Exodo 22:22 - Chol: I T’an Dios

²² Mach mi la' tic'lan meba' x'ixic yic'ot meba' alʌl.

Chol de Tumbalá Bible

²² Mach mi la' tic'lan meba' x'ixic yic'ot meba' alʌl.

Jiñi Tsiji' bʌ Wen T'añ cha'añ Estudio

²² Mach mi la' tic'lan me'ba' x'ixic yic'ot me'ba' alʌl.

Exodo 22:22 Iomraidhean Croise

Job 31:16

Mi tsac chʌclibe jini pobre chuqui tac tsi' c'ajti ti wocol t'an, mi tsac techbe i wocol jini meba' x'ixic,

Job 34:28

Pero Dios tsi' yubibeyob i yuq'uel jini p'ump'uño' bʌ. Tsi' yubibeyob i t'an jini tic'lʌbilo' bʌ.

Salmos 10:14

Tsa'ix a q'uele, come ma' wotsan ti a pusic'al jini wocol yic'ot c'oj'ol cha'an ma' q'uextan. Jini p'ump'un bʌ mi yʌc' i bʌ ti a wenta. Xcoltayajet i cha'an meba' alʌlob.

Salmos 34:7

I yAngel lac Yum mi' joy mʌctan jini mu' bʌ i bʌc'ñañob lac Yum. Mi' coltañob.

Proverbios 22:23

Come lac Yum mi caj i mel. Mi caj i jisan jini mu' bʌ i tic'lañob.

Proverbios 23:10

Mach ma' lux majlel i cayajonlel i lum meba' x'ixic. Mach ma' chilbeñob i lum meba' alʌlob.

Proverbios 23:11

Come jini mach bʌ anic i p'isol i p'ʌtʌlel mi' wen q'uel meba' alʌlob. Mi caj i coltañob ti' tojlel jini tsa' bʌ i tic'layob. Mi caj i yʌq'uet ti quisin mi tsa' tic'layob.

Isaias 1:17

¡Ñopox la' mel chuqui uts'at! Cʌntesan la' bʌ ti' melol jini toj bʌ ti' tojlel yaño' bʌ. Tiq'uila xjontolilob, coltanla jini p'ump'uño' bʌ yic'ot jini meba' alobob yic'ot meba' x'ixicob, che'en.

Isaias 1:23

Jini yumʌlob la' cha'an xñusa t'añob, i pi'ʌlobʌch xujch'. Mi ch'ʌmob taq'uin cha'an mi' mucbeñob i mul i pi'ʌlob. Mu' jach i sʌclañob i majtan. Ma'anic mi' wen coltañob jini meba'ob. Ma'anic mi' p'isob ti wenta i wocol t'an jini meba' x'ixicob.

Isaias 10:2

Mi' tic'lañob jini p'ump'uño' bʌ yic'ot meba' x'ixicob yic'ot meba' alobob. Mi' xujch'ibeñob chuqui an i cha'an.

Jeremias 7:6

Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Jeremias 7:7

Che' jini mi caj la' chʌn ajñel ti jini lum wʌ' ba' añetla tsa' bʌ cʌq'ueyob la' tatob. I cha'añobʌch ti pejtelel ora.

Ezequiel 22:7

Jini ch'itoñob yic'ot xch'ocob mi' ts'a'leñob i tatob yic'ot i ña'ob. Mi la' tic'lan jini ñajt bʌ ch'oyolob yic'ot jini meba' alʌlob yic'ot meba' x'ixicob.

Zacarias 7:10

Mach la' tic'lan meba' x'ixicob yic'ot meba' alobob yic'ot jini ñajt bʌ ch'oyolob yic'ot jini p'ump'uño' bʌ. Mach la' tech jontolil ti la' pusic'al ti' contra la' pi'ʌlob.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 23:14

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Mi la' chilbeñob i yototob meba' x'ixicob. Mi la' mel tam bʌ oración cha'an mi' la' lon q'uejlel ti uts'at. Jini cha'an ñumen cabʌl mi caj la' taj tojmulil.

Deuteronomio 10:18

Lac Yum mi' coltan meba' alʌlob yic'ot meba' x'ixicob. Mi caj i melob mu' bʌ i tic'lañob. Mi' c'uxbin ja'el jini ñajt bʌ ch'oyolob mu' bʌ i cʌyob i lumal cha'an mi' chumtʌlob ti lac tojlel. Muq'uix i yʌq'uenob i bʌl i ñʌc' yic'ot i pislel.

Deuteronomio 15:9

Tsajin la' bʌ ame tilic jontol bʌ pensar ti la' pusic'al ame la' wʌl: “Wolix i joloñel wʌcp'ejl jab. Talix i yorajlel che' mi' ñusʌbentelob i bet”. Mach che'eticla. Mi to'ol jach mi' majlel jini p'ump'un bʌ la' pi'ʌl cha'an ma'anic tsa' la' wʌq'ue chuqui yom, woli la' ts'a'len. Awilan bʌbʌq'uen mi' pejcan lac Yum cha'an mi' cajtin meloñel. Che' jini mi caj la' toj la' mul.

Deuteronomio 24:17

Mach yomic ma' tic'lan jini mach bʌ mero anic i lumal ti la' tojlel yic'ot jini meba'o' bʌ. Mach yomic ma' ch'ʌmben i pislel jini meba' x'ixic cha'an i q'uexol i bet.

Deuteronomio 24:18

Yom ma' chʌn ña'tan bajche' añet ti yambʌ ora che' mozojet ya' ti' lumal Egipto. Lac Yum Dios tsi' loc'sayet ya'i. Jini cha'an che'ʌch yom ma' mel bajche' mic subeñet.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

Santiago 1:27

Jini mu' bʌ i ch'ujutesan Dios ti isujm, mach bʌ anic i bibi'lel ti' tojlel Dios lac Tat, jiñʌch mu' bʌ i coltan meba' alobob yic'ot meba' x'ixicob. Mi' chʌcʌ q'uel i bʌ ame i ñopben i sojquemal pañimil.