Exodo 24:8 - Chol: I T’an Dios

⁸ Moisés tsi' ch'ʌmʌ jini ch'ich' cha'an mi' mul winicob x'ixicob. Tsi' yʌlʌ: Jini ch'ich' i wentajʌch i sellojlel jini xuc'ul bʌ t'an, come lac Yum tsi' yʌq'ueyetla pejtel ili mandar mu' bʌ caj la' jac'.

Chol de Tumbalá Bible

⁸ Moisés tsi' ch'ʌmʌ jini ch'ich' cha'an mi' mul winicob x'ixicob. Tsi' yʌlʌ: Jini ch'ich' i wentajʌch i sellojlel jini xuc'ul bʌ t'an, come lac Yum tsi' yʌq'ueyetla pejtel ili mandar mu' bʌ caj la' jac'.

Jiñi Tsiji' bʌ Wen T'añ cha'añ Estudio

⁸ Jiñi cha'añ Moisés tsi' ch'ʌmʌ jiñi ch'ich', tsi' tsijca ti' tojlel wiñicob x'ixicob, tsi' yʌlʌ: —Ili ch'ich' jiñʌch i sellojlel jiñi xuc'ul bʌ t'añ tsa' bʌ i mele lac Yum ti la' tojlel ti' pejtelel.

Exodo 24:8 Iomraidhean Croise

1 Reyob 8:21

Tsa'ix c mele ja'el i yajñib Arca ba' lotol jini xuc'ul bʌ i t'an lac Yum tsa' bʌ i yʌq'ue lac ñojte'elob che' bʌ tsi' loc'sayob ya' ti Egipto. Che' tsi' yʌlʌ Salomón.

1 Reyob 8:9

Ma'anic yambʌ i bʌl jini Arca. Cojach an jini cha'q'uel xajlel tsa' bʌ i yotsa Moisés che' bʌ tsi' yʌc'ʌ xuc'ul bʌ i t'an lac Yum ti Horeb ti' tojlel jini israelob che' loq'uemobix ti' lumal Egipto.

Salmos 78:36

Uts'atax tsi' pejcayob Dios, jini lac tatob, Pero lotiya jach.

Exodo 24:6

Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Isaias 52:15

Che' jini mi caj i mulbeñob ti' ch'ich'el cabʌl winicob x'ixicob ti yan tac bʌ lum. Jini yumʌlob ñʌch'ʌlix mi caj i cʌytʌlob ti' tojlel jini winic. Come ma'anic tsa' subentiyob chucoch tsa' tic'lʌnti, pero che' mi' q'uelob mi caj i ch'ʌmbeñob isujm jini mach bʌ anic tsi' yubiyob.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Levitico 8:30

Tsi' ch'ʌmʌ ja'el jini aceite yic'ot jini ch'ich' am bʌ ti pulʌntib. Tsa' caji i tsijcan Aarón yic'ot i yalobilob yic'ot i pislelob. Che' jini Moisés tsi' yʌc'ʌ ti' c'ʌb Dios jini motomaj Aarón yic'ot i yalobilob yic'ot pejtel i pislelob.

Hageo 2:5

che' bajche' tsa' cʌq'ueyetla c t'an che' bʌ tsac pʌyʌyetla loq'uel ti Egipto, che'en i Yum Panchan yic'ot Pañimil. Jini quEspíritu mi' yajñel ti la' tojlel. Mach la' cha'len bʌq'uen.

Zacarias 9:11

Tsac tajayetla ba' cʌchʌletla ba' woliyetla ti chʌmel cha'an tiquin ti'. Tsaj coltayetla loq'uel cha'an ti' caj jini trato bʌ c t'an am bʌ i sellojlel ti ch'ich'.

Mateo 26:28

Jiñʌch c ch'ich'el cha'an jini xuc'ul bʌ t'an mu' bʌ i bejq'uel cha'an cabʌlob cha'an i ñusʌntel mulil.

Marcos 14:24

Jesús tsi' subeyob: Jiñʌch c ch'ich'el cha'an jini trato bʌ t'an mu' bʌ i bejq'uel cha'an cabʌlob.

Lucas 22:20

Che' ja'el tsi' ch'ʌmʌ jini vaso che' bʌ tsa' ujtiyob ti we'el. Tsi' yʌlʌ: Jini vaso jiñʌch tsiji' bʌ trato cha'an c ch'ich'el mu' bʌ i bejq'uel cha'añetla.

1 Corintios 11:25

Che' ja'el, tsi' ch'ʌmʌ vaso che' bʌ tsa' ujti ti we'el. Tsi' yʌlʌ: “Jini vaso jiñʌch i yejtal jini tsijib xuc'ul bʌ t'an wa'chocobil bʌ tic ch'ich'el. Che'ʌch yom mi la' cha'len ti jujunyajl che' mi la' jap cha'an mi la' ña'tañon”, che'en.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Deuteronomio 5:2

Come lac Yum Dios tsi' pejcayonla ti Horeb. Tsi' subeyonla chuqui mi caj i cha'len ti lac tojlel. Mach ti' tojlelobic lac ñojte'elob tsi' subu jini t'an, pero ti lac tojlel. Tsa' la cubibe i t'an joñonla cuxulonto bʌ la.

Hebreos 10:29

¿Mach ba ñumeniquix mi caj i toj i mul jini mu' bʌ i ts'a'len i Yalobil Dios? Che' mi' ñusan jini xuc'ul bʌ t'an yic'ot i ch'ich'el mu' bʌ i sʌq'uesañonla woli' ts'a'len jini Espíritu woli bʌ i pʌyonla ti' yutslel i pusic'al. Ña'tanla cabʌlix i mul jini winic. Cabʌl mi caj i taj wocol che' mi' toj i mul.

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.

Josue 24:25

Jini cha'an Josué tsi' mele trato yic'otob ti jini jach bʌ q'uin. Ya' ti Siquem tsi' yʌq'ueyob i t'an.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.