Exodo 22:25 - Chol: I T’an Dios

²⁵ Che' ma' wʌq'ueñob taq'uin ti majan c cha'año' bʌ cha'an pobrejob, mach ma' ch'ʌmben i jol che' bajche' xp'ojlesa taq'uiñob.

Chol de Tumbalá Bible

²⁵ Che' ma' wʌq'ueñob taq'uin ti majan c cha'año' bʌ cha'an pobrejob, mach ma' ch'ʌmben i jol che' bajche' xp'ojlesa taq'uiñob.

Jiñi Tsiji' bʌ Wen T'añ cha'añ Estudio

²⁵ Che' ma' wʌc' a taq'uiñ ti majan ti' tojlel juntiquil p'ump'un bʌ chumul bʌ ti a lumal, mach ma' ch'ʌmben i jol a taq'uiñ che' bajche' xp'ojlesa taq'uiñob.

Exodo 22:25 Iomraidhean Croise

2 Reyob 4:1

I yijñam juntiquil x'alt'an tsa' c'oti i pejcan Eliseo. Tsi' yʌlʌ: Tsa'ix chʌmi c ñoxi'al. Che' cuxul to tsi' wen bʌc'ña lac Yum Dios. Che' bʌ tsa' chʌmi, an i bet. Tsa' tili i yum jini taq'uin cha'an mi' c'ajtin. Mi ma'anic mic tojben, mi caj i pʌy majlel jini cha'tiquil calobil ti' mozo, che'en.

2 Reyob 4:7

Jini xmeba' tsa' majli i suben jini x'alt'an chuqui tsa' ujti. Eliseo tsi' sube: Cucu choño jini aceite cha'an ma' tojben i bet a ñoxi'al. I tojol jini aceite mi caj i jastʌyel cha'an ma' c'ʌn jatet yic'ot a walobilob, che'en.

Nehemias 5:7

Tsac ña'ta tic pusic'al chuqui yom. Tsa cʌ'le jini ñuco' bʌ winicob yic'ot jini año' bʌ i ye'tel. Tsac subeyob: Woli la' chilbeñob la' pi'ʌlob i jol i taq'uin ti jujuntiquiletla, cho'on. Tsac tempa tilel cabʌl winicob x'ixicob cha'an mic melob.

Salmos 15:5

Ma'anic mi' ch'ʌm i jol taq'uin che' mi' yʌc' ti majan. Ma'anic mi' ch'ʌm taq'uin cha'an mi' tic'lan jini mach bʌ anic i mul. Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.

Proverbios 28:8

Jini mu' bʌ i yʌc' i taq'uin ti bet, mu' bʌ i c'ajtiben i jol ti uw ti uw cha'an mi' p'ojlesan i chubʌ'an, woli jach i p'ojlesan cha'an mi' yʌq'uen yambʌ winic wen bʌ i pusic'al mu' bʌ caj i p'untan jini pobrejob.

Jeremias 15:10

Obol c bʌ, mamá. ¿Chucoch tsa' lon ac'ʌyon ti pañimil? Ts'a' mi' q'ueloñob pejtel winicob ti pejtelel pañimil. Anquese ma'anic tsa cʌc'ʌ c taq'uin ti bet, anquese ma'anic tsaj c'ajti ti bet, mi' laj p'ajoñob.

Ezequiel 18:13

mi letsem tsi' c'ajti i jol taq'uin che' bʌ tsi' yʌc'ʌ ti majan, ¿cuxul ba mi caj i yajñel ili winic? Ma'anic. Wersa mi' chʌmel, come pejtelel chuqui tsi' mele jiñʌch mulil. Jini cha'an an ti' bajñel wenta cha'an mi' toj i mul che' ti' yorajlel wocol.

Ezequiel 18:17

Ma'anic mi' tic'lan jini p'ump'un bʌ. Ma'anic mi' c'ajtiben i jol i taq'uin. Mi ti pejtelel ora mi' chʌn jac'beñon c t'an, ma'anic mi caj i chʌmel ili winic cha'an i mul i tat. Cuxul mi caj i yajñel.

Ezequiel 18:7

Ma'anic mi' tic'lan i pi'ʌlob. Mi' cha' sutq'uiben i prenda jini xbet taq'uin. Ma'anic mi' cha'len xujch'. Mi' yʌq'uen i c'ux waj jini am bʌ i wi'ñal. Mi' yʌq'uen i pislel jini pits'il bʌ.

Ezequiel 18:8

Ma'anic mi' c'ajtin i jol taq'uin che' mi' yʌc' ti majan. Uts'at mi' ñusan q'uin ti' tojlel pejtelel winicob.

Ezequiel 22:12

Mi la' ch'ʌm la' tojol cha'an mi la' cha'len tsʌnsa. Mi la' tic'lan la' pi'ʌlob. Tsa'ix ñajʌyiyon la' cha'an, che'en lac Yum Dios.

Amos 2:8

Ya' ti' t'ejl pejtel pulʌntib mi' ñoltʌlob ba' tajsibil i pislel tsa' bʌ i ch'ʌmʌyob ti prenda. Ti' yotot Dios mi' japob vino tsa' bʌ i ch'ʌmʌyob cha'an multa.

Mateo 25:27

¿Chucoch ma'anic tsa' wʌc'ʌ c taq'uin ba' mi' c'ʌjñel ti ganar? Actan che'ic jini, tsa' mejli c cha' ch'ʌm c taq'uin yic'ot i jol che' bʌ tsa' juliyon.

Lucas 19:23

¿Chucoch che' jini, ma'anic tsa' wʌc'ʌ c taq'uin ba' mi' c'ʌjñel ti ganar? Che'ic jini tsa' mejli c cha' ch'ʌm c taq'uin yic'ot i jol che' bʌ tsa' juliyon”, che'en.

Deuteronomio 15:7

Mi p'ump'un juntiquil la' pi'ʌl ya' ti la' lumal mu' bʌ caj i yʌq'ueñetla lac Yum Dios, mach yomic chʌc la' pusic'al. Mach yomic mi la' bi'len che' mi' c'ajtibeñetla i coltʌntel. Aq'uen la' chubʌ'an jini p'ump'un bʌ.

Deuteronomio 24:13

Che' maxto bʌjlemic q'uin, yom ma' cha' sutq'uiben i pislel cha'an mi' c'ʌn ti wʌyel. Che' jini uts'at mi caj i q'uelet. Uts'at mi caj i q'uelet ja'el lac Yum Dios.