Exodo 23:25 - Chol: I T’an Dios

²⁵ Joñon a Yumon a Dioson. Yom mi la' melbeñon que'tel. Mi caj cʌq'ueñetla cabʌl i bʌl la' ñʌc yic'ot ja'. Mi caj c lajmesʌbeñetla la' c'amʌjel.

Chol de Tumbalá Bible

²⁵ Joñon a Yumon a Dioson. Yom mi la' melbeñon que'tel. Mi caj cʌq'ueñetla cabʌl i bʌl la' ñʌc yic'ot ja'. Mi caj c lajmesʌbeñetla la' c'amʌjel.

Jiñi Tsiji' bʌ Wen T'añ cha'añ Estudio

²⁵ Pero yom mi la' melben i ye'tel la' Yum Dios, che' jiñi mi caj i yʌq'ueñetla ca'bʌl i bʌl la' ñʌc' yic'ot ja'. Mi caj tʌts' loq'uel ti a tojlel pejtelel c'am-ʌjel.

Exodo 23:25 Iomraidhean Croise

Salmos 103:3

Jiñʌch mu' bʌ i ñusʌbeñon pejtelel c mul. Mi' lajmesʌbeñon pejtelel j c'amʌjel.

Exodo 15:26

Tsi' yʌlʌ: Mi xuc'ul mi la' jac'beñon c t'an cha'an mi la' wen mel chuqui uts'at, ma'anic mi caj cʌq'ueñetla jini c'amʌjel tac tsa' bʌ cʌq'ueyob egiptojob. Yom mi la' wen jac'beñon c mandar yic'ot pejtel j cʌntesʌbal, come joñon Yumʌlon mu' bʌ c lajmesañetla. Che' tsi' yʌlʌ lac Yum.

Eclesiastes 5:20

Che' jini mach cabʌlic mi lac mel lac pusic'al anquese xñumelonla ti pañimil, come Dios mi' but' lac pusic'al ti tijicña bʌ.

Isaias 33:16

Jini mi caj i chumtʌl ti' pam xajlel ya' ba' xuc'ul. Ya' mi caj i taj i coltʌntel. Mi caj i yʌq'uentel i bʌl i ñʌc' yic'ot i ya'al. Ma'anic chubʌ yom i cha'an, che'en.

Isaias 33:24

Ti' tojlel jini israelob ma'anix mi juntiquilic mu' bʌ caj i yʌl: “C'amon”, che'en. Come lac Yum mi caj i laj ñusʌbeñob i mul.

Jeremias 8:2

Mi caj i q'uiyibeñob i bʌquel ti pam lum ti' c'ʌc'al jini q'uin yic'ot uw yic'ot ec', come jiñobʌch i diosob. Mi' c'uxbiñob, mi' ch'ujutesañob. Mi' pulbeñob pom. Mi' cha'leñob q'uiñijel. Pam pujquem mi caj i cʌytʌl i bʌquel ili winicob che' bajche' ta' ti pam lum. Ma'anix majqui mi caj i much'quiñob cha'an mi' cha' mucob.

Daniel 1:15

Tsa' ñumi lujump'ejl q'uin. Tsa' caji i q'uel bajche' añob. C'oc'ob, wen ch'ejlob i wut, mach lajalobic bajche' i pi'ʌlob tsa' bʌ i c'uxuyob we'elʌl.

Levitico 11:44

Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Levitico 26:3

Mi xuc'ul mi la chʌn jac'beñon c t'an yic'ot c mandar, joñon mi caj cʌq'ueñetla ja'al che' ti' yorajlel. Che' jini mi caj i wen loq'uel chuqui mi la' pʌc' ya' ti la' lum. Jini te' mi caj i wen ac' i wut. Mi caj i wen loq'uel i wut la' ts'usub. Mi caj la' wen ñaj'an che' mi la' c'ux i bʌl la' ñʌc'. Tijicña' mi caj la' wubin ya' ti la' chumlib.

Malaquias 3:10

Ch'ʌmʌla tilel pejtelel jini diezmo tac ti' yajñib cha'an mi' jastiyel i bʌl ñʌc'ʌl jini levíjob tic Templo. Che' jini mi caj la' q'uel xuc'ulon. Mi caj c jambeñetla jini panchan cha'an mi cʌq'ueñetla pejtel chuqui la' wom. Ñopola ti isujm. Che' jini mi caj c pʌsbeñetla isujmʌch c t'an.

