Exodo 23:12 - Chol: I T’an Dios

¹² Wʌcp'ejl q'uin mi caj a cha'len e'tel. Ti wucp'ejlel q'uin mi caj a c'aj a wo yic'ot a wacax yic'ot a burro. Che' jini mi mejlel i c'aj i yo i yalobil xe'tel a cha'an yic'ot a jula' ch'oyol bʌ ti yambʌ lum.

Chol de Tumbalá Bible

¹² Wʌcp'ejl q'uin mi caj a cha'len e'tel. Ti wucp'ejlel q'uin mi caj a c'aj a wo yic'ot a wacax yic'ot a burro. Che' jini mi mejlel i c'aj i yo i yalobil xe'tel a cha'an yic'ot a jula' ch'oyol bʌ ti yambʌ lum.

Jiñi Tsiji' bʌ Wen T'añ cha'añ Estudio

¹² Wʌcp'ejl q'uiñ mi caj a cha'len e'tel, pero ti' wucp'ejlel q'uiñ mi caj a c'aj a wo yic'ot a wacax yic'ot a burro yic'ot mi caj i c'aj i yoj i yalobil a criada yic'ot jiñi ch'oyol bʌ ti yam bʌ lum.

Exodo 23:12 Iomraidhean Croise

Nehemias 13:16

Tsaj q'uele ja'el winicob ch'oyolo' bʌ ti Tiro wʌ' bʌ chumulob ti tejclum. Woli' ch'ʌmob tilel chʌy yic'ot cabʌl chubʌ'añʌl. Woli' chombeñob jini chumulo' bʌ ti Judá yic'ot ti Jerusalén che' ti' yorajlel c'aj o.

Exodo 16:23

Moisés tsi' subeyob: Lac Yum tsi' yʌlʌ: “Ijc'ʌl mi caj la' c'aj la' wo. Jiñʌch ch'ujul bʌ c'aj o cha'an mi la' ch'ujutesan lac Yum. Pojponla chuqui yom. Ch'ʌxʌla chuqui yom. Lotola i colojbal cha'an ijc'ʌl”. Che' tsi' yʌlʌ lac Yum, che'en Moisés.

Exodo 23:11

Che' tsa'ix ts'ʌctiyi wʌcp'ejl jab yom ma' poj aq'uen i c'aj i yo jini lum jump'ejl jab. Jini a pʌc'ʌb mu' bʌ i yʌc' i wut la' i c'uxob jini p'ump'uño' bʌ. Mi tsa' to cʌle la' i c'ux bʌte'el. Che'ʌch yom mi' yujtel ja'el ti a ts'usubil yic'ot olivojil.

Exodo 34:21

Wʌcp'ejl q'uin yom mi la' cha'len e'tel. Ti' wucp'ejlel q'uin yom mi la' c'aj la' wo yic'ot che' ti yorajlel mi la' top' lum, yic'ot ti yorajlel la' c'ajbal.

Exodo 35:2

Wʌcp'ejl jach q'uin yom mi la' cha'len e'tel. Ch'ujulʌch jini wucp'ejlel q'uin q'uin come i q'uiñilelʌch c'aj o cha'an lac Yum. Majqui jach mi' cha'len e'tel ti jini q'uin mi caj i tsʌnsʌntel.

Exodo 35:3

Mach yomic mi la' xic' la' c'ajc ti la' wotot ti' yorajlel c'aj o, che'en.

Isaias 58:3

Mi' subeñoñob: Lolom jach mic cha'len lojon ch'ajb. Cʌxti muq'uic a q'uel. ¿Chucoch mic lon tic'lan c bʌ ti cabʌl wocol che' ma'anic ma' p'ison lojon ti wenta? che'ob. Pero ti' q'uiñilel ch'ajb mi la' mel chuqui mi la' bajñel ña'tan ti la' pusic'al. Mi la' to'ol c'ʌn ti wocol e'tel jini x'e'telob la' cha'an.

Levitico 23:3

Wʌcp'ejl jach q'uin yom mi la' cha'len e'tel. Che' ti' wucp'ejlel q'uin yom mi la' c'aj la' wo, come jiñʌch ch'ujul bʌ q'uin. Mach yomic mi la' mel mi junchajpic la' we'tel, come i q'uiñilelʌch c'aj o ti' tojlel baqui jach chumuletla”.

Marcos 2:27

Jesús tsi' subeyob ja'el: Aq'uebilob winicob x'ixicob jini q'uin che' mi laj c'aj la co. Jini q'uin cha'añʌch i wenlel winicob x'ixicob. Mach melbilobic winicob x'ixicob cha'an mi' yʌq'ueñob i ñuclel i q'uiñilel c'aj o.

Lucas 13:14

Tsa' mich'a i yum sinagoga, come Jesús tsi' cha'le lajmesaya ti' q'uiñilel c'aj o. Tsi' subeyob winicob x'ixicob: Wʌcp'ejl q'uin mi lac cha'len e'tel. Ti jim bʌ ora yom mi la' tilel cha'an mi la' lajmesʌntel, mach ti' q'uiñilelic c'aj o, che'en.