Exodo 23:13 - Chol: I T’an Dios

¹³ Ch'ʌmʌla ti la' wenta pejtelel chuqui tsac subeyetla. Mach la' pejcan dioste' tac. Mach yomic mi' yubintel i c'aba' dioste' tac ti la' tojlel.

Chol de Tumbalá Bible

¹³ Ch'ʌmʌla ti la' wenta pejtelel chuqui tsac subeyetla. Mach la' pejcan dioste' tac. Mach yomic mi' yubintel i c'aba' dioste' tac ti la' tojlel.

Jiñi Tsiji' bʌ Wen T'añ cha'añ Estudio

¹³ Ch'ʌmʌla ti la' wenta pejtelel chuqui tsa' c su'beyetla. Mach mi la' pejcan yam bʌ dios tac mi yomic mi la' wʌlben i c'aba'.

Exodo 23:13 Iomraidhean Croise

Salmos 16:4

Jini mu' bʌ i ch'ujutesañob yambʌ dios mi' wen tajob wocol. Ma'anic mi caj cʌc' majtañʌl tac che' bajche' mi' melob. Ma'anic mi caj c pejcʌben i c'aba' i dioste' tac.

Salmos 39:1

Tsa cʌlʌ: Mi caj c chʌcʌ cʌntan c bʌ, Ame lecojic mic cha'len t'an. Mi caj cotsan freno ti quej, Che' añon ti' tojlel jini jontolo' bʌ, cho'on.

Exodo 23:24

Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Exodo 23:32

Mach mi la' mel trato yic'otob. Mach yomic mi la' pejcan i dioste' tac.

Jeremias 10:11

Yom ma' subeñob: Ma'anic chuqui mi' melob jini diosob. Mach i melbalic panchan yic'ot pañimil. Jini cha'an mi caj i sʌc jilelob.

Oseas 2:17

Israel, mi caj cʌc' ti ñajʌyel a cha'an a dioste' tac. Ma'anix mi caj a chʌn pejcʌben i c'aba'.

Zacarias 13:2

Ti jim bʌ ora mi caj c lu' jisan jini dios tac yic'ot i ña'tʌntel yic'ot pejtel lot bʌ x'alt'añob yic'ot i bibi'lel i pusic'al winicob x'ixicob.

Efesios 5:12

Come quisintic jax ti' yʌlol chuqui mi' mucul melob.

Efesios 5:15

Yom yʌxʌl la' wo che' bajche' jini año' bʌ i pusic'al. Tsajaletla ame mi la' ñusan q'uin che' bajche' jini tontojo' bʌ.

Deuteronomio 12:3

Yom mi la' jemben i pulʌntib tac, yic'ot jini wa'al bʌ xajlel tac mu' bʌ i ch'ujutesañob. Yom mi la' pul jini ch'ujul bʌ te' i cha'añob. Yom mi' la' jisʌben pejtelel i yejtal tac i diosob cha'an ma'anix mi' chʌn ña'tʌntel i c'aba' wʌ' ti lum.

Deuteronomio 4:15

Ti jim bʌ ora che' bʌ lac Yum tsi' cha'le t'an ya' ti' yojlil c'ajc, tsa' la' q'uele ma'anic i cuctal. Jini cha'an wen cʌntanla la' pusic'al

Deuteronomio 4:23

Jini cha'an yom wen tsajiletla cha'an ma'anic mi' ñajʌyel la' cha'an i t'an lac Yum Dios tsa' bʌ i yʌq'ueyetla. Mach mi la' mel i yejtal tac, come lac Yum Dios tsa'ix i tiq'uiyetla.

Deuteronomio 4:9

Chʌcʌ q'uele la' bʌ. Tsajin la' bʌ cha'an ma'anic mi' ñajʌyel la' cha'an chuqui tac tsa' la' q'uele. Mach yomic mi' yʌjñel la' pusic'al che' cuxulet tola. Yom mi la' cʌntesan la' walobilob yic'ot i yalobilob la' walobilob.

Deuteronomio 6:1

Jiñʌch i mandar yic'ot i cʌntesa Dios yic'ot la' tic'ol tsa' bʌ i subeyon lac Yum Dios cha'an mij cʌntesañetla. Yom mi la' jac' ti jini lum baqui mi la' majlel ti chumtʌl.

1 Timoteo 4:16

Cʌntan a bʌ. Chʌn cha'len cʌntesa ti toj. Chʌn ajñen ti' sujmlel, come che' jini mi caj a coltan a bʌ yic'ot jini mu' bʌ i yubiñob a t'an.

Hebreos 12:15

Tsajiletla ame anic juntiquil ti la' tojlel mu' bʌ i ñusʌben i yutslel i pusic'al Dios. Cʌntan la' bʌ ame anic jini ch'aj bʌ mu' bʌ i tech mich'ajel ti la' pusic'al ame i bib'esʌbeñob i pusic'al cabʌlob.

Josue 22:5

Yom tsajaletla cha'an mi la' jac' ti ts'ʌcʌl jini t'an yic'ot jini mandar tsa' bʌ i subeyetla Moisés i winic lac Yum. Yom mi la' c'uxbin lac Yum Dios. Cha'lenla xʌmbal ti' bijlel. Yom mi la' jac'ben i mandar. Yom mi la' tsajcan majlel. Yom xuc'ul mi la' wajñel ti pejtelel la' pusic'al, che'en Josué.

Josue 23:11

Yom mi la' cʌntan la' bʌ che' jini. Yom mi la' c'uxbin lac Yum Dios.

Josue 23:7

Mach yomic mi la' wajñel la' wic'ot jini winicob x'ixicob tsa' bʌ cʌleyob ti la' tojlel. Mach yomic mi la' pejcʌben i dioste'. Mach yomic mi la' taj ti t'an i diosob. Mach yomic mi la' ch'ujutesan.