Exodo 24:2 - Chol: I T’an Dios

² Cojach Moisés mi caj i ñochtañon. Jini israelob ma'anic mi caj i letselob ti wits. Che' tsi' yʌlʌ lac Yum Dios.

Chol de Tumbalá Bible

² Cojach Moisés mi caj i ñochtañon. Jini israelob ma'anic mi caj i letselob ti wits. Che' tsi' yʌlʌ lac Yum Dios.

Jiñi Tsiji' bʌ Wen T'añ cha'añ Estudio

² Cojach Moisés mi caj i lʌc'tesan i bʌ ba'añon; ixcu jiñi yaño' bʌ ma'añic mi caj i lʌc'tesañob i bʌ mi jiñic israelob mi' mejlelob ti letsel ti wits.

Exodo 24:2 Iomraidhean Croise

Exodo 19:12

Mi caj a mel mojon tac ya' ti' joytilel jini wits cha'an mach mi' ñumelob. Subeñob: “Chʌcʌ q'uele la' bʌ cha'an ma'anic mi la' letsel ti wits. Mach yomic ja'el mi la' tʌl jini wits. Majqui jach mi' tʌl jini wits wersa mi caj i chʌmel.

Exodo 20:21

Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Exodo 24:1

Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Exodo 24:13

Tsa' majli Moisés yic'ot Josué i winic. Moisés tsa' letsi ti wits ba'an Dios.

Exodo 24:15

Tsa' ujti ti t'an, tsa' letsi majlel ti wits. Mʌcʌl jini wits cha'an tocal.

Exodo 24:18

Moisés tsa' ochi ti mal tocal che' bʌ tsa' letsi majlel ti wits. Tsa' cʌle ti wits cha'c'al q'uin cha'c'al ac'ʌlel.

Exodo 24:3

Che' bʌ tsa' cha' sujti Moisés, tsi' subeyob winicob x'ixicob pejtelel i t'an lac Yum, yic'ot pejtelel i mandar tac. Ti pejtelelob tsi' jac'ʌyob ti jump'ejl i pusic'al: Mux c mel lojon ti pejtelel che' bajche' tsi' yʌlʌ lac Yum, che'ob.

Jeremias 30:21

Jini mu' bʌ i cha'len yumʌl ti' tojlelob, mero i pi'ʌlʌch. Mi caj i colel ti' tojlelob. Mi caj c pʌy tilel tic tojlel. I bajñel mi caj i tilel ba' añon. ¿Am ba yambʌ mu' bʌ mejlel i tilel ba' añon che' ti' bajñel? Ma'anic yambʌ lajal bʌ bajche' jini.

Jeremias 49:19

Awilan, mi caj c bʌc' chocbeñob tilel i contra che' bajche' bajlum loq'uem bʌ ti mate'el ti' ti' Jordán. Mi' mucul ochel ti corral ba' tempʌbil tiñʌme'. Che' ja'el mi caj cajñesañob. Mi' caj ti yumʌntel jini wa'chocobil bʌ c cha'an. ¿Am ba yambʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uel winicob mu' bʌ mejlel i mʌctañon? che'en lac Yum.

Hebreos 9:24

Come Cristo ma'anic tsa' ochi ti Ch'ujul bʌ Ajñibʌl melbil bʌ ti c'ʌbʌl, i yejtal jach bʌ panchan. Tsa' ochi ti panchan, jini mero Ch'ujul bʌ Ajñibʌl ba' woli' pʌs i bʌ ti' tojlel Dios cha'an mi' coltañonla.