Exodo 24:4 - Chol: I T’an Dios

⁴ Moisés tsi' ts'ijbu pejtelel i t'an lac Yum. Tsa' ch'ojyi ti wen sʌc'an. Tsi' melbe i pulʌntib i majtan Dios ya' ti' yebal wits. Tsi' mele lajchʌntejc wa'al bʌ xajlel cha'an jini lajchʌnmojt israelob.

Chol de Tumbalá Bible

⁴ Moisés tsi' ts'ijbu pejtelel i t'an lac Yum. Tsa' ch'ojyi ti wen sʌc'an. Tsi' melbe i pulʌntib i majtan Dios ya' ti' yebal wits. Tsi' mele lajchʌntejc wa'al bʌ xajlel cha'an jini lajchʌnmojt israelob.

Jiñi Tsiji' bʌ Wen T'añ cha'añ Estudio

⁴ Che' jiñi Moisés tsi' ts'ijbu pejtelel i t'añ lac Yum, tsa' ch'ojyi ti wen sʌc'an, tsi' melbe i pulʌntib i majtañ Dios yic'ot tsi' mele lajchʌntejc wa'al bʌ xajlel ya' ti ye'bal wits, jujuntejc cha'añ jujunmojt i p'olbal Israel.

Exodo 24:4 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 28:18

Seb to tsa' ch'ojyi Jacob. Tsi' chʌmʌ jini xajlel tsa' bʌ i c'ʌnjola. Ts'ejel tsi' yʌc'ʌ. Tsi' mulu aceite ti' pam cha'an i ña'tʌntel i yutslel i pusic'al Dios tsa' bʌ pʌsbenti.

Genesis 28:22

Ili xajlel tsa' bʌ c ts'ʌpʌ i wentajʌch a wotot. Ti pejtelel chuqui ma' wʌq'ueñon isujm mi caj cʌq'ueñet i diezmojlel. Che' tsi' yʌc'ʌ i t'an Jacob.

Genesis 31:45

Jacob tsi' ch'ʌmʌ xajlel. Tsi' wa'choco cha'an mi' yʌc' ti ña'tʌntel chuqui tsa' ujti ti' tojlelob.

1 Reyob 11:30

Ahías tsi' wʌc' tsili i bujc lʌpbil bʌ i cha'an, lajchʌntsijl i bujc.

1 Reyob 18:31

Tsi' ch'ʌmʌ lajchʌmp'ejl xajlel jujump'ejl i wentajlel jujunmojt i p'olbal Jacob, jini Jacob tsa' bʌ cha' otsʌbenti i c'aba' Israel che' bajche' tsi' yʌlʌ Dios.

Esdras 6:17

Che' bʌ tsi' melbeyob i q'uiñilel Templo cha'an mi' yʌc'ob ti' wenta Dios, tsi' pulbeyob i majtan Dios, joc'al alʌ tat wacax yic'ot lujunc'al i tat tiñʌme', yic'ot jumbajc' alʌ tiñʌme'. Tsi' yʌc'ʌyob lajchʌncojt tat chivo cha'an mi' ñusʌbentelob i mul jini lajchʌnmojt israelob.

Nehemias 10:1

Nehemías jini gobernador tsi' yʌc'ʌ i firma. Jini yaño' bʌ tsa' bʌ i yʌc'ʌyob i firma jiñobʌch: Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai, Semaías. Jiñobʌch motomajob.

Exodo 17:14

Lac Yum tsi' sube Moisés: Ts'ijban ti jun chuqui tsa' ujti cha'an mi' chʌn ñatʌntel. Suben Josué cha'an mi caj c lu' jisan amalecob ti pañimil cha'an ma'anic mi' chʌn ña'tʌntelob, che'en.

Exodo 17:15

Moisés tsi' mele pulʌntib. Tsi' yotsʌbe i c'aba': Lac Yum jiñʌch lac bandera. Anʌch i sujmlel come mi' coltañonla lac Yum cha'an mi' mʌjlel lac cha'an.

