Exodo 23:23 - Chol: I T’an Dios

²³ Come jini cAngel ñaxan mi caj i majlel ti' tojel la' wut cha'an mi' pʌyetla majlel ti' lumal amorreojob yic'ot heteojob yic'ot ferezeojob yic'ot cananeojob yic'ot heveojob yic'ot jebuseojob. Mi caj c jisañob ti pejtelel.

Chol de Tumbalá Bible

²³ Come jini cAngel ñaxan mi caj i majlel ti' tojel la' wut cha'an mi' pʌyetla majlel ti' lumal amorreojob yic'ot heteojob yic'ot ferezeojob yic'ot cananeojob yic'ot heveojob yic'ot jebuseojob. Mi caj c jisañob ti pejtelel.

Jiñi Tsiji' bʌ Wen T'añ cha'añ Estudio

²³ Jiñi c ángel ñaxan mi caj i majlel ti' tojel la' wut cha'añ mi' pʌyetla majlel ti' lumal amorreojob yic'ot heteojob yic'ot ferezeojob yic'ot cananeojob yic'ot heveojob yic'ot jebuseojob. Mi caj c jisañob ti pejtelel.

Exodo 23:23 Iomraidhean Croise

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 34:2

Jini Siquem i yalobil Hamor, jini heveo, i yum jini lum, tsi' q'uele jini xch'oc. Tsi' pʌyʌ, tsa' ajni yic'ot, tsi' yʌc'ʌ ti quisin.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 23:20

Awilan wolic chocbeñetla majlel jini cAngel ti la' tojlel cha'an mi' cʌntañetla majlel. Mi caj i pʌyetla majlel ti la' wajñib chajpʌbil bʌ c cha'an.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 32:2

Aarón tsi' jac'ʌ: Loc'sanla jini oro tac am bʌ ti' chiquin la' wijñam, yic'ot i cha'an la' wa'lobilob, yic'ot i cha'an xch'oc bʌ la' wa'lobilob. Yom mi la' ch'ʌmbeñon tilel, che'en.

Isaias 5:13

Jini cha'an lac Yum mux caj i choquetla majlel ti cʌjchel ti ñajt bʌ pañimil, come ma'anic mi la' ch'ʌmben isujm i t'an lac Yum. Mi caj la' chʌmel ti wi'ñal yic'ot tiquin ti' ti la' pejtelel, jini ñuc taco' bʌ yic'ot p'ump'uño' bʌ ja'el.

Deuteronomio 9:3

Jini cha'an yomix mi la' ña'tan, jiñʌch lac Yum Dios mu' bʌ caj i coltañetla. Lajal lac Yum bajche' c'ajc yujil bʌ jisaya. Mi caj i jisañob ti la' tojlel. Mi caj i ju'sʌbeñob i pusic'al. Mi cajel la' chocob loq'uel ti lum. Mi caj la' tsʌnsañob che' bajche' tsi' subeyetla lac Yum Dios.

Josue 23:9

Come lac Yum Dios tsa'ix i chocoyob loq'uel yumʌlob ti la' tojlel, jini p'ʌtʌl tac bʌ yic'ot ñuc tac bʌ. Ma'anic majqui tsa' mejli i contrajiñet c'ʌlʌl wʌle.

Josue 5:13

Che' bʌ lʌc'ʌlix tsa' c'oti Josué ya' ti Jericó, tsi' q'uele ya' wa'al juntiquil winic ti' tojel. Chucul i cha'an jini winic junts'ijt espada, bots'bil i cha'an ti' yotot. Josué tsi' lʌc'tesa i bʌ ya' ba' wa'al. Tsi' c'ajtibe: ¿Jatet ba jini c pi'ʌlet bʌ lojon o jatet ba jini i pi'ʌlet bʌ j contra lojon? che'en Josué.

Josue 9:1

Jini yumʌlob am bʌ ti junwejl Jordán ja' ba' mi' bʌjlel q'uin tsi' yubiyob chuqui tsa' ujti. Tsi' temeyob i t'an cha'an mi' comol coltañob i bʌ ti contra Josué yic'ot israelob. Tsi' tempayob i bʌ jini año' bʌ ti wits yic'ot ti joctʌl yic'ot ti' tojel jini colem ñajb c'ʌlʌl ti Líbano, yic'otob heteojob yic'ot amorreojob yic'ot cananeojob yic'ot fereseojob yic'ot heveojob yic'ot jebuseojob.