Exodo 23:6 - Chol: I T’an Dios

⁶ Mach ma' coltan jini rico ti' contra jini pobre, come che' jini mi' sojquel meloñel.

Chol de Tumbalá Bible

⁶ Mach ma' coltan jini rico ti' contra jini pobre, come che' jini mi' sojquel meloñel.

Jiñi Tsiji' bʌ Wen T'añ cha'añ Estudio

⁶ Mach ma' q'uel ti lolom i t'añ jiñi p'ump'un bʌ che' woli i c'ajtin meloñel.

Exodo 23:6 Iomraidhean Croise

2 Cronicas 19:7

Jini cha'an yom mi la' bʌc'ñan lac Yum. Wen tsajaletla yom ti pejtelel chuqui mi la' mel, come toj mi' cha'len meloñel lac Yum. Mach jechojquic mi' mel winicob. Mach yomic mi la' ch'ʌm la' majtan cha'an mi la' coltan jini am bʌ i mul, che'en.

Job 31:13

Mi tsac chilbeyob i coltʌntel x'e'telob c cha'an che' woli' c'ajtiñob,

Proverbios 18:5

Mach yomic mi la cʌc' ti colel jini am bʌ i mul anquese uts'at i pusic'al yilal. Mach yomic mi lac tic'lan jini toj bʌ che' mi' mel i bʌ.

Proverbios 22:22

Mach a xujch'iben i chubʌ'an jini p'ump'un bʌ mach bʌ mejlic i coltan i bʌ. Mach a ts'a'len che' mi' tilel i mel i bʌ.

Proverbios 31:5

ame ñajʌyic ti' pusic'al jini mandar che' woli' japob, ame mach tojic mi' cha'leñob meloñel che' mi' melob jini tic'lʌbilo' bʌ.

Eclesiastes 5:8

Mi tsa' q'uele woli' tic'lʌntelob pobrejob cha'an jini wen chumulo' bʌ, mi mach tojic mi' cha'leñob meloñel, mach mi' toj sajtel a pusic'al. Come pejtel año' bʌ i ye'tel añob ti' wenta ñumen ñuco' bʌ i ye'tel mu' bʌ i jac'beñob i mandar yaño' bʌ. Jini ñumen ñuco' bʌ mi' jac'beñob i mandar rey.

Isaias 5:23

Mi la' ch'ʌm taq'uin cha'an mi la' mucben i mul xjontolil cha'an mi la' p'ump'un tic'lan jini mach bʌ anic i mul.

Jeremias 5:28

Cabʌl i wo'lel ti' bʌl i ñʌc'. Jujp'emobix. Mi' ñumel ti p'is i jontolil. Mach yujilobic toj bʌ meloñel. Ma'anic mi' coltañob meba' alʌlob ti' tojlel i contra. Ma'anic mi' coltañob jini mach bʌ añobic i mul.

Jeremias 6:28

Laj sajtemob. Mi' tʌts'ob i bʌ tic tojlel. Mi' p'ajoñob. Tsʌtsob i pusic'al che' bajche' fierro yic'ot c'ʌnc'ʌn taq'uin. Sojquem i pusic'al.

Jeremias 7:6

Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Levitico 19:15

Mach yomic jelel mi la' cha'len meloñel cha'an mi la' tic'lan jini p'ump'un bʌ, cha'an mi la' coltan jini wen chumul bʌ. Toj yom mi la' mel la' pi'ʌlob.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Deuteronomio 16:19

Mach yomic mi la' jem jini toj bʌ. Mach yomic jelchojc jach mi la' c'uxbin winicob. Mach yomic mi la' ch'ʌm la' majtan ti' tojlelob, come jini majtañʌl mi' mʌcben i wut jini am bʌ i ña'tʌbal. Mi' socben i t'an jini tojo' bʌ.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

1 Samuel 8:3

Pero mach lajalobic tsi' meleyob che' bajche' i tat. Tsa' jach caji i mulañob taq'uin. Tsi' ch'ʌmʌyob tac i majtan. Mach tojic tsi' cha'leyob meloñel.