Exodo 21:1

Jiñʌch mandar tac yom bʌ ma' sub: “Che' ma' mʌn winic cha'an mi' cha'len to'ol e'tel, mi hebreo, wʌcp'ejl jab mi caj i cha'len e'tel. Ti' wucp'ejlel jab mi caj i loq'uel ti libre.

Exodo 24:7

Tsi' ch'ʌmʌ jini jun cha'an xuc'ul bʌ t'an. C'am tsi' pejca ti' tojlel winicob x'ixicob. Tsi' jac'ʌyob: Mi caj c mel lojon ti pejtelel che' bajche' tsi' yʌlʌ lac Yum, che'ob.

Exodo 28:21

Jini xajlel tac jiñʌch i wentajlel jini lajchʌntiquil i yalobilob Israel. Yom ts'ijbubil i c'aba'ob mi' cʌytʌl ya' ti xajlel tac che' lajal bajche' sello tac.

Exodo 34:27

Lac Yum tsi' sube Moisés: Ts'ijban jatet ili t'an, come jiñʌch xuc'ul bʌ c t'an mu' bʌ cʌq'ueñet yic'ot israelob.

Isaias 19:19

Ti jim bʌ ora mi caj i wa'chocontel jump'ejl pulʌntib i cha'an lac Yum ya' ti' yojlil Egipto, yic'ot jump'ejl oy i cha'an lac Yum ya' ba' jaxʌl i lumal

Levitico 24:5

Yom ma' chajpan jini harina, cha'an ma' pʌs jini lajchʌnq'uejl waj, jujunq'uejl jini waj yom ojlil latu jini harina. Yom cha'tsolom mi la' wʌc' jini waj tic tojlel ya' ti mesa melbil bʌ ti oro yic'ot jini pom ya' ti' pam. Che' jini wen xojocña mi' tsictiyel i yujts'il jini pom che' mi la' pulbeñon. Ti jajayajl che' ti' q'uiñilel c'aj o yom ma' tsole' tic tojlel jini c majtan mu' bʌ i yʌq'ueñoñob israelob. Che'ʌch yom mi la' mel c'ʌlʌl ti pejtelel ora.

Lucas 22:30

Che' jini mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'an mi la' mel jini lajchʌnmojt i p'olbal Israel. Che' tsi' yʌlʌ Jesús.

Gálatas 2:9

Jacobo yic'ot Pedro yic'ot Juan, mu' bʌ i q'uejlelob che' bajche' oy cha'an ñuc i ye'tel, tsi' ña'tayob aq'uebilon i yutslel i pusic'al Dios. Che' jini tsi' yʌq'ueyoñob cortesía quic'ot Bernabé ti ñoj bʌ i c'ʌb cha'an mic majlel lojon ba'an gentilob. Jini uxtiquil tsa' majliyob ba'an israelob.

Deuteronomio 31:9

Che' jini Moisés tsi' ts'ijba ili mandar che' bʌ tsa'ix i subeyob jini winicob. Tsi' yʌq'ueyob jini motomajob i p'olbalob Leví tsa' bʌ i q'uecheyob jini Arca ba' lotol jini xuc'ul bʌ i t'an lac Yum. Tsi' yʌq'ueyob ja'el jini xñoxob i cha'año' bʌ Israel.

Josue 4:20

Ya' ti Gilgal Josué tsi' lʌtsʌ cʌytʌl jini lajchʌmp'ejl xajlel tsa' bʌ i ch'ʌmʌ loq'uel ti Jordán ja'.

Josue 4:5

Tsi' subeyob: Cucula ti ojlil Jordán ba'an jini Arca i cha'an lac Yum Dios. Q'uechela tilel jump'ejl xajlel ti jujuntiquiletla. Yom jump'ejl xajlel cha'an jujunmojt israelob.

Apocalipsis 21:14

An lajchʌmp'ejl i c'ʌclib jini ts'ajc ya' ti' joytilel tejclum. Ya' ts'ijbubil i c'aba'ob jini lajchʌntiquil apóstolob i cha'an jini Tiñʌme'.