Exodo 23:1 - Chol: I T’an Dios

¹ Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Chol de Tumbalá Bible

¹ Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Jiñi Tsiji' bʌ Wen T'añ cha'añ Estudio

¹ Mach ma' p'ojlesan t'añ che' mach a wujilic mi isujm. Mach ma' laj a t'añ a wic'ot xjontolil cha'añ ma' mucben i mul.

Exodo 23:1 Iomraidhean Croise

Genesis 39:17

Ili x'ixic lajal tsi' sube: Jini hebreo tsa' bʌ a pʌyʌ tilel ti lac tojlel cha'an mi' melbeñet a we'tel tsa' yʌlʌ i pi'leñon cha'an mi' yʌc'on ti quisin.

2 Samuel 16:3

Jini rey tsi' c'ajtibe: ¿Baqui an i yalobil a yum? che'en. Siba tsi' jac'ʌ: Ya' tsa' cʌle ti Jerusalén. Come woli' yʌl wersa mi caj i sutq'uibeñob jini israelob i yumʌntel i tatuch, che'en.

2 Samuel 19:27

Tsi' wulwul a'leyon ti a tojlel, c yum. Pero cujil lajalet c rey bajche' juntiquil i yángel Dios. Jini cha'an yom ma' mel che' bajche' a wom.

Salmos 101:5

Mi caj c tic' jini mu' bʌ i lon jop'ben i mul i pi'ʌl ti chumtʌl. Ma'anic mi caj j cuchben jini mu' bʌ i chañ'esan i bʌ, mu' bʌ i q'uel i bʌ ti ñuc.

Salmos 120:3

Mi awujil lot, ¿bajche' mi caj a wujtel? ¿Chuqui to yom ma' melbentel?

Salmos 15:3

Mach yujilic jop't'an. Ma'anic chuqui mi' tumben i cʌñʌ bʌ. Ma'anic mi' chʌn ña'tiben i mul i pi'ʌlob.

Salmos 27:12

Mach a wʌc'on ti' wenta jini mu' bʌ i tem ña'tañob i contrajiñon. Tsa' tejchiyob tij contra jini xjop't'añob. Ch'ejlob jax mi' melob i bʌ ti jontolil.

Salmos 35:11

Tsa'ix caji i jop'ob c mul xlotob. Tsi' jop'oyob jini mach bʌ c'ajalic c cha'an.

Exodo 20:16

Mach a cha'len jop't'an ti' contra a pi'ʌl.

Exodo 23:7

Mach ma' jop'ben i mul yambʌ. Mach ma' wʌc' ti tsʌnsʌntel jini mach bʌ anic i mul, come ma'anic mi caj c ñusʌbeñet a mul che' jini.

Proverbios 10:18

Jiñʌch xlotiya mu' bʌ i mujcun i mich'lel ti uts bʌ t'an. Tonto jini mu' bʌ i puc majlel u'yaj t'an.

Proverbios 12:17

Jini mu' bʌ i cha'len t'an ti isujm mi' yʌc' ti tsictiyel chuqui toj, pero jini mu' bʌ i lon al i bʌ ti testigo mi' cha'len lotiya.

Proverbios 14:5

Jini isujm bʌ testigo mach yujilic lot. Jini mu' bʌ i lon sub i bʌ ti testigo wen yujil lot.

Proverbios 17:4

Jini jontol bʌ mi' bʌc' ac' ti' pusic'al i t'an jini jontolo' bʌ. Jini xlot mi' ñich'tʌben i t'an xjop't'an.

Proverbios 19:28

Jini testigo mu' bʌ i soc i t'an ti melobʌjʌl woli' wajliben i ye'tel xmeloñel. Mi' jisan jini toj bʌ ti lot.

Proverbios 19:5

Jini mu' bʌ i lon sub i bʌ ti testigo wersa mi caj i toj i lot. Mach mejlic ti puts'el jini mu' bʌ i cha'len lot.

Proverbios 19:9

Jini mu' bʌ i lon sub i bʌ ti testigo wersa mi caj i toj i lot. Mi' caj ti jilel jini mu' bʌ i cha'len lot.

Proverbios 21:28

Jini mu' bʌ i lon otsan i bʌ ti testigo mi' caj ti jilel. Jini tsa'ix bʌ i yubi isujm bʌ t'an joy lajalʌch i t'an ti pejtelel ora.

