Exodo 24:6 - Chol: I T’an Dios

⁶ Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Chol de Tumbalá Bible

⁶ Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Jiñi Tsiji' bʌ Wen T'añ cha'añ Estudio

⁶ Moisés tsi' ch'ʌmʌ ojlil i ch'ich'el wacax tsi' yotsa ti poc' tac, jiñi yam bʌ ojlil tsi' c'ʌñʌ i tsijcʌben i pulʌntib.

Exodo 24:6 Iomraidhean Croise

2 Reyob 17:15

Tsi' ñusʌbeyob i mandar lac Yum yic'ot jini xuc'ul bʌ t'an tsa' bʌ i mele yic'ot i ñojte'elob. Ma'anic tsi' jac'beyob i t'an. Tsa' jach i bajñel sajcayob jini lolom tac bʌ am bʌ ti pañimil. Tsa' sojquiyob. Lajal tsi' meleyob che' bajche' i tilel mi' melob jini mach bʌ i cʌñʌyobic Dios, anquese tic'bilob ti Dios.

Salmos 99:6

Lac Yum tsi' pejca Moisés yic'ot Aarón, cha'tiquil i motomajob, Yic'ot Samuel ja'el. Tsi' laj pejcayob lac Yum ti' c'aba'. Che' an chuqui tsi' c'ajtibeyob lac Yum tsi' jac'beyob.

Exodo 12:22

Ch'ʌmʌla junbujts hisopo. Ts'ajala ti ch'ich' am bʌ ti latu. Boñola ts'omte' yic'ot cha'tejc chumte' ti ch'ich' am bʌ ti latu. Mach yomic mi la' loq'uel ti la' wotot c'ʌlʌl mi' sʌc'an mi juntiquileticla.

Exodo 12:7

Mi caj i ch'ʌmob lamital jini ch'ich'. Mi caj i boñob cha'tejc jini chumte' ti' ti' otot yic'ot i ts'omte'lel i ti' otot tac ya' ba' mi caj i c'uxob.

Exodo 24:8

Moisés tsi' ch'ʌmʌ jini ch'ich' cha'an mi' mul winicob x'ixicob. Tsi' yʌlʌ: Jini ch'ich' i wentajʌch i sellojlel jini xuc'ul bʌ t'an, come lac Yum tsi' yʌq'ueyetla pejtel ili mandar mu' bʌ caj la' jac'.

Exodo 29:16

Tsʌnsan jini tat tiñʌme'. Tsijcan i joytʌlel jini pulʌntib ti' ch'ich'el.

Exodo 29:20

Tsʌnsan ja'el. Yom ma' ch'ʌmben i ch'i'ch'el ti a c'ʌb cha'an ma' bomben ti' ñoj bʌ i c'unlel i chiquin Aarón. Che' ja'el i yalobilob yom ma' bombeñob ja'el. Yom ma' bombeñob ja'el ñoj bʌ i ña'al i c'ʌb yic'ot ñoj bʌ i ña'al i yoc. Tsijcan i colojbal jini ch'ich' ti' joytʌlel jini pulʌntib.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Levitico 1:11

Jini mu' bʌ i pʌy tilel mi caj i tsʌnsan tic tojlel ya' ti' t'ejl i pulʌntib ti' tojel norte. Jini motomajob i yalobilob Aarón mi caj i ch'ʌmbeñob i ch'ich'el cha'an mi' tsijcañob i joytʌlel jini pulʌntib.

Levitico 1:5

Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

1 Corintios 11:25

Che' ja'el, tsi' ch'ʌmʌ vaso che' bʌ tsa' ujti ti we'el. Tsi' yʌlʌ: “Jini vaso jiñʌch i yejtal jini tsijib xuc'ul bʌ t'an wa'chocobil bʌ tic ch'ich'el. Che'ʌch yom mi la' cha'len ti jujunyajl che' mi la' jap cha'an mi la' ña'tañon”, che'en.

Colosenses 1:20

Cha'an ti' caj i ye'tel Cristo, Dios tsi' yuts'esa pejtelel chuqui an ti pañimil yic'ot panchan. Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ti cruz.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

Hebreos 8:9

Mach lajalic bajche' jini xuc'ul bʌ t'an tsa' bʌ c mele yic'ot i ñojte'elob, che' bʌ tsac chucbeyob i c'ʌb cha'an mic pʌyob loq'uel ti' lumal Egipto. Ma'anic tsi' wen jac'ʌyob. Jini cha'an tsac tʌts'ʌ c bʌ.

Hebreos 9:18

Jini ñaxan bʌ trato ja'el ma'anic i p'ʌtʌlel jinto tsa' bejq'ui ch'ich'.

Hebreos 9:19

Moisés che' bʌ tsa' ujti i subeñob pejtelel winicob pejtelel i mandar Dios tsi' ch'ʌmʌ i ch'ich'el alʌ wacax yic'ot i ch'ich'el chivo yic'ot ja', yic'ot chʌchʌc bʌ i tsutsel tiñʌme', yic'ot pimel cha'an mi' tsijcan i juñilel mandar yic'ot pejtelel winicob x'ixicob.

Hebreos 9:21

Che' ja'el tsi' tsijca ti ch'ich' jini pisil bʌ otot yic'ot pejtelel i bʌl mu' bʌ i c'ʌjñel ti' ye'tel Dios.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.