Exodo 23:21 - Chol: I T’an Dios

²¹ P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Chol de Tumbalá Bible

²¹ P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Jiñi Tsiji' bʌ Wen T'añ cha'añ Estudio

²¹ P'isi ti la' wenta, jac'benla i t'añ, mach mi la' ñusʌben i t'añ, come ma'añic mi caj i ñusʌbeñet la' mul, come mi caj i mel i ye'tel tij c'aba'.

Exodo 23:21 Iomraidhean Croise

Salmos 2:12

Ts'ujts'unla i Yalobil lac Yum ame mich'ac, Ame jiliquetla ti la' bijlel Che' mi' bʌc' mich'an Dios. Tijicñayob pejtel mu' bʌ i sʌclañob i coltʌntel ti lac Yum.

Salmos 72:19

Ch'ujutesan i c'aba' am bʌ i ñuclel ti pejtelel ora. La' bujt'ic pejtel pañimil yic'ot i ñuclel. Che'ʌch yom, che'ʌch yom.

Salmos 78:40

Pero cabʌl tsi' chʌn ñusʌbeyob i t'an Dios ya' ti colem bʌ i tiquiñal pañimil. Tsi' techbeyob i ch'ijiyemlel i pusic'al Dios.

Salmos 78:56

Pero jontolob ajñel. Tsi' yilʌbeyob i pusic'al jini C'ax Ñuc Bʌ Dios. Tsi' techbeyob i mich'ajel. Ma'anic tsi' jac'beyob i t'an.

Salmos 83:18

La' i ñopob a c'aba' come jatet jach c Yumet lojon. C'ax ñuquet ti pejtelel pañimil.

Exodo 3:14

Dios tsi' sube Moisés: J c'aba'ʌch Añon, che'en. Tsi' yʌlʌ: Subeñob israelob: “Jini mu' bʌ i sub i bʌ ti Añon tsa'ix i chocoyon tilel ba' añetla”. Che' yom ma' subeñob, che'en Dios.

Exodo 32:34

Wʌle, cucu, pʌyʌ majlel jini winicob ba' tsac subeyet. A wilan, ñaxan mi caj i majlel cAngel ti a tojlel. Pero che' ti' yorajlel toj mulil, joñon mi caj cʌq'ueñob i tojol i mul, che'en lac Yum.

Exodo 6:3

Tsac pʌsʌ c bʌ ti' tojlelob Abraham, yic'ot Isaac yic'ot Jacob. Tsac tsictesʌbeyob j C'aba' cha'an Dioson Mach bʌ anic i P'isol c P'ʌtʌlel. Ma'anic tsac tsictesʌbeyob mi i Yumon. Jiñʌch yambʌ j C'aba', Yumʌlon.

Isaias 42:8

Yumʌlon. Jiñʌch j c'aba'. Ma'anic mi cʌq'uen c ñuclel yambʌ. Ma'anic mi caj cʌq'uen dioste' i pejcʌntel ti ñuc.

Isaias 45:6

cha'an mi' ña'tañob ti pejtelel pañimil c'ʌlʌl ba' mi' pasel q'uin yic'ot ba' mi' bʌjlel q'uin. Ma'anic yambʌ cojach joñon. Joñon jach Yumʌlon. Ma'anic lajal bʌ bajche'on.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Jeremias 23:6

Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Jeremias 5:7

Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Malaquias 3:1

Woli' yʌl lac Yum: Ubinla, mi caj c choc tilel suboñel ti' tojel c wut cha'an mi' chajpʌbeñon c bijlel. Tal la' Yum woli bʌ la' pijtan. Ora mi caj i tilel ti' Templo. Mi caj la' q'uel. Mi caj i tijicñesañetla che' bajche' ts'ijbubil tic Trato. Isujm, talon, che'en i Yum Panchan yic'ot Pañimil.

Numeros 14:11

Lac Yum tsi' sube Moisés: ¿Jayp'ejl to ora mi caj i mich'leñoñob ili winicob? ¿Jayp'ejl to ora ma'anic mi caj i p'isob ti wenta jini ñuc tac bʌ c p'ʌtʌlel tsa' bʌ c pʌsbeyob?