Mateo 4:10

Jesús tsi' sube: Cucu, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

Deuteronomio 10:12

Ñich'tanla israelob. ¿Chuqui woli' c'ajtibeñetla lac Yum Dios? Jini jach yom mi la' bʌc'ñan lac Yum Dios cha'an mi la' chʌn cha'len xʌmbal ti' bijlel. Yom mi la' c'uxbin cha'an mi la' chʌn melben i ye'tel lac Yum Dios ti pejtelel la' pusic'al yic'ot ti pejtelel la' ña'tʌbal.

Deuteronomio 10:20

Wersa yom mi la' bʌc'ñan lac Yum Dios. Jini jach mi caj la' yuman. Yom mi la' tsajcan. Cojach ti' caba' lac Yum yom mi la' wʌc' la' t'an.

Deuteronomio 13:4

Yom mi la' chʌn cha'len xʌmbal ti' bijlel lac Yum Dios. Cojach jini yom mi la' bʌc'ñan. Yom mi la' jac'ben i mandar. Jini jach yom mi la' yuman. Yom mi la' tsajcan ti pejtelel ora.

Deuteronomio 6:13

Yom mi la' bʌc'ñan lac Yum Dios. Cojach jini mi caj la' Yuman, cojach jini mi caj la' ch'ujutesan.

Deuteronomio 7:13

Lac Yum mi caj i c'uxbiñetla. Mi caj i yʌq'ueñetla i yutslel i t'an. Mi caj i yʌq'uetla ti p'ojlel. Uts'at mi caj i colel chuqui tac mi la' pʌc' ti la' lum. Mi caj i p'ojlesʌbeñetla trigo, yic'ot i ya'lel la' ts'usubil, yic'ot aceite, yic'ot i yal tac la' wacax, yic'ot la' tiñʌme' ti jini lum mu' bʌ caj i yʌq'ueñetla che' bajche' tsi' wʌn subeyob la' ñojte'elob.

Deuteronomio 7:15

Lac Yum mi caj i loc'sʌbeñetla pejtelel la' c'amʌjel. Mi caj i cʌntañetla cha'an ma'anic mi la' taj jini c'amʌjel mu' bʌ la' bʌc'ñan am bʌ ti Egipto. Pero muq'uix i yʌq'ueñob i c'amʌjel pejtelob mu' bʌ i ts'a'leñetla.

Josue 22:5

Yom tsajaletla cha'an mi la' jac' ti ts'ʌcʌl jini t'an yic'ot jini mandar tsa' bʌ i subeyetla Moisés i winic lac Yum. Yom mi la' c'uxbin lac Yum Dios. Cha'lenla xʌmbal ti' bijlel. Yom mi la' jac'ben i mandar. Yom mi la' tsajcan majlel. Yom xuc'ul mi la' wajñel ti pejtelel la' pusic'al, che'en Josué.

Josue 24:21

Jini winicob x'ixicob tsi' subeyob: Mach che'iqui. Mi caj c ch'ujutesan lojon lac Yum, che'ob.

Josue 24:24

Jini winicob tsi' subeyob: Mi caj lac ch'ujutesan lac Yum Dios. Mi caj lac jac'ben i t'an, che'ob.

1 Samuel 12:20

Samuel tsi' sube jini winicob: Mach la' cha'len bʌq'uen. Melel tsa' la' cha'le mulil, pero mach yomic mi la' chʌn tʌts' la' bʌ ti' tojlel lac Yum. Ch'ujutesanla ti pejtelel la' pusic'al.

1 Samuel 12:24

Chʌcʌ q'uele la' bʌ cha'an mi la' wen bʌc'ñan lac Yum, cha'an mi la' ch'ujutesan ti pejtelel la' pusic'al. P'isila ti wenta jini ñuc tac bʌ i ye'tel tsa' bʌ i melbeyetla.

1 Samuel 7:3

Samuel tsi' pejca pejtelel jini israelob. Tsi' subeyob: Mi ti pejtelel la' pusic'al la' wom la' cha' tsajcan lac Yum, chocola loq'uel jini dios tac mu' bʌ i diosiñob sajtemo' bʌ, jini Astarot ja'el. Chajpan la' pusic'al cha'an mi la' ch'ujutesan lac Yum. Jini jach yom mi la' c'uxbin. Melela chuqui yom. Che' jini mux i coltañetla loq'uel ti' wenta jini filisteojob, che'en.