Proverbios 24:28

Mach ma' lon pucbeñob i mul a pi'ʌlob che' mach anic ti a wenta. Mach yomic ma' lotin a pi'ʌlob ti uts bʌ t'an.

Proverbios 25:18

Laj yujil i lowonla: martillo yic'ot cuchillo yic'ot i lanzajlel jalʌjb jay bʌ i ñi', yic'ot winic mu' bʌ i jop' t'an ti' contra i pi'ʌlob ti chumtʌl.

Proverbios 25:23

Mi' cajel ja'al che' ch'oyol ic' ti norte. Mi' caj ti mich'ajel jini mu' bʌ i yu'yajintel.

Proverbios 6:19

jini mu' bʌ i jop' t'an ti meloñel, jini mu' bʌ i t'ox hermanojob ti a'leya. Jiñobʌch ts'a'lebilo' bʌ cha'an lac Yum.

Jeremias 20:10

Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Levitico 19:11

Mach la' cha'len xujch'. Mach yomic mi la' lotin la' pi'ʌlob.

Levitico 19:16

Mach yomic mi la' joy ñumel ti u'yaj. Mach mi la' jop'ben i mul la' pi'ʌlob. Ña'tanla la' Yumon.

Mateo 19:18

Jini winic tsi' c'ajtibe: ¿Chuqui ti mandar? che'en. Jesús tsi' sube: Mach a cha'len tsʌnsa. Mach a cha'len ts'i'lel. Mach a cha'len xujch'. Mach a cha'len jop't'an.

Lucas 19:8

Che' wa'al Zaqueo ba'an lac Yum, tsi' sube: Awilan, c Yum, mi caj cʌq'ueñob ojlil c chubʌ'an jini mach bʌ añobic i chubʌ'an. Mi tsac chilbe i chubʌ'an winic mi caj c cha' sutq'uiben uxyajl i ñumel, che'en Zaqueo.

Lucas 3:14

Cha'tiquil uxtiquil soldadojob ja'el tsi' c'ajtibeyob: Jixcu joñon lojon, ¿chuqui yom mic mel lojon? che'ob. Juan tsi' subeyob: Mach mi la' chilben i taq'uin winic mi juntiquilic. Mach mi la' pʌc' ti mulil mi juntiquilic. Yom contentojetla yic'ot i tojol la' we'tel, che'en.

Juan 7:51

¿Chuqui mi' yʌl jini mandar? ¿Mejl ba mi lac sub mi an i mul winic, che' maxto ubibilic i t'an jini winic, che' maxto ña'tʌbilic chuqui tsi' cha'le? che'en.

Romanos 3:8

¿Yom ba mi la cʌl: La' lac cha'len jontolil cha'an mi' p'ojlel chuqui tac uts'at? Mach yomic. Woliyob ti lot mu' bʌ i yʌlob che'ʌch wolic sub lojon. Mi caj i yʌjq'uelob ti tojmulil che' bajche' yom.

Efesios 4:25

Jini cha'an cʌyʌla lot. Cha'lenla t'an ti isujm ti jujuntiquiletla yic'ot la' pi'ʌlob, come lac pi'ʌlʌch lac bʌ.

Deuteronomio 5:20

Mach a cha'len jop't'an ti' contra a pi'ʌlob.

2 Timoteo 3:3

Mach yujilobic c'uxbiya mi p'untaya. X'u'yajob. Ma'anic mi' tic'ob i pusic'al. Wen jontolob. Mi' ts'a'leñob chuqui uts'at.

1 Pedro 3:16

Ajñenla ti uts'at cha'an ma'anic mi' tejchel t'an ti la' pusic'al. Che' jini mi caj i yubiñob quisin la' contrajob mu' bʌ i pʌq'uetla ti jontolil, che' mi' q'uelob wen bʌ la' melbal ti Cristo.

Apocalipsis 12:10

Tsa cubi c'am bʌ t'an ti panchan. Tsi' yʌlʌ: Tsa'ix tili i coltʌntel winicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui jubel jini mu' bʌ i sub i mul la quermanojob. Mi' sub lac mul ti' tojlel Dios ti q'uiñil ti ac'ʌlel.