Numeros 14:35

Joñon la' Yumon. Tsa'ix c cha'le t'an. Mi caj c mel ili winicob tsa' bʌ i contrajiyoñob che' bajche' tsac subeyetla. Mi caj i laj c'un'añob ila ti' tiquiñal pañimil. Mi' cajelob ti chʌmel”. Che' yom ma' subeñob, che'en lac Yum Dios.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Mateo 17:5

Che' woli to ti t'an, awilan, tsi' mosoyob wen sʌsʌc bʌ tocal. Tsa' loq'ui t'an ti tocal. Tsi' yʌlʌ: Jiñʌch Calobil mu' bʌ j c'uxbin. Tijicña c pusic'al mij q'uel. Ubinla i t'an, che'en.

Juan 10:30

Joñon quic'ot c Tat junlajalon lojon, che'en Jesús.

Juan 10:38

Mi wolic melben i ye'tel c Tat, anquese ma'anic mi la' ñopon, ñopola que'tel cha'an mi la' cʌñon, cha'an mi la' ña'tan ti isujm c Tat an ti joñon, joñon añon tic Tat, che'en.

Juan 5:23

cha'an mi' q'uelob ti ñuc i Yalobil Dios pejtel winicob x'ixicob che' bajche' mi' q'uelob ti ñuc c Tat. Jini mach bʌ anic mi' q'uel ti ñuc i Yalobil Dios mach ñuquic mi' q'uel c Tat tsa' bʌ i chocoyon tilel.

Efesios 4:30

Mach la' wʌq'uen i ch'ijiyemlel i pusic'al jini Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jini tal to bʌ q'uin che' mi caj i tsictiyel majqui i cha'añetla.

Deuteronomio 18:19

Majqui jach mi' ts'a'liben i t'an jini X'alt'an mu' bʌ i melbeñon que'tel, mi caj i wersa mel i bʌ tic tojlel.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

Colosenses 2:9

Ti' bʌc'tal Cristo mi' yajñel pejtelel i bujt'emal Dios.

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.

Hebreos 3:16

¿Majqui tsi' contrajiyob che' bʌ tsi' yubibeyob i t'an? ¿Mach ba pejtelobic tsa' bʌ loq'uiyob ti Egipto yic'ot Moisés?

Josue 24:19

Josué tsi' subeyob jini winicob x'ixicob: Mach mejlic la' ch'ujutesan lac Yum, come ch'ujulʌch Dios, bʌc'ñʌbilʌch ja'el. Ma'anic mi caj i ñusʌbeñetla la' mul che' mi la' ñusʌben i t'an.

1 Juan 5:16

Mi an majch mi' q'uel i yermano che' woli' taj i mul mach bʌ anic mi' yʌc' ti chʌmel, la i c'ajtiben Dios cha'an mi' ñusʌbentel i mul i yermano. Dios mi caj i yʌq'uen i cuxtʌlel jini am bʌ i mul mach bʌ anic mi' yʌc' ti chʌmel. An mulil mu' bʌ i yʌc'onla ti chʌmel. Ma'anic wolic subeñetla mi yom mi la' cha'len oración cha'an mi' ñusʌbentel.

Apocalipsis 1:8

Joñon tsac teche pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal, che'en lac Yum. Joñoñʌch jini am bʌ wʌle, jini am bʌ ti wajali, jini tal to bʌ, jini Mach bʌ Anic i P'isol i P'ʌtʌlel, che'en lac Yum.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

Apocalipsis 2:8

Ts'ijbuben jun jini xcʌntaya i cha'an xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal. Tsa' chʌmiyon, tsa' cha' cuxtiyiyon. Woliyon ti t'an.

Apocalipsis 3:7

Ts'ijbuben xcʌntaya i cha'an xñopt'añob mu' bʌ i tempañob i bʌ ya' ti Filadelfia: “Jini Ch'ujul Bʌ, jiñʌch Isujm Bʌ, am bʌ i cha'an i llave David. Che' an chuqui mi' jam, ma'anic majch mi' ñup'. Che' an chuqui mi' ñup', ma'anic majch mi' jam. Jiñʌch mu' bʌ i yʌl ili t'an:

Juezob 13:18

I yAngel lac Yum tsi' jac'be: ¿Chucoch ma' c'ajtin j c'aba'? Wen ñuc j c'aba', che'en.