon wolij cʌntan jini israelob come tsac yajcayob”. Che' tsi' yʌlʌ lac Yum.

Ezequiel 43:7

Lac Yum tsi' subeyon: Jatet i yalobilet bʌ winic, ili woli bʌ a q'uel jiñʌch ba'an c buchlib, ya' baqui mi cʌc' jini coc, yic'ot ya' baqui mic cha'len chumtʌl quic'ot israelob c'ʌlʌl ti pejtelel ora. Ma'anix baqui ora mi caj i chʌn bib'esañob jini ch'ujul bʌ j C'aba' jini israelob yic'ot yumʌlob. Ma'anix mi caj i chʌn ch'ujutesañob dios tac yic'ot i yejtal tac i reyob.

Levitico 10:4

Moisés tsi' pʌyʌ tilel Misael yic'ot Elzafán (i yalobilob Uziel jini i yichan Aarón). Tsi' subeyob: Yom mi la' majlel la' loc'san jini ch'ujlelʌl am bʌ ti' tojel Tabernáculo. Ch'ʌmʌla majlel ya' ti' junwejlel jini tejclum, che'en.

Levitico 21:12

Mach ma' loq'uel ti Ch'ujul bʌ Ajñibʌl che' an a we'tel. Mach ma' lon q'uel jini Ch'ujul bʌ Ajñibʌl che' bajche' ba' jach bʌ otot, come joñon tsac wa'chocoyetla. Joñoñʌch la' Yumon.

Levitico 26:11

Mi caj c chumtʌl ti' la' tojlel. Ma'anic mi caj c ts'a'leñetla.

Zacarias 2:10

C'ʌyinla lac Yum añet bʌ la ti Sion, come tilemon cha'an mi cajñel ti la' tojlel, che'en lac Yum.

Zacarias 8:3

Mi caj c cha' sujtel ti Jerusalén cha'an mic chumtʌl ya'i. Che' jini mi caj i pejcʌntel Jerusalén ti xuc'ul bʌ Tejclum, Ch'ujul bʌ Wits, jini Wits i cha'an i Yum Panchan yic'ot Pañimil, che'en.

Numeros 5:3

Che'ʌch yom mi la' melob, mi winic mi x'ixic, cha'an ma' chocob loq'uel ya' baqui jijlemetla, cha'an ma'anic mi la' bib'esan jini ajñibʌl baqui mi cajñel quic'otetla.

Hechos 7:44

An i cha'an lac ñojte'elob jini pisil bʌ otot ti jochol bʌ lum ba' tsa' pʌsle i sujmlel Dios. Come che' bʌ tsi' yʌc'ʌ mandar Dios, tsi' sube Moisés cha'an mi' mel otot che' bajche' tsa' pʌsbenti.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Deuteronomio 12:11

Yom ts'ʌcʌl mi la' ch'ʌm majlel chuqui mic subeñetla ya' ti' yajñib lac Yum Dios yajcʌbil bʌ i cha'an. Ya' yom mi la' ch'ujutesan. Ya' yom mi la' wʌq'uen jini pulbil tac bʌ majtañʌl, yic'ot tsʌnsʌbil bʌ majtañʌl, yic'ot la' diezmo, yic'ot la' wofrenda tac, yic'ot ja'el pejtel mu' bʌ la' wʌq'uen lac Yum.

Hebreos 3:6

Pero Cristo i Yalobilʌch Dios. Mi' cʌntan ti xuc'ul i cha'año' bʌ Dios. Tsiquil che' jini, i cha'añonla Dios mi c'ʌlʌl ti' jilibal chʌn lotol ti lac pusic'al chuqui tsa' lac ñopo, mi xuc'ul mi lac pijtan ti' tijicñʌyel lac pusic'al.

Josue 22:31

Finees tsi' yʌlʌ: Wʌle cujil lojon wʌ'ʌch an lac Yum la quic'ot. Ma'anic chuqui jontol tsa' la' mele ti' tojlel lac Yum. Ma'anic tsa' la' xic'beyob israelob ti mulil cha'an mi' yʌq'uentelob wocol ti' tojlel lac Yum, che'en.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.