Exodo 23:24 - Chol: I T’an Dios

²⁴ Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Chol de Tumbalá Bible

²⁴ Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Jiñi Tsiji' bʌ Wen T'añ cha'añ Estudio

²⁴ Mach yomic mi la' ch'ujutesan i diosob, mi yomic mi la' melben i ye'tel, mi yomic mi la' mel che' bajche' mi' melob; yom mi la' jisañob ti pejtelelob, yic'ot yom mi la' top' yic'ot yom mi la' xul pejtelel i yejtal i diosob.

Exodo 23:24 Iomraidhean Croise

2 Reyob 17:11

Tsi' pulbeyob i majtan diostac ya' ti bujbujtʌl che' bajche' tsi' meleyob jini winicob tsa' bʌ i jisayob lac Yum ti' tojlel Israel. Cabʌl tsi' techbeyob i mich'ajel lac Yum ti' caj pejtelel i jontolil.

2 Reyob 17:8

Tsi' ñopoyob i mel che' bajche' tsi' meleyob jini winicob x'ixicob ts'a'lebilo' bʌ ti lac Yum tsa' bʌ wʌn chojquiyob loq'uel ti jini lum.

2 Reyob 18:4

Ezequías tsi' jeme jini pulʌntib am bʌ ti bujbujtʌl. Tsi' laj top'o jini wa'al tac bʌ i yejtal tac Asera. Tsi' c'ʌsʌ jini lucum melbil bʌ ti bronce tsa' bʌ i mele Moisés, come jini israelob tsa' caji i ch'ujutesañob. Tsi' pulbeyob pom ti tojlel, anquese bronce jach.

2 Reyob 3:2

Wen jontol jini Joram, pero ñumen jontol i tat i ña', come Joram tsi' loc'sa i yejtal Baal tsa' bʌ i wa'choco i tat.

2 Cronicas 14:2

Toj i melbal Asa ti' wut lac Yum Dios.

2 Cronicas 25:14

Che' bʌ tsa' sujti Amasías ya' ba' tsi' tsʌnsa jini edomob, tsi' ch'ʌmʌ tilel cabʌl i dios tac jini winicob ti Seir. Tsa' caji i diosiñob. Tsi' ñocchoco i bʌ ti' tojlel. Tsi' pulbeyob pom.

2 Cronicas 33:2

Pero tsi' mele chuqui jontol ti' wut lac Yum che' bajche' jini winicob tsa' bʌ i jisa lac Yum ti' tojlel jini israelob cha'an jontol jax i melbalob.

2 Cronicas 33:9

Pero Manasés tsa' caji i socob jini chumulo' bʌ ti Judá yic'ot ti Jerusalén. Tsa' caji i cʌntesañob ti jontolil ñumen bajche' jini tejclumob tsa' bʌ i jisa lac Yum ti' tojlel israelob.

Salmos 101:3

Mach comic c jac' c pʌyol ti mulil. Ts'a' mij q'uelben i melbal jini xjontolil Ma'anic mi caj c tsajcan.

Exodo 20:3

Mach a ñop yambʌ dios. Yom jach ma' ñopon.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 23:13

Ch'ʌmʌla ti la' wenta pejtelel chuqui tsac subeyetla. Mach la' pejcan dioste' tac. Mach yomic mi' yubintel i c'aba' dioste' tac ti la' tojlel.

Exodo 23:32

Mach mi la' mel trato yic'otob. Mach yomic mi la' pejcan i dioste' tac.

Exodo 23:33

Mach yomic temel mi' yajñelob la' wic'ot ti la' lumal, ame mi' pʌyetob ti mulil tij contra. Mi mux la' ch'ujutesan i dioste' tac, mi caj la' yajlel ti' p'ʌtʌlel cha'an mi la' cʌyon”, che'en.

Exodo 32:20

Tsi' ch'ʌmʌ jini alʌ wacax tsa' bʌ i meleyob. Tsi' yotsa ti c'ajc. Tsi' chʌmen cuju jinto che' ts'ubucña tsa' cʌle. Tsi' yotsa ti ja'. Tsi' yʌq'ue i japob jini israelob.

Ezequiel 16:47

Mach cojic jach tsa' tsajcʌbeyob i melbalob yic'ot i jontolil, pero ñumen leco chuqui tsa' mele.

Oseas 10:2

Cha'chajp jax i pusic'alob. Jini cha'an mi caj i tojob i mul. Lac Yum mi caj i laj jembeñob i pulʌntib tac yic'ot i diosob tsa' bʌ i meleyob.

Levitico 18:3

Mach yomic lajal mi la' mel che' bajche mi' melob ti Egipto ya' ba' tsa' chumleyetla ti yambʌ ora. Mach yomic mi la' tsajcʌbeñob i melbal jini año' bʌ ti Canaán ba' mi caj c pʌyetla majlel.

Levitico 26:1

Mach yomic mi la' bajñel mel la' dios. Mach yomic mi la' ch'ujutesan jini dioste' tac, mi dios xajlel tac mi ts'ʌpbil bʌ te' tac. Mach mi la' ñocchocon la' bʌ ti' tojlel. Come joñon jach la' Yumon la' Dioson.

Numeros 25:2

Come jini año' bʌ ti Moab tsi' pʌyʌyob winicob israelo' bʌ cha'an mi' melob q'uin che' bʌ tsi' pulbeyob i majtan i dioste' tac.

Numeros 33:52

Che' jini yom mi la' choc loq'uel pejtelel jini ya' bʌ chumulob. Yom mi la' laj jembeñob i diosob melbil tac bʌ ti xajlel, yic'ot ti taq'uin. Yom mi la' junyajlel jisʌbeñob i yajñibob ba' mi' ch'ujutesañob.

Deuteronomio 12:3

Yom mi la' jemben i pulʌntib tac, yic'ot jini wa'al bʌ xajlel tac mu' bʌ i ch'ujutesañob. Yom mi la' pul jini ch'ujul bʌ te' i cha'añob. Yom mi' la' jisʌben pejtelel i yejtal tac i diosob cha'an ma'anix mi' chʌn ña'tʌntel i c'aba' wʌ' ti lum.

Deuteronomio 7:5

Pero yom mi la' mel che' bajche' jini: Jembenla jini wa'chocobil bʌ baqui mi' pulbeñob i majtan i diosob. Xulbenla jini ch'ujul bʌ oy i cha'añob. Yom mi la' laj jisʌbeñob i dios Asera. Yom mi la' pul ti pejtelel.