Exodo 23:14 - Chol: I T’an Dios

¹⁴ Uxyajl mi caj la' melbeñon q'uiñijel ti jujump'ejl jab.

Chol de Tumbalá Bible

¹⁴ Uxyajl mi caj la' melbeñon q'uiñijel ti jujump'ejl jab.

Jiñi Tsiji' bʌ Wen T'añ cha'añ Estudio

¹⁴ Uxyajl mi caj la' melbeñon q'uiñijel ti jujump'ejl ja'b.

Exodo 23:14 Iomraidhean Croise

1 Reyob 9:25

Che' ujtemix ti mejlel jini Templo, Salomón tsa' caji i yʌq'uen i majtan tac lac Yum uxyajl ti jujump'ejl jab ya' ba' tsi' mele pulʌntib. Tsi' yʌq'ue lac Yum pulbil tac bʌ i majtan, yic'ot majtañʌl cha'an i tijicñʌyel i pusic'al, yic'ot pom.

2 Cronicas 8:13

Ti jujump'ejl q'uin tsi' yʌq'ue che' bajche' jaycojt yom, che' bajche' ts'ijbubil ti' mandar Moisés, ti' q'uiñilel tac c'aj o, yic'ot ti' pasibal uw, yic'ot ti ñuc tac bʌ q'uiñijel uxyajl ti jab. Jiñʌch i q'uiñilel Pascua, yic'ot i q'uiñilel Semana tac, yic'ot i q'uiñilel Lejchempat.

Exodo 23:17

Uxyajl ti jujump'ejl jab wersa mi la' pʌs la' bʌ tic tojlel ti la' pejtelel.

Exodo 34:17

Mach yomic mi la' mel yan tac bʌ dios.

Exodo 34:18

Yom mi la' ña'tan la' melben i q'uiñilel waj mach bʌ anic i levadurajlel. Wucp'ejl q'uin yom mi la' c'ux waj mach bʌ anic i levadurajlel. Yom ti' yorajlel che' bajche' ña'tʌbil ti' yuwilel, jiñʌch che' ti marzo che' bajche' tsac subeyet, come jiñʌch jini uw che' tsa' loq'uiyetla ti Egipto.

Ezequiel 46:9

Pero ba' ora mi' yochelob winicob x'ixicob ti corredor am bʌ ti norte cha'an mi' yʌc'ob majtañʌl tac che' ti' yorajlel q'uin, yom mi' loq'uelob ti corredor am bʌ ti sur. Jini mu' bʌ i yochelob ti sur yom mi' loq'uelob ti norte. Mach yomic mi' chʌn loq'uelob ya' ba' mi' yochelob.

Levitico 23:4

Mi caj la' mel jini ñuc bʌ q'uiñijel tic tojlel. Jiñʌch ch'ujul bʌ q'uin, mu' bʌ caj la' mel che' ti yorajlel tac.

Levitico 23:5

Mi' cajel ili q'uiñijel che' ti' jilibal marzo.

Deuteronomio 16:1

Ti jujump'ejl jab che' ti abril yom mi la' mel q'uin cha'an Pascua ti' tojlel lac Yum Dios. Come ti jim bʌ ora lac Yum Dios tsi' loc'sayetla ti Egipto che' ti ac'ʌlel.

Deuteronomio 16:16

Uxyajl ti jujump'ejl jab mi caj i majlelob winicob yic'ot ch'iton bʌ la' walobilob ya' ti ajñibʌl yajcʌbil bʌ i cha'an lac Yum Dios che' ti' q'uiñilel jini waj mach bʌ anic i pajel, yic'ot i q'uiñilel jini semana tac, yic'ot i q'uiñilel jini Tabernáculo. Mach yomic to'ol meq'uel la' c'ʌb mi' la' tilel.

1 Samuel 1:3

Ti jujump'ejl jab i tilel mi' letsel majlel ili winic ti tejclum i c'aba' Silo cha'an mi' ch'ujutesan lac Yum, jiñʌch i Yum Panchan yic'ot Pañimil. Tsa' majli i tsʌnsʌben i majtan. Ya' añob i yalobilob Elí. Jiñobʌch Ofni yic'ot Finees, motomajob i cha'an lac Yum.