Exodo 24:12 - Chol: I T’an Dios

¹² Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Chol de Tumbalá Bible

¹² Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Jiñi Tsiji' bʌ Wen T'añ cha'añ Estudio

¹² Che' jiñi lac Yum tsi' su'be Moisés: —Letsen ti wits ba'añon, pijtañon ya'i; mi caj cʌq'ueñet wechel bʌ xajlel ba' tsa' c ts'ijba jiñi mandar tac cha'añ ma' cʌntesan jiñi wiñicob x'ixicob.

Exodo 24:12 Iomraidhean Croise

1 Reyob 19:11

Lac Yum tsi' jac'ʌ: Loq'uen ti pam lum. Wa'i' ti jini wits ti' tojel c wut, che'en. Awilan tsa' ñumi lac Yum ya'i. Jump'ejl tsʌts bʌ ic' tsi' jawʌ jini wits. Ti' p'ʌtʌlel Dios tsa' tojp'i xajlel, pero mach ya'ic an lac Yum ya' ti jini ic'. Tsa' tili i yujquel lum, pero mach ya'ic an lac Yum ti jini yujquel.

Esdras 7:10

come Esdras tsi' wen chajpa i pusic'al cha'an mi' ch'ʌmben isujm i mandar lac Yum, cha'an mi' wen jaq'ue', cha'an mi' cʌntesan jini israelob.

Nehemias 9:13

Tsa' jubiyet tilel ti pam wits i c'aba' Sinaí. Jatet añet bʌ ti panchan tsa' pejca winicob. Tsa' wʌq'ueyob toj bʌ tic'oñel yic'ot isujm bʌ cʌntesa yic'ot uts'at bʌ mandar yic'ot uts'at bʌ ley.

Nehemias 9:14

Tsa' pʌsbeyob bajche' yom mi' c'uxbiñetob ti jini ch'ujul bʌ q'uin a cha'an che' mi' c'ajob i yo. Tsa' sube a winic Moisés pejtel a ley yic'ot a mandar yic'ot a cʌntesʌbal cha'an mi' cha' subeñob winicob x'ixicob.

Salmos 19:12

¿Majqui mi mejlel i cʌn pejtel i sajtemal? Ñusʌbeñon c sajtemal mach bʌ cʌmbilic c cha'an.

Exodo 19:3

Moisés tsa' letsi ti wits cha'an mi' taj Dios. Lac Yum tsi' pejca ya' ti wits. Tsi' yʌlʌ: Subeñob i p'olbal Jacob, jini israelob:

Exodo 24:15

Tsa' ujti ti t'an, tsa' letsi majlel ti wits. Mʌcʌl jini wits cha'an tocal.

Exodo 24:18

Moisés tsa' ochi ti mal tocal che' bʌ tsa' letsi majlel ti wits. Tsa' cʌle ti wits cha'c'al q'uin cha'c'al ac'ʌlel.

Exodo 24:2

Cojach Moisés mi caj i ñochtañon. Jini israelob ma'anic mi caj i letselob ti wits. Che' tsi' yʌlʌ lac Yum Dios.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i t'an ti' c'ʌb Dios.

Exodo 32:1

Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Exodo 34:1

Lac Yum tsi' sube Moisés: Pajlin cha'q'uejl xajlel lajal bajche' ti ñaxan, cha'an mic ts'ijban ya' ti xajlel jini t'an am bʌ ti ñaxan tsa' bʌ a top'o.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Mateo 5:19

Jini cha'an mi an majch mi' ñusan jump'ejl ch'o'ch'oc bʌ mandar, mi tsi' cʌntesa winicob cha'an mi' ñusañob ja'el, ma'anic mi caj i taj i ñuclel ti' yumʌntel panchan. Pero jini mu' bʌ i jac' jini mandar, mu' bʌ i cʌntesañob cha'an mi' jac'ob, mi caj i taj i ñuclel ti' yumʌntel jini am bʌ ti panchan.

2 Corintios 3:3

Come tsiquil i juñetla Cristo tsa' bʌ c ts'ijba lojon. Mach ti tintajic ts'ijbubiletla, pero yic'ot i yEspíritu jini cuxul bʌ Dios, mach ti xajlelic pero ti la' pusic'al.

2 Corintios 3:7

Wen ñuc jini mandar mu' bʌ i yʌc'onla ti chʌmel, ts'ijbubil bʌ ti xajlel. Che' bʌ tsa' aq'uentiyob israelob, ma'anic tsa' mejli i q'uelbeñob i wut Moisés cha'an tsa' wen tsictiyi i sʌclel Dios ti' wut, anquese ora jach tsa' caji ti yajpel.

Deuteronomio 4:14

Ti jim bʌ ora lac Yum tsi' subeyon cha'an mij cʌntesañetla pejtelel i mandar yic'ot i t'an, cha'an mi la' jac' ti jini lum tsa' bʌ i subeyetla ya' baqui mi caj la' c'axel ti chumtʌl.

Deuteronomio 5:22

Jiñʌch tsa' bʌ i yʌlʌ lac Yum che' wa'al ti c'ajc che' joyol ti tocal yic'ot ic'ch'ipan bʌ pañimil, ya' ti wits i c'aba' Sinaí. Ma'anic tsi' yʌc'ʌ yambʌ mandar. Tsi' ts'ijba ti cha'q'uejl xajlel. Che' jini tsi' yʌq'ueyon.

Deuteronomio 5:31

Pero jatet wʌ'to ma' cʌytʌl quic'ot cha'an mic subeñet pejtelel c t'an yic'ot c mandar, cha'an ma' cʌntesan jini winicob. Subeñob cha'an mi' jac'ob ti jini lum woli bʌ cʌq'ueñob, che'en lac Yum.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.