Exodo 23:7 - Chol: I T’an Dios

⁷ Mach ma' jop'ben i mul yambʌ. Mach ma' wʌc' ti tsʌnsʌntel jini mach bʌ anic i mul, come ma'anic mi caj c ñusʌbeñet a mul che' jini.

Chol de Tumbalá Bible

⁷ Mach ma' jop'ben i mul yambʌ. Mach ma' wʌc' ti tsʌnsʌntel jini mach bʌ anic i mul, come ma'anic mi caj c ñusʌbeñet a mul che' jini.

Jiñi Tsiji' bʌ Wen T'añ cha'añ Estudio

⁷ Mach ma' jop'ben i mul a pi'ʌl che' mach isujmic, yic'ot mach ma' wʌc' ti tsʌnsʌntel jiñi mach bʌ añic i mul yic'ot jiñi toj bʌ, come ma'añic mi caj c ñusʌben i mul jiñi xjontolil.

Exodo 23:7 Iomraidhean Croise

Genesis 18:23

Abraham tsi' lʌc'tesa i bʌ. Tsi' yʌlʌ: ¿Mu' ba caj a jisan jini toj bʌ yic'ot jontol bʌ?

Job 22:23

Mi mux a cha' sujtel tilel ti lac Yum ti jump'ejl a pusic'al, mux a taj a coltʌntel. Yom jach ma' junyajlel cʌy a jontolil.

Salmos 119:29

Cʌntañon ame mic ñopben i melbal jini payxo bʌ. Cʌntesañon ti' yutslel a pusic'al.

Salmos 94:21

Mi' temob i t'an cha'an mi' tsʌnsañob jini toj bʌ. Mi' yʌc'ob ti chʌmel jini mach bʌ añobic i mul.

Exodo 20:13

Mach a cha'len tsʌnsa.

Exodo 20:16

Mach a cha'len jop't'an ti' contra a pi'ʌl.

Exodo 23:1

Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Proverbios 11:21

Mi mach wʌleyic mi' tojob i mul xjontolilob, mux i tojob ti wi'il, pero i yalobilob jini tojo' bʌ mi' cajelob ti colel. Ma'anic mi caj i yʌjq'uelob ti toj mulil.

Proverbios 17:15

Jini xmeloñel mach bʌ anic mi' mel xjontolilob yic'ot ja'el jini xmeloñel mu' bʌ i yʌc' ti toj mulil jini tojo' bʌ, junlajal an i mul ti cha'ticlelob.

Isaias 33:15

Lac Yum tsi' jac'ʌ: Jini mu' bʌ i mel chuqui uts'at, mu' bʌ i cha'len toj bʌ t'an, jini mach bʌ yujilic xujch', mach bʌ anic mi' ch'ʌm majtañʌl tac cha'an chuqui tac mi' mel, jini mach bʌ yomic i yubin leco bʌ t'an, jini mach bʌ anic mi' coltan stsʌnsa, jini mach bʌ anic mi' jac'ob i pʌyol ti mulil.

Isaias 5:20

Obol la' bʌ mu' bʌ la' lon q'uel ti uts'at jontolil. Mi la' wʌl jontol jini uts'at bʌ. Mi la' wʌl sʌc jini ic'yoch'an bʌ, mi la' wʌl ic'yoch'an jini c'ajc. Tsaj mi la' wubin jini ch'aj bʌ, pero ch'aj mi la' wubin jini tsaj bʌ.

Levitico 19:11

Mach la' cha'len xujch'. Mach yomic mi la' lotin la' pi'ʌlob.

Levitico 19:16

Mach yomic mi la' joy ñumel ti u'yaj. Mach mi la' jop'ben i mul la' pi'ʌlob. Ña'tanla la' Yumon.

Nahum 1:3

Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Lucas 3:14

Cha'tiquil uxtiquil soldadojob ja'el tsi' c'ajtibeyob: Jixcu joñon lojon, ¿chuqui yom mic mel lojon? che'ob. Juan tsi' subeyob: Mach mi la' chilben i taq'uin winic mi juntiquilic. Mach mi la' pʌc' ti mulil mi juntiquilic. Yom contentojetla yic'ot i tojol la' we'tel, che'en.

Romanos 1:18

Come woli' tsictiyel i mich'ajel Dios ya' ti panchan. Woli' jubel ti' contra pejtelel i jontolil yic'ot i mul winicob x'ixicob, mu' bʌ i mʌctañob i sujmlel yic'ot i jontolil.

Efesios 4:25

Jini cha'an cʌyʌla lot. Cha'lenla t'an ti isujm ti jujuntiquiletla yic'ot la' pi'ʌlob, come lac pi'ʌlʌch lac bʌ.

Deuteronomio 25:1

Che' woliyob ti leto cha'tiquilob, che' mi' majlel i melob i bʌ ba'an jini juez, an ti' wenta jini juez cha'an mi' tsictesan ti toj jini mach bʌ anic i mul. Mi caj i yʌq'uen i toj i mul jini tsa' bʌ i mele mulil.

Deuteronomio 27:25

“La' aq'uentic wocol jini mu' bʌ i ch'ʌm i majtan cha'an mi' tsʌnsan jini mach bʌ anic i mul”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

1 Tesalonicenses 5:22

Mach la' ñop jontolil mi junchajpic.